Gorchymyn Cau Priffyrdd (Heol Hemingway, Schooner Way A Ffordd Garthorne, Caerdydd) 202-

Bydd y Gorchymyn hwn yn cau darnau o briffordd sy’n cynnwys rhannau o’r briffordd yn Heol Hemingway, Ffordd Schooner a Ffordd Garthorne, Caerdydd. Bwriedir i’r gorchymyn cau hwyluso’r cais cynllunio hybrid ar gyfer datblygiad arfaethedig rhan o uwchgynllun defnydd cymysg yn Harbwr Mewnol Bae Caerdydd, gan gynnwys manylion amlinellol ar gyfer hyd at 890 o anheddau preswyl (dosbarth defnydd C3), 1,090 o welyau gwesty (dosbarth defnydd C1), 19,500 o fetrau sgwâr o arwynebedd llawr cyflogaeth (dosbarth defnydd B1), 27,500 o fetrau sgwâr o arwynebedd llawr hamdden (dosbarthiadau defnydd D1 a D2) a 12,310 o fetrau sgwâr o arwynebedd llawr manwerthu (dosbarthiadau defnydd A1 ac A3). Mae hefyd yn cynnwys tir y cyhoedd, mannau agored, gwaith tirlunio caled a meddal, systemau draenio, seilwaith cerdded, beicio a pharcio ceir, a seilwaith trafnidiaeth arall, sydd oll yn gysylltiedig. Ynghyd â hyn ceir manylion llawn ar gyfer arena aml-ddefnydd, dan do (dosbarth defnydd D2) â defnyddiau ategol a chaffi (dosbarth defnydd A3) a 182 o welyau gwesty (dosbarth defnydd C1). Yn ogystal, cynhwysir tir y cyhoedd, gwaith tirlunio caled a meddal, systemau draenio, seilwaith cerdded, beicio a pharcio ceir, a seilwaith trafnidiaeth arall, sydd oll yn gysylltiedig. Mae hyn yn unol â’r caniatâd cynllunio a roddwyd o dan Ran 3 o Ddeddf 1990 gan Gyngor Sir Dinas a Sir Caerdydd ar 27 Chwefror 2023 o dan y cyfeirnod 21/02687/MJR.