Ystadegau dysgu ôl-16 yn ôl grŵp ethnig y dysgwyr: Awst 2017 i Orffennaf 2021

Adroddiad ar ystadegau a deilliannau dysgu ôl-16 yn ôl grŵp ethnig y dysgwyr, ar gyfer rhaglenni galwedigaethol a rhaglenni addysg gyffredinol (gan gynnwys Safon Uwch) mewn chweched dosbarth ysgolion a cholegau addysg bellach, ac ar gyfer prentisiaethau neu gyrsiau dysgu oedolion, rhwng mis Awst 2017 a mis Gorffennaf 2021.

Mae’r adroddiad hwn yn nodi’r ystadegau sylfaenol ar ddysgu ôl-16 ar gyfer dysgwyr gyda chefndiroedd ethnig gwahanol fel y gellir nodi a monitro anghydraddoldebau wrth symud ymlaen. Mae’n dwyn ynghyd ystadegau newydd ac ystadegau a gyhoeddwyd yn flaenorol.

Prif bwyntiau

Roedd myfyrwyr blwyddyn 11 o gefndir Sipsiwn, Teithwyr neu Deithwyr Gwyddelig yn llai tebygol o barhau i addysg ôl-16 na grwpiau ethnig eraill.
O ran y rhan fwyaf o grwpiau ethnig leiafrifol eraill roedd cyfranogiad yn agos at gyfartaledd Cymru, neu uwchlaw iddo.
Mae dysgu seiliedig ar waith yn llai amrywiol o ran ethnigrwydd na meysydd eraill dysgu ôl-16.
Yn gyffredinol, roedd dysgwyr o gefndiroedd Du, Asiaidd ac ethnig leiafrifol yn llai tebygol o fod mewn cyflogaeth barhaol ar ôl gadael dysgu ôl-16.
O gymharu ag eraill, mae cyfraddau cyflawni Safon Uwch is gan ddysgwyr o gefndiroedd Bangladeshaidd; Gwyn a Du Affricanaidd; Gwyn a Du Caribïaidd; Gwyn a Du Asiaidd; ac unrhyw gefndir ethnig lleiafrifol arall.
Dysgwyr gwrywaidd o gefndiroedd Du, Affricanaidd, Caribïaidd, neu Ddu Prydeinig sydd â chanlyniadau graddau Safon Uwch isaf o unrhyw gyfuniad o grwpiau ethnig / rhywedd.

Adroddiadau