Asesu Gwerthusadwyedd Deddf Iechyd a Gofal Cymdeithasol (Ansawdd ac Ymgysylltu) (Cymru) 2020

Daeth Deddf Iechyd a Gofal Cymdeithasol (Ansawdd ac Ymgysylltu) (Cymru) 2020 i rym yn llawn ym mis Ebrill 2023. Cynhaliwyd asesiad gwerthusadwyedd i ddatblygu argymhellion ar raglen briodol i werthuso gweithrediad y Ddeddf a’i heffaith. Roedd yn ystyried pob un o'r pedwar prif ddarpariaethau yn y Ddeddf: y Ddyletswydd Ansawdd, y Ddyletswydd Gonestrwydd, Corff Llais y Dinesydd ar gyfer Iechyd a Gofal Cymdeithasol, a'r gofyniad i ymddiriedolaethau'r GIG gael Is-gadeirydd statudol.

Mae'r adroddiad yn cyflwyno damcaniaeth newid a tabl ar fesurau canlyniadau arfaethedig ar gyfer pob rhan o'r Ddeddf.

Mae'r adroddiad yn argymell dull cymysg o ddadansoddi cyfraniadau er mwyn gwerthuso’r Ddeddf. Byddai'r dull hwn yn ceisio nodi i ba raddau y mae'r Ddeddf wedi effeithio ar y canlyniadau a arsylwyd drwy brofi’r damcaniaethau newid yn erbyn tystiolaeth newydd a phresennol, gan gydnabod y cyd-destun cymhleth y mae'n cael ei gweithredu ynddo a chydnabod ffactorau dylanwadol eraill. Mae hyn yn debygol o gynnwys llinynnau gwerthuso proses ac effaith.

Mae'r adroddiad yn nodi cymysgedd o ffynonellau data presennol a chasglu data newydd y gellid eu defnyddio i lywio'r gwerthusiad.

Mae pob rhan o'r Ddeddf yn wahanol, gyda'i theori newid ei hun, felly mae'r adroddiad yn argymell un gwerthusiad trosfwaol gydag elfennau ar wahân ar gyfer pob rhan.