Help ar gyfer costau annisgwyl gan gynnwys bwyd, methiant systemau gwresogi a dŵr poeth a gorfod teithio o ganlyniad i argyfwng.
Cynnwys
Cronfa Cymorth Dewisol (DAF)
Grant i helpu i dalu am gostau hanfodol, fel bwyd, nwy, trydan, olew gwresogi neu deithio o ganlyniad i argyfwng os ydych chi:
- yn profi caledi ariannol eithafol
- wedi colli eich swydd
- wedi gwneud cais am fudd-daliadau ac yn aros am daliad cyntaf
Methiant systemau gwresogi a dŵr poeth
Os ydych chi heb wres na dŵr poeth ar hyn o bryd, efallai y byddwch yn gallu cael help brys drwy lwybr argyfwng cynllun Nyth Llywodraeth Cymru. Mae'r help hwn wedi'i gynllunio i helpu aelwydydd sy'n wynebu risg uniongyrchol i'w hiechyd a'u llesiant oherwydd diffyg gwres neu ddŵr poeth hanfodol.
Os ydych chi'n bodloni'r meini prawf cymhwystra, gall help gynnwys:
- atgyweiriadau brys i foeleri neu wresogyddion storio trydan i adfer systemau gwresogi neu ddŵr poeth cyn gynted ag y bo modd
- cael boeler neu wresogyddion storio trydan newydd er mwyn sicrhau bod gennych system wresogi ddiogel a dibynadwy
Gwiriwch a ydych yn gymwys i gael help drwy ffonio Nyth am ddim ar 0808 808 2244 (dydd Llun i ddydd Gwener rhwng 9am a 6pm).
Croesawir galwadau ac e-byst yn Gymraeg / Calls and emails are welcomed in Welsh.