Demograffeg busnes: 2020

Ar 25 Ionawr 2022, cafodd y tablau StatsCymru ar gyfer busnesau oedd wedi eu geni, marw a mentrau gweithredol yn ôl diwydiant eu diweddaru i gynnwys y data diweddaraf (2020).

Mae’r data diweddaraf yn yr adroddiad hwn ar gyfer 2020. Mae'r cyfnod hwn yn cynnwys y tri mis cyn, a naw mis cyntaf pandemig y coronafeirws (COVID-19).

Prif bwyntiau

• Cyfanswm nifer y mentrau a oedd yn weithredol yng Nghymru yn ystod 2020 oedd 104,445. Roedd hyn yn gynnydd o 675o fentrau (0.7%) ar 2019.
• Gwelwyd 11,905 o fentrau’n cael eu geni yng Nghymru yn ystod 2020, sy'n gyfradd ^{[troednodyn 1]} o 11.8%. Cyfradd geni busnesau'r DU oedd 11.9%.
• Mae’r gyfradd genedigaethau busnes ar gyfer Cymru ar ei hisaf ers 2012. Mae'n debygol bod pandemig COVID-19 wedi cyfrannu at hyn.
• Bu 10,200 o fentrau’n marw yng Nghymru yn ystod 2020, sef cyfradd ^{[troednodyn 1]} o 9.8%. Cyfradd marw busnesau'r DU oedd 10.5%.
• Y gyfradd oroesi 5 mlynedd i fentrau a anwyd yn 2015 ac a oedd yn parhau'n weithredol yn 2020 yng Nghymru oedd 40.4%, ychydig yn uwch na chyfradd oroesi’r DU o 39.6%.  Yn Ne orllewin Lloegr oedd y gyfradd oroesi 5 mlynedd uchaf (44.3%) ac yn Llundain yr oedd yr isaf (36.7%).
• Y gyfradd oroesi 1 mlynedd i fentrau a anwyd yn 2019 ac a oedd yn parhau'n weithredol yn 2020 yng Nghymru oedd 90.7%, ychydig yn uwch na chyfradd oroesi'r DU o 88.3%. Yng Ngorllewin Canolbarth Lloegr cafwyd y gyfradd oroesi uchaf (91.3%), tra bod yr isaf yn Gogledd Iwerddon (80.5%).

[1] Cyfrifir cyfraddau fel canran o stoc.

Data ychwanegol yn ôl diwydiant a gyhoeddwyd yn Ionawr 2022

• Roedd y diwydiant adeiladu yn parhau i fod â’r nifer fwyaf o fentrau gweithredol (15,230) yng Nghymru yn 2020
• Yn y sector Trafnidiaeth a storio gwelwyd y mwyaf o fentrau’n cael eu geni yn 2020 (1,825).