Rydym yn cyflwyno cynllun newydd ar gyfer llety ymwelwyr yng Nghymru.
Cynnwys
Cyflwyniad
Rydym yn bwriadu cyflwyno cynllun trwyddedu ar gyfer llety ymwelwyr yng Nghymru, gan ddechrau gyda llety hunanddarpar.
Bydd y cynllun yn cefnogi twristiaeth yng Nghymru drwy wneud y canlynol:
- rhoi sicrwydd i ymwelwyr bod llety yn bodloni'r safonau y byddent yn eu disgwyl
- darparu cyfundrefn glir i ddarparwyr
Bil Datblygu Twristiaeth a Rheoleiddio Llety Ymwelwyr (Cymru)
Pasiwyd y Bil gan Senedd Cymru ar 17 Mawrth 2026 ac mae ar gael yma:
Bydd y Bil yn gwneud y canlynol:
- creu'r fframwaith cyfreithiol ar gyfer y cynllun trwyddedu
- adeiladu ar gynlluniau ar gyfer cofrestr genedlaethol o ddarparwyr llety ymwelwyr, a nodir yn Neddf Llety Ymwelwyr (Cofrestr ac Ardoll) etc. (Cymru) 2025
Bydd y Bil hefyd yn creu Cod o gyfreithiau Cymreig ar dwristiaeth. Bydd hwn yn:
- dod â'r cyfreithiau presennol ar dwristiaeth at ei gilydd
- gwneud y gyfraith yn fwy hygyrch a haws ei deall
Dogfennau cysylltiedig
Cyhoeddwyd Memorandwm Esboniadol sy'n esbonio diben ac effaith fwriadedig y Bil, yn ystod proses graffu'r Senedd:
Rydym hefyd wedi cynnal nifer o asesiadau effaith mewn perthynas â'r cynllun trwyddedu a gynigir yn y Bil:
Y camau nesaf
Os bydd y Bil yn cael y Cydsyniad Brenhinol, bydd Sêl Cymru yn cael ei rhoi a bydd y Bil yn dod yn Ddeddf y Senedd.
Yn yr achos hwn, bydd y Ddeddf, a fersiwn o'r Memorandwm Esboniadol wedi'i diweddaru ymhellach, yn cael eu cyhoeddi ar wefan Cyfraith Cymru maes o law.
Y rhagdybiaeth a wnaed yn y Memorandwm Esboniadol oedd y byddai'r cynllun trwyddedu yn cael ei ddwyn i rym o 2029 ymlaen. Cyn i hyn ddigwydd, bydd ymgynghoriad pellach, reoliadau a wneir o dan y Bil, a bydd canllawiau ar y cynllun yn cael eu cyhoeddi.
Bydd diweddariadau ar y Bil a'r cynllun trwyddedu yn parhau i gael eu rhannu â rhanddeiliaid drwy gylchlythyrau a bwletinau diwydiant Croeso Cymru.
Trwyddedu
I gael rhagor o wybodaeth anfonwch e-bost at: TrwyddeduStatudol@llyw.cymru