Gwerthiannau tai landlordiaid cymdeithasol: Ebrill 2018 i Mawrth 2019

Prif bwyntiau

• Yn ystod 2018-19, cynyddodd nifer y gwerthiannau o 49% o gymharu â’r flwyddyn flaenorol i 801. Mae'n debygol mai'r rheswm dros hyn yw bod y cynlluniau Hawl i Brynu a'r cynllun Hawl i Gaffael wedi dod i ben ym mis Ionawr 2019 (gweler y datganiad ystadegol).
• Cynyddodd gwerthiannau awdurdodau lleol dros draean (35%) i 161 annedd yn ystod 2018-19. Cynyddodd  gwerthiannau anheddau landlordiaid cymdeithasol cofrestredig dros hanner (53%) i 640 annedd.
• Ers 2008-09 mae mwyafrif holl werthiannau tai landlordiaid cymdeithasol wedi bod yn rhai gan landlordiaid cymdeithasol cofrestredig, gan gyfrif am 80% o holl werthiannau tai landlordiaid cymdeithasol yn ystod 2018-19.
• Yn wahanol i’r ddwy flynedd flaenorol, roedd mwyafrif y gwerthiannau yn ystod 2018-19 (55%) yn werthiannau statudol trwy’r cynlluniau Hawl i Brynu a Hawl i Gaffael. Roedd gwerthiannau ‘gwirfoddol ac arall’ (gan gynnwys tai gofal ychwanegol) yn cyfrif am y 45% arall. Gallai hyn fod o ganlyniad i gynnydd yn y nifer sy'n gwneud cais i ddefnyddio'r cynlluniau Hawl i Brynu a'r cynllun Hawl i Gaffael cyn iddynt gael eu diddymu'n derfynol ar gyfer y stoc bresennol ym mis Ionawr 2019.