Adroddiad rheoli gwastraff trefol awdurdod lleol: Ebrill 2022 i Mawrth 2023

Cafodd pandemig coronafeirws (COVID-19) effaith ar gasglu a rheoli gwastraff trefol awdurdodau lleol Cymru yn ystod 2020 i 2021 a 2021 i 2022. Dylid ystyried hyn wrth gymharu yn erbyn y blynyddoedd blaenorol a rhwng awdurdodau lleol.

Y gyfradd ailgylchu yw canran gwastraff trefol awdurdodau lleol a gafodd ei ailddefnyddio, ei ailgylchu neu ei gompostio. Mae'r gyfradd ailgylchu wedi cynyddu'n sylweddol yn ystod y ddwy ddegawd diwethaf (o tua 5% yn y 1990au hwyr).

Prif bwyntiau

• Cynyddodd y gyfradd ailgylchu ychydig o 65.2% yn 2021 i 2022 i 65.7% yn 2022 i 2023. Mae hyn yn rhagori ar y targed o 64% a osodwyd yn y Strategaeth ‘Mwy nag ailgylchu’ (2021).
• Cofnododd  12 o’r 22 awdurdodau lleol gynnydd yn eu cyfradd ailddefnyddio/ailgylchu/compostio i gymharu â llynedd.
• Cynhyrchwyd 1.4 miliwn tunnell o wastraff trefol awdurdod lleol, gostyngiad o 7.2% i gymharu â llynedd, a'r isaf a gofnodwyd ers 2001 i 2002.
• Gostyngodd gwastraff gweddilliol cartrefi fesul person 5.5%, gan ostwng o 182kg yn 2021 i 2022 i 172kg yn 2022 i 2023.

Nodiadau

Cesglir data ar reolaeth gwastraff er mwyn monitor cynnydd yn erbyn targedau lleol a chenedlaethol; yn benodol yn erbyn gofynion Y Gyfarwyddeb Fframwaith Gwastraff a’r Gyfarwyddeb Tirlenwi. Yn y strategaeth gwastraff cyfredol ‘Mwy nag ailgylchu’ (2021) mae Llywodraeth Cymru wedi gosod targedau ailgylchu statudol o 64% o wastraff erbyn 2019 i 2020 a 70% erbyn 2024 i 2025.

Daw’r data or system WasteDataFlow sy’n cael ei fonitro gan Adnoddau Naturiol Cymru. Mae gwybodaeth ansawdd ar gael yn yr Adroddiad Ansawdd.