Arfarniad o risg diogelwch system llanw a thrai Pont Britannia

Beth yw system llif llanw?

Mae rhai ffyrdd yn defnyddio lôn sy’n newid cyfeiriad yn dibynnu ar ba mor brysur yw’r traffig. Yn y bore, gallech ddefnyddio’r lôn hyblyg i deithio i un cyfeiriad. Yna, yn y prynhawn, gallech ddefnyddio’r lôn i deithio i’r cyfeiriad arall. Byddai’r lôn yn newid yn dibynnu ar ba gyfeiriad sydd â’r nifer fwyaf o geir. Dyma system llanw a thrai.

Sut byddai’n gweithio ar Bont Britannia?

Ar Bont Britannia, byddai hyn yn golygu creu trydedd lôn yn y canol. Gellid defnyddio’r lôn ganol ar gyfer traffig sy’n teithio tuag at y tir mawr yn y bore. Yna, yn y prynhawn, gallai traffig sy’n teithio tuag at Ynys Môn ddefnyddio’r lôn. Gallai hyn roi mwy o le i yrwyr yn ystod yr adegau prysuraf. 

Yr hyn a ystyriwyd gennym

Er mwyn gwirio a fyddai hyn yn ddiogel, gwnaethom adolygu:

• astudiaethau cynharach o’r syniad
• data ar lefelau traffig a gwrthdrawiadau yn y gorffennol
• maint a chynllun ffisegol y bont
• safbwyntiau pobl sydd â diddordeb yn y bont

Gwnaethom hefyd ystyried a fyddai lôn hyblyg yn ddigon diogel i’w defnyddio pe bai’r canlynol yn cael eu hychwanegu:

• terfynau cyflymder is
• arwyddion yn dangos pa lôn y dylid ei defnyddio
• camerâu

Yr hyn a ganfuom

Mae ein hasesiad yn dangos y byddai ychwanegu lôn hyblyg yn gwneud y bont yn llai diogel nag y mae ar hyn o bryd. Ar sail y dystiolaeth bresennol, mae lefel y risg hon yn rhy uchel. 
Ni fyddwn yn ychwanegu lôn hyblyg at Bont Britannia.