Gwaith Ieuenctid: Ebrill 2021 i Fawrth 2022

Mae’r set hon o ystadegau yn cwmpasu rhan o gyfnod y pandemig coronafeirws (COVID-19). Effeithiwyd yn sylweddol ar rai o’r ffigurau yn natganiad y llynedd, yn benodol yr adran ‘aelodau’, wrth i’r allgymorth gael ei effeithio gan y pandemig a’r cyfyngiadau roedd yn lle. Mae’r ffigurau yn y datganiad hwn yn dangos newidiadau mawr o gymharu â’r cyfnod 2020-21 wrth i niferoedd ddechrau dychwelyd i lefelau blaenorol. Dylid cymryd hyn i ystyriaeth wrth gymharu â blynyddoedd blaenorol.

Prif bwyntiau

• Roedd 68,766  o aelodau cofrestredig o ddarpariaeth statudol yn y sector gwaith ieuenctid yn 2021-22. Roedd hyn yn fwy na dwbl y nifer yn 2020-21 ond yn parhau i fod yn is na’r lefelau a welwyd cyn y pandemig.
• Ym mis Mawrth 2022, roedd tua 801 o staff rheoli a darparu gwaith ieuenctid cyfwerth ag amser llawn yn gweithio ar draws awdurdodau lleol yng Nghymru, cynnydd o 6% o'i gymharu â'r flwyddyn flaenorol.
• Cyfanswm yr incwm ar gyfer darpariaeth gwaith ieuenctid yn 2021-22 oedd £42.7 miliwn, a chyfanswm y gwariant oedd £42.5 miliwn. Cynyddodd y ddau o gymharu â 2020-21.