Arolwg Cyflwr Tai Cymru (effeithlonrwydd ynni anheddau): Ebrill 2017 i Fawrth 2018

Mae’r adroddiad yn darparu ystadegau ynghylch Graddfeydd Tystysgrif Perfformiad Ynni ac Effeithiau Amgylcheddol. Mae’r adroddiad hefyd yn cynnwys:

• manylion am y mesuriadau arbed ynni a osodwyd mewn anheddau a dadansoddiad o fathau adeiladu
• y nifer o anheddau sy’n defnyddio ynni adnewyddadwy
• y system wresogi, y prif fath o ynni, a’r math o foeler a ddefnyddir
• cymariaethau rhwng deiliadaethau, mathau o annedd ac ardaloedd trefol/gwledig
• cymariaethau gyda chenhedloedd eraill y DU a newidiadau dros amser.

Prif bwyntiau

• Mae effeithlonrwydd ynni cartrefi yng Nghymru wedi gwella’n arwyddocaol dros y degawd diwethaf, gyda thai cymdeithasol yn dangos y canran uchaf o anheddau ym mand C neu uwch
• Roedd fflatiau'n fwy effeithlon o ran ynni na thai; roedd 55% o fflatiau ym mand EPC C ac uwch o gymharu â 25% o dai.
• Mae anheddau mewn ardaloedd gwledig yn dueddol o fod yn llai  effeithlon o ran ynni nag anheddau mewn ardaloedd trefol.
• Roedd 7% o anheddau yng Nghymru yn defnyddio o leiaf un math o ynni adnewyddadwy yn 2017-18 o gymharu â llai na 1% yn 2008.
• Caiff 65% o anheddau yng Nghymru eu hadeiladu o waith maen ceudod a 26% o waith maen solet.
• Roedd y rhan fwyaf o anheddau yng Nghymru (82%) yn defnyddio nwy i wresogi eu cartrefi.
• Boeleri cyddwyso cyfun oedd y math mwyaf cyffredin o foeler (66%).