Gwerthusiad o amrywiaeth mewn democratiaeth

Canfyddiadau allweddol

• Canfu’r gwerthusiad fod y rhaglen Amrywiaeth mewn Democratiaeth yn llwyddiannus o ran mynd i’r afael â rhai rhwystrau mae pobl o gefndiroedd amrywiol yn eu hwynebu.
• Helpodd y rhaglen i fentoreion gynyddu gwybodaeth ac ymwybyddiaeth o lywodraeth leol.
• Ar ddiwedd y rhaglen, roedd 20 allan o 51 o fentoreion yn agored i sefyll mewn etholiad llywodraeth leol.
• Datgelodd y gwerthusiad heriau cyffredin a wynebir gan gynghorwyr gan gynnwys tâl isel, yr ymrwymiad amser sy’n ofynnol, gofal plant a chanfyddiadau cyhoeddus negyddol.

Prif argymhellion

Tynnodd y gwerthusiad nifer o argymhellion y dylai cynlluniau yn y dyfodol ystyried:

• cyfnod datblygu wedi’i wreiddio i ddiffinio cyfranogwyr targed a chynllunio gweithgareddau ac adnoddau allweddol
• ymgorffori prosesau monitro a gwerthuso
• ymdrin â chanfyddiadau’r cyhoedd o lywodraeth leol drwy ymgyrchoedd cyhoeddusrwydd a chyfathrebu i herio canfyddiadau cyhoeddus negyddol o’r cynghorwyr
• gweithio gyda chyflogwyr er mwyn ymdrin â chanfyddiadau ynghylch y sgiliau a enillir yn sgil rôl cynghorydd
• Cynllun Drws i Ddemocratiaeth neu gynllun tebyg i gefnogi ymgeiswyr a chynghorwyr anabl
• dylai cyd-drafod â phleidiau gwleidyddol er mwyn sicrhau cefnogaeth ar draws y pleidiau gwleidyddol a rhoi sylw i ragfarn ddiarwybod – yn bennaf ar baneli dewis.

Cefndir

Cynhaliwyd y rhaglen Amrywiaeth mewn Democratiaeth rhwng mis Gorffennaf 2014 a mis Mawrth 2017. Nod y rhaglen oedd cynyddu’r nifer o ymgeiswyr llywodraeth leol o gefndiroedd amrywiol, trwy nifer o feysydd gweithredu:

• cynllun mentora
• ymgyrch gyfathrebu
• cynllun annog cyflogwyr
• Drws i Ddemocratiaeth
• cyd-drafod â phleidiau gwleidyddol.