Daeth yr ymgynghoriad i ben 28 Ebrill 2026.
Crynodeb o’r canlyniad
Mae crynodeb o'r ymatebion ac ein hymateb wedi'u cyhoeddi isod.
Trosolwg byr
Cafwyd 63 o ymatebion i’r ymgynghoriad gan ystod eang o randdeiliaid. Ar y cyfan, cytunodd ymatebwyr y dylai'r Corff Negodi Gofal Cymdeithasol (SCNB) fod yn gorff annibynnol, credadwy ac awdurdodol gyda chynrychiolaeth gytbwys gan weithwyr a chyflogwyr.
Er bod safbwyntiau yn wahanol mewn rhai meysydd, roedd consensws eang ynglŷn â'r angen am gynrychiolaeth ystyrlon o weithwyr a chyflogwyr gyda threfniadau llywodraethu clir, cefnogaeth arbenigol, model cyllido teg a thryloyw, a thystiolaeth gadarn i lywio negodiadau.
Ymgynghoriad gwreiddiol
Rydym yn gofyn am eich barn ar gynigion i sefydlu Corff Negodi Gofal Cymdeithasol i Gymru i drafod cytundebau cyflog teg ar gyfer y gweithlu gofal cymdeithasol, gan gynnwys ei strwythur, ei swyddogaethau a'i effaith bosibl.
Disgrifiad o'r ymgynghoriad
Mae Deddf Hawliau Cyflogaeth y DU 2025 (Deddf 2025) yn cynnwys pwerau i sefydlu Corff Negodi Gofal Cymdeithasol (Corff Negodi) i gytuno ar Gytundebau Cyflog Teg ar gyfer y Gweithlu Gofal Cymdeithasol yng Nghymru. Mae Llywodraeth Cymru yn ceisio barn unigolion a sefydliadau ar y cynnig i sefydlu Corff Negodi Gofal Cymdeithasol i Gymru.
Nid yw'r ymgynghoriad hwn yn ceisio barn ar fanylion unrhyw gytundeb cyflog teg, lefel y cyflog na thelerau ac amodau newydd. Cytunir ar y rhain drwy'r broses fargeinio.
Bydd canlyniadau'r ymgynghoriad hwn yn ein helpu i ddeall barn y sector ar ystod o feysydd gan gynnwys:
- y Corff Negodi Gofal Cymdeithasol
- y broses negodi
- cwmpas a chylch gwaith
- datrys anghydfod
- gweithredu
- cydymffurfio a gorfodi
Dogfennau ymgynghori
Datblygu Corff Negodi Gofal Cymdeithasol i Gymru i bennu Cytundebau Cyflog Teg ar gyfer y gweithlu gofal cymdeithasol: Fersiwn Saesneg plaen , math o ffeil: PDF, maint ffeil: 697 KB
Crynodeb o ymatebion , math o ffeil: PDF, maint ffeil: 539 KB
Help a chymorth
Gellir gwneud cais am fersiynau o’r ddogfen hon mewn print bras, mewn Braille neu mewn ieithoedd eraill.