Cyngor teithio ar fysiau a threnau am ddim ar gyfer ffoaduriaid

Dechreuodd y cynllun teithio am ddim ar 26 Mawrth 2022 a bydd yn para tan 24 Gorffennaf 2023. Mae trefniadau ar gyfer ar ôl 24 Gorffennaf 2023 yn cael eu hystyried.

Mae’r cynllun yn caniatáu teithio diderfyn ar:

• bob gwasanaeth bysiau lleol
• gwasanaethau trenau Trafnidiaeth Cymru ledled Cymru
• gwasanaethau bysiau a threnau Trafnidiaeth Cymru sy’n dechrau AC yn gorffen yng Nghymru

Mae’r cynllun ar gael i ffoaduriaid sy’n teithio i Gymru i chwilio am loches.

Mae’r cynllun ar gael i bob ffoadur a’r rheini sy’n ceisio amddiffyniad rhyngwladol yma yng Nghymru, yn unol â’n gweledigaeth i fod yn Genedl Noddfa, ond rhaid dangos un o’r canlynol:

• Trwydded Breswylio Fiometrig (BRP) sy’n nodi bod rhywun yn 'Ffoadur', bod ganddo statws 'HP' neu ‘Amddiffyniad Dyngarol’ (‘Humanitarion Protection’) neu sy’n cynnwys y geiriau ‘Afghan’, ‘Ukraine’ neu ‘Hong Kong’;
• llythyr oddi wrth y Swyddfa Gartref / Ysgrifennydd Cartref wedi’i gyfeirio’n bersonol sy’n cadarnhau un o’r statysau a restrir yn y pwynt bwled uchod
• pasbort dilys Wcráin neu Affghanistan neu Basbort Gwladolion Tramor Prydeinig Hong Kong

Ni ellir teithio am ddim ar wasanaethau National Express na gwasanaethau megabus stagecoach.

Nid oes angen gwneud cais i ddefnyddio’r cynllun hwn.

Os na allwch ddangos tystiolaeth ddilys ni fyddwch yn cael teithio am ddim a bydd prisiau safonol yn berthnasol.

Bydd defnydd twyllodrus yn arwain at yr hawl i deithio am ddim yn cael ei thynnu’n ôl, a bydd yr awdurdodau perthnasol yn cael eu hysbysu. Gall hyn arwain at erlyniad.

Mae amodau teithio gweithredwyr unigol yn berthnasol ar gyfer pob taith a wneir.

Os ydych yn gymwys, ni fydd angen ichi dalu i deithio os ydych yn gallu dangos un o’r dogfennau ID gofynnol. Bydd y gyrrwr yn rhoi tocyn teithio dim gwerth ichi.

Cewch deithio am ddim ac ni fydd angen ichi dalu.

Mae gwybodaeth am drafnidiaeth gyhoeddus ar gael drwy’r isod: 

Gwefan: Traveline Cymru.

Ffôn: 0800 464 00 00