Agweddau cyhoeddus at gosbi plant yn gorfforol: cam 2 2019

Mae canfyddiadau arolwg cam 2 wedi’u cymharu â’r union gwestiynau yn Arolwg Omnibws Beaufort 2018. Wrth gynnal pob arolwg omnibws yng Nghymru, defnyddir samplau gwahanol o oedolion 16+, sy’n samplau cwota o ran elfennau demograffig fel oedran, rhyw, ardal a gradd gymdeithasol.

Prif ganfyddiadau

• Mae canfyddiadau arolygon y ddwy don yn dangos bod agweddau at gosbi corfforol yn gymysg, a bod yna elfen o gamddealltwriaeth ynghylch statws y ddeddfwriaeth ar hyn o bryd.
• Gwelwyd newid ym marn pobl am gosbi corfforol ers arolwg 2018 ymhlith y rheini sydd â chyfrifoldebau gofal dros blant o dan saith oed, y grŵp oedran ieuengaf (16 i 34), a’r rheini sy’n perthyn i radd gymdeithasol C2DE (galwedigaethau gwaith corfforol i raddau helaeth). Bellach maent yn fwy tebygol o anghytuno â chosbi corfforol ac o fod o blaid y ddeddfwriaeth.
• Yn arolwg 2019, nododd canran uwch o bobl eu bod o blaid diddymu amddiffyniad cosb resymol nag yn 2018.
• Fel y nodwyd yn arolwg 2018, roedd pobl yn dal i fod am gael mwy o wybodaeth am sut y bydd y ddeddf yn gweithio, ac eglurder ynghylch diffiniadau fel smacio a chosb resymol.