Yn y canllaw hwn
4. Enghreifftiau o ddileu
Mae'r swm sydd i'w ganslo o dan y cynllun yn dibynnu ar a yw'r myfyriwr wedi cwblhau ei gwrs neu a yw'n dal i dderbyn taliadau cynhaliaeth.
Mae’r tablau isod yn dangos sut y cyfrifir y swm fydd yn cael ei dynnu o fenthyciad cynhaliaeth cymwys myfyriwr.
Gwneud ad-daliad ar ôl i fyfyriwr gwblhau cwrs
Os yw myfyriwr wedi cwblhau ei gwrs, bydd y swm sy'n cael ei ddileu yn dibynnu ar:
- faint sy'n cael ei ad-dalu; a'r
- balans y benthyciad cynaliaeth cymwys ar ôl i'r ad-daliad cyntaf gael ei wneud.
| Balans y benthyciad cynhaliaeth cyntaf | Swm yr ad-daliad cyntaf* | Balans sy'n weddill | Swm a gaiff ei ddileu** |
|---|---|---|---|
| £200 | £200 | £0 | £0 |
| £1,000 | £5 | £995 | £995 |
| £3,000 | £1,000 | £2,000 | £1,500 |
* Mae'n bwysig nodi os oes gan fyfyrwyr fwy nag un benthyciad, oni bai eu bod yn nodi pa fenthyciad y maent yn ei ad-dalu, y bydd y Cwmni Benthyciadau i Fyfyrwyr yn cymhwyso'r ad-daliad cyntaf i'r benthyciad gyda'r gyfradd llog uchaf yn gyntaf. Os yw'r benthyciad hwnnw'n rhychwantu mwy nag un flwyddyn academaidd, bydd y Cwmni Benthyciadau i Fyfyrwyr yn rhannu'r ad-daliad cyntaf yn gymesur rhwng y blynyddoedd academaidd. Bydd cyfran yr ad-daliad cyntaf hwnnw a ddyrennir i'r benthyciad cynhaliaeth cyntaf yn pennu'r balans sydd ar gael ar gyfer cyfrif y swm i’w ddileu.
** Ni chaiff symiau pellach eu dileu.
Gwneud ad-daliad gwirfoddol ra'n astudio
Os yw myfyriwr yn derbyn taliadau benthyciad cynhaliaeth ar hyn o bryd, ac nad oes ganddo fenthyciadau cynhaliaeth eraill, a’i fod yn gwneud ad-daliad gwirfoddol, bydd y swm sy'n cael ei ddileu yn dibynnu ar:
- bryd y caiff yr ad-daliad gwirfoddol ei wneud; a
- balans y benthyciad ar adeg yr ad-daliad gwirfoddol.
Enghraifft 1: os caiff ad-daliad gwirfoddol o £50 ei wneud yn ystod ail dymor cwrs myfyriwr
| Disgrifiad | Swm |
|---|---|
| Taliad benthyciad cynhaliaeth tymor 1 | £600 |
| Taliad benthyciad cynhaliaeth tymor 2 | £600 |
| Ad-daliad gwirfoddol | £50 |
| Balans sy'n weddill | £1,150 |
| Swm a gaiff ei ddileu | -£1,150 |
| Taliad benthyciad cynhaliaeth tymor 3 | £600 |
| Balans y benthyciad cynhaliaeth | £600 |
Enghraifft 2: os caiff ad-daliad gwirfoddol o £50 ei wneud yn ystod trydydd tymor cwrs myfyriwr
| Disgrifiad | Swm |
|---|---|
| Taliad benthyciad cynhaliaeth tymor 1 | £600 |
| Taliad benthyciad cynhaliaeth tymor 2 | £600 |
| Taliad benthyciad cynhaliaeth tymor 3 | £600 |
| Ad-daliad gwirfoddol | £50 |
| Balans sy'n weddill | £1,750 |
| Swm a gaiff ei ddileu | -£1,500* |
| Balans y benthyciad cynhaliaeth | £250 |
Enghraifft 3: os yw myfyriwr yn ad-dalu'r swm sy'n weddill yn llawn a hynny’n wirfoddol ar ôl cael taliad benthyciad tymor 2
| Disgrifiad | Swm |
|---|---|
| Taliad benthyciad cynhaliaeth tymor 1 | £600 |
| Taliad benthyciad cynhaliaeth tymor 2 | £600 |
| Ad-daliad gwirfoddol | £1,200 |
| Balans sy'n weddill | £0 |
| Swm a gaiff ei ddileu | -£0* |
| Taliad benthyciad cynhaliaeth tymor 3 | £600 |
| Balans y benthyciad cynhaliaeth | £600 |