Trosolwg o bwerau newydd o fewn Deddf Coedwigaeth 1967, eu gweithredu a chanllawiau.
Cynnwys
Cyflawniad
Mae cwympo coed yn rhan angenrheidiol o waith reoli coetiroedd cynaliadwy. Mae'n cynaeafu carbon sydd wedi'i gloi mewn pren at sawl diben. Mae hefyd yn ddull pwysig ar gyfer:
- cynnal, neu
- gwella
cyflwr cynefinoedd coetir.
Mae Cyfoeth Naturiol Cymru (CNC) yn rheoleiddio cwympo coed drwy Ddeddf Coedwigaeth 1967. Rhaid i berchnogion gael trwydded cyn cwympo coed sy'n tyfu, yn amodol ar esemptiadau cyfyngedig.
Pwerau newydd
Nid oedd Deddf Coedwigaeth 1967 yn caniatáu i amodau gael eu hychwanegu at drwyddedau cwympo coed er mwyn gwarchod:
- bywyd gwyllt
- cynefinoedd, neu
- yr amgylchedd
yn ystod gweithrediadau cwympo coed.
Mae hyn yn golygu y gallai CNC fod wedi rhoi trwydded cwympo coed nad oedd yn cefnogi deddfwriaeth amgylcheddol arall.
Hefyd, nid oedd gan CNC unrhyw bwerau i ddiwygio, atal neu ddirymu trwydded cwympo coed os oedd rhywbeth yn troi'n annerbyniol. Gallai hyn gynnwys:
- yr angen i newid rhywogaeth coeden i'w hailblannu yn sgil risg o glefyd, neu
- sensitifedd annisgwyl yn dod i'r amlwg megis presenoldeb rhywogaeth warchodedig, neu
- niwed amgylcheddol yn digwydd yn ystod gweithrediadau cwympo coed
Diwygiwyd Deddf Coedwigaeth 1967 i:
- alluogi ychwanegu amodau amgylcheddol at drwyddedau cwympo
- caniatáu i drwyddedau gael eu diwygio, eu hatal neu eu dirymu ar ôl iddynt gael eu rhoi
Mae'r diwygiadau yn rhan o Ddeddf Amaethyddiaeth (Cymru) 2023 (ar legislation.gov.uk). Gallwch ddod o hyd iddynt yn adrannau 36-44.
Gweithredu
Rydym wedi rhoi canllawiau i CNC, sef “Diwygio Deddf Coedwigaeth 1967: egwyddorion gweithredu”. Rydym yn disgwyl iddynt eu defnyddio wrth roi'r pwerau ar waith. Mae CNC wedi amlinellu’r ffordd y byddant yn rhoi’r pwerau ar waith. Gweler “Diwygio Deddf Coedwigaeth 1967: dulliau gweithredu Cyfoeth Naturiol Cymru” sy’n seiliedig ar ein canllawiau anstatudol.
Canllawiau
Mae CNC wedi llunio canllawiau ar y ffordd y byddant yn rhoi’r pwerau newydd ar waith. Mae hyn yn cynnwys canllawiau ar y canlynol:
- amodau amgylcheddol (ar naturalresources.wales) a all fod yn gysylltiedig â’ch trwydded cwympo coed
- sut gallech ddiwygio eich trwydded cwympo coed (ar naturalresources.wales)
- pryd neu pam y gall CNC ddiwygio eich trwydded cwympo coed (ar naturalresources.wales)
- pryd neu pam y gall CNC atal dros dro neu ddirymu eich trwydded cwympo coed (ar naturalresources.wales)
Mae rhagor o ganllawiau ar gael ar drwyddedau cwympo coed ac apelio yn erbyn penderfyniadau gan CNC. Gweler Deddf Coedwigaeth 1967 a thrwyddedau cwympo coed.