Ystadegau twristiaeth ddomestig Prydain Fawr (teithiau undydd yng Nghymru): mis Ebrill i fis Rhagfyr 2021

Mae'r ystadegau yn y datganiad hwn yn seiliedig ar arolwg ar-lein cyfunol newydd sy'n disodli Arolwg Twristiaeth Prydain Fawr ac Arolwg Ymweliadau Undydd Prydain Fawr a oedd yn cael eu cynnal tan ddiwedd 2019. Darperir rhagor o wybodaeth yn adran methodoleg ac ansawdd y cyhoeddiad hwn ar newidiadau i'r arolwg sy'n cyfyngu ar y gallu i gymharu â'r amcangyfrifon cyhoeddedig ar gyfer 2019 a blynyddoedd blaenorol.

Mae'r amcangyfrifon hyn wedi'u diwygio oherwydd nodwyd bod nifer o deithiau unigol yn cael effaith anghymesur ar gyfanswm y teithiau a'r gwariant a amcangyfrifir ar gyfer Cymru a Phrydain Fawr. Mae capiau ar gyfer swm y teithiau a'r gwariant wedi'u defnyddio bellach i liniaru effaith anghymesur y teithiau hyn ar amcangyfrifon. Mae cyflwyno'r capiau wedi lleihau ychydig ar yr amcangyfrifon drwyddi draw yn y datganiad hwn. Pan fydd data mewn tabl neu siart wedi'u diwygio, nodir hyn yn nheitl y tabl neu'r siart.