Fforwm Gwrthgaethwasiaeth Cymru: hysbysiad preifatrwydd

Mae Llywodraeth Cymru yn gweithio gyda phartneriaid ar draws sectorau i gydlynu gweithgarwch i fynd i'r afael â chaethwasiaeth fodern, ac at ddibenion cysylltiedig.  

Mae hyn yn cynnwys:

• gweithio i atal caethwasiaeth fodern rhag digwydd
• gweithio i adnabod a chefnogi dioddefwyr a goroeswyr
• gweithio i godi ymwybyddiaeth o gaethwasiaeth fodern
• gweithio i ddileu camfanteisio mewn cadwyni cyflenwi

Yn 2023, gwnaeth Llywodraeth Cymru adnewyddu strwythurau llywodraethu caethwasiaeth fodern a sefydlu Fforwm Gwrthgaethwasiaeth Cymru a'i bedwar gweithgor thematig:

• Grŵp Hyfforddiant ac Ymwybyddiaeth Gwrthgaethwasiaeth Cymru
• Grŵp Dioddefwyr a Goroeswyr Gwrthgaethwasiaeth Cymru
• Grŵp Atal Gwrthgaethwasiaeth Cymru
• Grŵp Cadwyni Cyflenwi a Rhyngwladol Gwrthgaethwasiaeth Cymru

I gydlynu gwaith yn effeithiol i fynd i'r afael â chaethwasiaeth fodern yng Nghymru, ac at ddibenion cysylltiedig, bydd Llywodraeth Cymru yn cyfathrebu gwybodaeth sy'n gysylltiedig â chaethwasiaeth fodern i bartneriaid o bryd i'w gilydd. Mae hyn yn cynnwys aelodau o'r grwpiau a restrir uchod, yn ogystal â sefydliadau ac unigolion perthnasol eraill. Gallai’r wybodaeth hon gynnwys:

• agendâu cyfarfodydd, cofnodion, papurau, logiau gweithredu
• data, tystiolaeth, ymchwil ac adnoddau
• galwadau am dystiolaeth a gwybodaeth am brosiectau
• gwybodaeth am ddigwyddiadau, ymgyrchoedd a gweithgareddau eraill
• gweithgareddau dysgu a datblygu a chyfleoedd gyrfa
• ceisiadau am adborth
• gweithgareddau cyfathrebu
• gwybodaeth arall y mae Llywodraeth Cymru’n teimlo ei bod yn berthnasol i bartneriaid

Er mwyn trefnu cyfarfodydd ar gaethwasiaeth fodern, ac i gyfleu gwybodaeth fel y disgrifir uchod, mae Llywodraeth Cymru yn cadw'r wybodaeth bersonol ganlynol:

1. enwau partneriaid
2. cyfeiriadau e-bost partneriaid
3. dewis iaith partneriaid

Llywodraeth Cymru yw’r rheolydd data ar gyfer y gwaith. Ni fydd Llywodraeth Cymru yn cyhoeddi nac yn datgelu gwybodaeth bersonol yn amhriodol heb ganiatâd. Bydd yr holl wybodaeth bersonol a gedwir gan Lywodraeth Cymru o fewn cwmpas yr Hysbysiad Preifatrwydd hwn yn cael ei defnyddio'n unig ar gyfer cydlynu gwaith i fynd i'r afael â chaethwasiaeth fodern, a dibenion cysylltiedig.

Diffinnir data personol o dan y Rheoliad Cyffredinol y DU ar Ddiogelu Data (GDPR y DU) fel unrhyw wybodaeth sy'n ymwneud â pherson adnabyddadwy y gellir ei adnabod, yn uniongyrchol neu'n anuniongyrchol, drwy gyfeirio at ffactor adnabod.

Mae Llywodraeth Cymru yn cadw eich data (enw, cyfeiriad e-bost a dewis iaith) fel rhan o'n gwaith i gydlynu gweithgarwch i fynd i'r afael â chaethwasiaeth fodern, ac at ddibenion cysylltiedig.

Ein tasg gyhoeddus, hynny yw arfer ein hawdurdod swyddogol i ymgymryd â rôl a swyddogaethau craidd Llywodraeth Cymru, yw'r sail gyfreithiol ar gyfer prosesu'r wybodaeth yn yr ymarfer casglu data hwn.

Mae cadw'r data hwn yn bwysig er mwyn galluogi Llywodraeth Cymru i gydlynu gweithgarwch i fynd i'r afael â chaethwasiaeth fodern, ac at ddibenion cysylltiedig. Mae cymryd rhan yn yr astudiaeth yn wirfoddol. Gallwch dynnu'n ôl ar unrhyw adeg drwy gysylltu ag ysgrifenyddiaeth y grŵp yr ydych yn aelod ohono. Os nad ydych bellach yn dymuno derbyn unrhyw gyfathrebiadau sy'n ymwneud â chaethwasiaeth fodern, cysylltwch â Thîm Caethwasiaeth Fodern a Hawliau Gweithwyr Llywodraeth Cymru a byddant yn sicrhau eich bod yn cael eich tynnu oddi ar y rhestrau dosbarthu perthnasol.

Mae data personol a ddarperir i Lywodraeth Cymru yn cael ei gadw ar weinyddion diogel.

Mae Llywodraeth Cymru yn defnyddio rhaglen feddalwedd SmartSurvey i gynnal arolygon. Rydym wedi sicrhau bod SmartSurvey yn cydymffurfio â GDPR y DU ac yn bodloni ein disgwyliadau o ran diogelwch unrhyw ddata a gesglir drwy’r feddalwedd (e.e. caiff yr holl ddata eu prosesu yn y DU).

O ran eich cyfranogiad yn strwythurau llywodraethu Gwrthgaethwasiaeth Cymru, byddwn yn cadw unrhyw wybodaeth gyswllt ar gyfer oes y grŵp, neu eich rhan chi ynddo, ac am 3 blynedd arall. Bydd cofnodion a phapurau eraill sy'n sôn amdanoch wrth eich enw yn cael eu cadw yn unol â'r meini prawf a nodir yn amserlen gadw Llywodraeth Cymru ac o'r herwydd, yn cael eu cadw cyhyd ag unrhyw ddogfennau cysylltiedig.

Os ydych wedi gofyn am beidio â derbyn gohebiaeth sy'n gysylltiedig â chaethwasiaeth fodern, bydd eich data personol yn cael ei ddileu o fewn tair blynedd o'r dyddiad yr ymatebwyd i'ch cais.

O dan GDPR y DU mae gennych yr hawliau canlynol mewn perthynas â'r wybodaeth bersonol a ddarperir gennych fel rhan o’r gwaith hwn. Yn benodol, mae gennych yr hawl:

• i weld copi o'ch data
• i’w gwneud yn ofynnol inni gywiro unrhyw wallau yn y data hynny
• i wrthwynebu neu gyfyngu unrhyw brosesu (menw amgylchiadau penodol)
• i’ch data gael eu dileu (mewn amgylchiadau penodol)
• i gyflwyno cwyn i Swyddfa’r Comisiynydd Gwybodaeth (ICO), sef ein rheoleiddiwr annibynnol ar gyfer diogelu data

Dyma fanylion cyswllt Swyddfa'r Comisiynydd Gwybodaeth:

Os oes gennych unrhyw gwestiynau pellach am y ffordd y bydd Llywodraeth Cymru yn defnyddio eich data i gydlynu gweithgarwch i fynd i'r afael â chaethwasiaeth fodern ac at ddibenion cysylltiedig, os ydych am arfer eich hawliau gan ddefnyddio'r Rheoliad Diogelu Data Cyffredinol, neu os oes gennych ymholiadau cysylltiedig eraill, cysylltwch â:

Enw: Joshua Vuglar
Rhif ffôn: 07464 522634
Cyfeiriad e-bost: GwaithTeg@llyw.cymru

Gallwch gysylltu â Swyddog Diogelu Data Llywodraeth Cymru yn: