Trosolwg o Ddeddf Iechyd y Cyhoedd (Isafbris am Alcohol) (Cymru) 2018, ei gynnydd trwy'r Senedd a'r is-ddeddfwriaeth.
Cynnwys
Trosolwg
Mae Deddf Iechyd y Cyhoedd (Isafbris am Alcohol) (Cymru) 2018 (y Ddeddf) yn darparu y bydd isafbris ar gyfer gwerthu a chyflenwi alcohol gan bersonau penodol yng Nghymru. Mae hefyd yn ei gwneud yn drosedd i alcohol gael ei werthu neu ei gyflenwi am bris is na hynny ac yn sefydlu trefn orfodi dan arweiniad awdurdodau lleol.
Mae’r Nodiadau Esboniadol yn rhoi esboniad o ddarpariaethau unigol y Ddeddf, lle bo angen:
- Deddf Iechyd y Cyhoedd (Isafbris am Alcohol) (Cymru) 2018: Nodiadau Esboniadol ar legislation.gov.uk
Darllenwch yr Ddeddf yn llawn:
Dod i rym
Daeth adrannau 26 i 30 i rym ar 10 Awst 2018, sef y diwrnod ar ôl i’r Ddeddf gael y Cydsyniad Brenhinol. Mae adran 28(2) o’r ddeddf yn darparu bod y darpariaethau eraill yn dod i rym pan fydd Gweinidogion Cymru yn gwneud un neu ragor o orchmynion.
Mae’r Gorchmynion a ganlyn wedi eu gwneud:
Is-ddeddfwriaeth a wnaed o dan y Ddeddf
| Enw | Rhif | Dyddiad gwneud | Dyddiad dod i rym | Dogfennau ategol |
|---|---|---|---|---|
| Rheoliadau Iechyd y Cyhoedd (Isafbris am Alcohol) (Isafbris Uned) (Cymru) (Diwygio) 2026 ar legislation.gov.uk | 2026 Rhif 34 | 6 Chwefror 2026 | 1 Hydref 2026 | 2026 Rhif 34: Memorandwm Esboniadol ar senedd.cymru |
| Rheoliadau Deddf Iechyd y Cyhoedd (Isafbris am Alcohol) (Cymru) 2018 (Parhau) 2026 ar legislation.gov.uk | 2026 Rhif 30 | 6 Chwefror 2026 | 9 Chwefror 2026 | 2026 Rhif 30: Memorandwm Esboniadol ar senedd.cymru |
| Rheoliadau Iechyd y Cyhoedd (Isafbris am Alcohol) (Isafbris Uned) (Cymru) 2019 ar legislation.gov.uk | 2019 Rhif 1472 (Cy. 260) | 20 Tachwedd 2019 | 2 Mawrth 2020 | 2019 Rhif 1472 (Cy. 260): Memorandwm Esboniadol ar senedd.cymru |
Ystyriaeth y Senedd o’r ddeddfwriaeth
Cyflwynwyd y Bil gan Rebecca Evans AS, y Gweinidog dros Iechyd y Cyhoedd a Gwasanaethau Cymdeithasol (ar y pryd) ar 23 Hydref 2017, ac fe’i pasiwyd gan Senedd Cymru (Cynulliad Cenedlaethol Cymru ar y pryd) ar 19 Mehefin 2018.
Mwy o wybodaeth am Ddeddf a gofnod o hynt y Bil trwy'r Senedd ar senedd.cymru.
Mae’r Memorandwm Esboniadol a luniwyd gan Senedd Cymru (fel y cafodd ei ddiwygio ar ôl Cyfnod 2):
Cafodd y Ddeddf y Cydsyniad Brenhinol ar 9 Awst 2018.
Gwybodaeth ac erthyglau cysylltiedig
Sut i gyfrifo’r isafbris ar gyfer diod alcoholaidd
Mae'r Ddeddf yn cynnwys fformiwla y mae’n rhaid ei dilyn i gyfrifo'r isafbris perthnasol. Mae’r fformiwla yn cynnwys yr isafbris uned (MUP), sef 50c, canran cryfder yr alcohol, a’i gyfaint.
MUP (£0.5) x Cryfder (%) x Cyfaint (litrau) = yr isafbris y gellir ei werthu amdano.
Er enghraifft, yr isafbris ar gyfer potel o fodca 70cl o gryfder ABV 40% fyddai:
- 50c (MUP) x 40 (Cryfder) x 0.7 (Cyfaint): 0.5 X 40 X 0.7 = £14:00
Yr isafbris am y botel hon o fodca fyddai £14.00.
Mae ap ar gyfer yr isafbris uned ar gael ar Apple App Store ac Android Play Store. Gellir dod o hyd iddo trwy chwilio am ‘MUP Wales Calculator’.
Os oes gennych unrhyw ymholiadau pellach, cysylltwch â: DeddfIaA.MUPAct@llyw.cymru.