Cyfrif carafannau Sipsiwn a Theithwyr: Gorffennaf 2023
Mae'r datganiad hwn yn manylu ar nifer y carafanau, lleiniau a safleoedd ar gyfer poblogaethau Sipsiwn a Theithwyr yn ôl yr awdurdod lleol a'u tueddiadau dros amser.
Efallai na fydd y ffeil hon yn gyfan gwbl hygyrch.
Ar y dudalen hon
Pwyntiau allweddol
- Ar 20 Gorffennaf 2023, adroddwyd fod 1,128 o garafannau Sipsiwn a Theithwyr a 150 o safleoedd yng Nghymru.
- Rhwng Gorffennaf 2022 ac Gorffennaf 2023, gostyngodd cyfanswm nifer y carafanau Sipsiwn a Theithwyr 3% (38 o garafannau), a syrthiodd cyfanswm nifer y safleoedd 11% (18 o safleoedd).
- Caerdydd, Sir Benfro, Sir y Fflint a Chastell-nedd Port Talbot oedd â'r cyfanswm uchaf o garafannau; gyda’i gilydd roedd y rhain yn cyfrif am 49% o'r holl garafannau.
Carafannau yn ôl p’un a awdurdodwyd y safleoedd ai peidio
Adeg cyfrif Gorffennaf 2023, cyfanswm nifer y carafannau Sipsiwn a Theithwyr yng Nghymru oedd 1,128. Roedd 977 o garafannau ar safleoedd awdurdodedig â chaniatâd cynllunio, gan gyfrif am 87% o'r holl garafannau (i fyny o 78% ym mis Gorffennaf 2022). O'r rhain, roedd 593 (61%) ar safleoedd rhent cymdeithasol a 384 (39%) ar safleoedd a ariennir yn breifat.
Mae Ffigur 1 isod yn dangos dadansoddiad o’r carafannau yn ôl statws awdurdodedig ac anawdurdodedig.
Ffigur 1: Carafannau Sipsiwn a Theithwyr yn ôl math o safle, Gorffennaf 2023
Disgrifiad o Ffigur 1: Siart cylch sy’n dangos canran y carafannau sydd ar safleoedd awdurdodedig (87%), safleoedd anawdurdodedig ar dir sy’n eiddo i Sipsiwn (7%) a safleoedd anawdurdodedig ar dir nad yw’n eiddo i Sipsiwn (6%).
Ffynhonnell: Cyfrif Carafannau Cymru Gyfan (Llywodraeth Cymru)
Roedd 80 o garafannau ar safleoedd anawdurdodedig ar dir a oedd yn eiddo i Sipsiwn a Theithwyr, sy'n cyfrif am 7% o'r holl garafannau. Roedd 71 o garafannau eraill (6% o'r holl garafannau) ar safleoedd anawdurdodedig ar dir nad oedd yn eiddo i Sipsiwn a Theithwyr, sy’n gyfanswm o 151 o garafannau ar safleoedd anawdurdodedig. Mae hyn yn ostyngiad o 41% yn nifer y carafannau ar safleoedd anawdurdodedig ers mis Gorffennaf 2022, pan oedd 254 o garafannau ar safleoedd anawdurdodedig. Gostyngodd nifer y safleoedd anawdurdodedig o 64 ym mis Gorffennaf 2022 i 39 ym mis Gorffennaf 2023.
Casnewydd oedd â'r nifer uchaf o garafannau ar safleoedd anawdurdodedig (26 o garafannau, yn cyfrif am 17% o’r holl garafannau ar safleoedd anawdurdodedig).
Mewn rhai achosion, mae carafannau ar safleoedd anawdurdodedig ond mae'r Awdurdod Lleol wedi penderfynu peidio â cheisio cael gwared ar y gwersyll. Ym mis Gorffennaf 2023 roedd 91 o garafannau ar safleoedd anawdurdodedig a oddefir. Gwelwyd y nifer fwyaf o'r rhain ym Mro Morgannwg lle'r oedd 18 o garafannau ar safleoedd anawdurdodedig a oddefir. Roedd 60 o garafannau ar safleoedd anawdurdodedig nas goddefir yng Nghymru.
Dengys ffigyrau 2 a 3 isod, yn y drefn honno, nifer y carafannau a’r safleoedd yn ôl p’un a awdurdodwyd y safleoedd ai peidio.
Darperir tablau manwl ar lefel Awdurdodau Lleol yn y daenlen ODS o dan y tab data. Cewch fwy o wybodaeth gefndirol ac am ansawdd yn yr adran Gwybodaeth Allweddol am Ansawdd. Esbonnir termau sydd ag ystyr arbennig yn yr eirfa.
Ffigur 2: Nifer y carafannau Sipsiwn a Theithwyr yn ôl p’un a awdurdodwyd y safleoedd ai peidio, Ionawr 2018 hyd at Gorffennaf 2023 [Nodyn 1] [Nodyn 2]
Disgrifiad o Ffigur 2: Siart bar pentwr sy’n dangos nifer y carafannau ar safleoedd awdurdodedig ac anawdurdodedig. Ers mis Ionawr 2021, mae nifer y carafannau wedi bod yn gyffredinol uwch ym mis Gorffennaf nag ym mis Ionawr. Roedd nifer y carafannau ar safleoedd awdurdodedig yn uwch ym mis Gorffennaf 2023 a’i gymharu â blynyddoedd diweddar.
Ffynonellau: Cyfrif Carafannau Sipsiwn a Theithwyr, Cyfrif Carafannau Cymru Gyfan (Llywodraeth Cymru)
[Nodyn 1] Oherwydd pandemig y Coronafeirws, ni chynhaliwyd cyfrifiad carafannau chwemisol Llywodraeth Cymru yng Nghymru ym mis Gorffennaf 2020.
[Nodyn 2] O fis Ionawr 2021 ymlaen, defnyddiwyd data ar-lein Cyfrif Carafannau Cymru Gyfan i gynhyrchu cyfrif o garafannau Sipsiwn a Theithwyr yng Nghymru. O'r herwydd, dylid cymryd gofal wrth fynd ati i ystyried tueddiadau dros amser. Gweler yr adroddiad Ansawdd Data am ragor o wybodaeth.
Ffigur 3: Nifer y safleoedd Sipsiwn a Theithwyr yn ôl p’un a awdurdodwyd y safleoedd ai peidio, Ionawr 2011 hyd at Gorffennaf 2023 [Nodyn 1] [Nodyn 2]
Disgrifiad o Ffigur 3: Siart bar wedi’i grwpio sy’n dangos nifer y safleoedd yn ôl p’un a awdurdodwyd hwy ai peidio. Ers mis Ionawr 2011, mae nifer y safleoedd awdurdodedig wedi dangos cynydd cyson. Roedd gostyngiad yn nifer y safleoedd anawdurdodedig rhwng mis Gorffennaf 2022 a mis Gorffennaf 2023.
Ffynonellau: Cyfrif Carafannau Sipsiwn a Theithwyr, Cyfrif Carafannau Cymru Gyfan (Llywodraeth Cymru)
[Nodyn 1] Oherwydd pandemig y Coronafeirws, ni chynhaliwyd cyfrifiad carafannau chwemisol Llywodraeth Cymru yng Nghymru ym mis Gorffennaf 2020.
[Nodyn 2] O fis Ionawr 2021 ymlaen, defnyddiwyd data ar-lein Cyfrif Carafannau Cymru Gyfan i gynhyrchu cyfrif o garafannau Sipsiwn a Theithwyr yng Nghymru. O'r herwydd, dylid cymryd gofal wrth fynd ati i ystyried tueddiadau dros amser. Gweler yr adroddiad ansawdd data am ragor o wybodaeth.
Lleiniau ar safleoedd awdurdodau lleol
Darparwyd 410 o leiniau ar safleoedd Sipsiwn a Theithwyr gan Awdurdodau Lleol yng Nghymru ar 20 Gorffennaf 2023. O'r rhain, roedd 408 yn lleiniau preswyl ac roedd 2 yn lleiniau tramwy.
Caerdydd, Sir Benfro a Chastell-nedd Port Talbot oedd â'r nifer uchaf o leiniau a ddarparwyd gan Awdurdodau Lleol (80, 73 a 67 o leiniau’r un, yn y drefn honno) gan gyfrif am dros hanner cyfanswm nifer y lleiniau (54%). Adroddodd 7 Awdurdod Lleol nad oedd ganddynt unrhyw leiniau ar 20 Gorffennaf 2023. Ar adeg y cyfrif, roedd 97% o'r lleiniau preswyl wedi'u meddiannu.
Mae Tabl 1 yn dangos dadansoddiad dros amser o nifer y lleiniau yng Nghymru.
|
Dyddiad |
Preswyl wedi meddianu |
Preswyl yn wag |
Dros dro wedi meddianu |
Dros dro yn wag |
|---|---|---|---|---|
|
Ionawr 2018 |
391 |
13 |
0 |
2 |
|
Gorffennaf 2018 |
384 |
13 |
2 |
0 |
|
Ionawr 2019 |
391 |
9 |
0 |
2 |
|
Gorffennaf 2019 |
385 |
17 |
2 |
0 |
|
Ionawr 2020 |
389 |
14 |
0 |
2 |
|
Gorffennaf 2020 |
[x] |
[x] |
[x] |
[x] |
|
Ionawr 2021 |
418 |
15 |
0 |
2 |
|
Gorffennaf 2021 |
397 |
10 |
0 |
2 |
|
Ionawr 2022 |
399 |
8 |
0 |
2 |
|
Gorffennaf 2022 |
394 |
13 |
0 |
2 |
|
Ionawr 2023 |
394 |
13 |
0 |
2 |
|
Gorffennaf 2023 |
395 |
13 |
0 |
2 |
Ffynonellau: Cyfrif Carafannau Sipsiwn a Theithwyr, Cyfrif Carafannau Cymru Gyfan (Llywodraeth Cymru)
[Nodyn 1] Fe'u gelwir hefyd yn Safleoedd Rhent Cymdeithasol. Maent yn cynnwys safleoedd sy'n eiddo i Landlordiaid Cymdeithasol Cofrestredig. Nid yw'n cynnwys safleoedd preifat awdurdodedig.
[Nodyn 2] Oherwydd pandemig y Coronafeirws, ni chynhaliwyd cyfrifiad carafannau chwemisol Llywodraeth Cymru yng Nghymru ym mis Gorffennaf 2020.
[Nodyn 3] O fis Ionawr 2021 ymlaen, defnyddiwyd data ar-lein Cyfrif Carafannau Cymru Gyfan i gynhyrchu cyfrif o garafannau Sipsiwn a Theithwyr yng Nghymru. O'r herwydd, dylid cymryd gofal wrth fynd ati i ystyried tueddiadau dros amser. Gweler yr adroddiad Ansawdd Data am ragor o wybodaeth.
Defnyddir rhywfaint o law-fer yn y tabl hwn, [x] = Ddim ar gael.
Gwybodaeth am ansawdd a methodoleg
Gellir dod o hyd i wybodaeth fanwl am ansawdd data a methodoleg yn yr adroddiad ansawdd Cyfrif carafanau Sipsiwn a Theithwyr.
Manylion cyswllt
Ystadegydd: Andy O’Rourke
Email: ystadegau.cynhwysiant@llyw.cymru
Cyfryngau: 0300 025 8099
SFR 98/2022