Gwerthusiad o'r prosiect Rhieni, Gofal Plant a Chyflogaeth (PaCE): effaith, sefyllfaoedd gwrthffeithiol a gwerth am arian

Prif ganfyddiadau

Ymwneud â’r rhaglen

• Ar y cyfan, mae llai o bobl na'r disgwyl wedi ymuno â rhaglen PaCE.

Deilliannau'r rhaglen

• Mae cyfran sylweddol uwch na’r disgwyl o'r cyfranogwyr wedi symud ymlaen i gael gwaith.
• Roedd bron i hanner y cyfranogwyr a symudodd ymlaen i gael swyddi yn gwneud hynny ar ôl bod yn rhan o PaCE am dri mis neu lai, ac roedd mwyafrif helaeth y rheini a ddaeth o hyd i swyddi wedi gwneud hynny o fewn blwyddyn i ymuno â’r rhaglen.
• Ymhlith y ffactorau a oedd yn gysylltiedig ag unigolion yn symud ymlaen i gael swyddi roedd: bod allan o waith am gyfnodau byrrach cyn ymuno â PaCE; bod â chymwysterau gwell; bod yn siaradwyr Cymraeg; bod rhwng 30 a 40 oed.  
• Ymhlith y ffactorau a oedd i’w gweld yn cael effaith andwyol ar y tebygolrwydd y byddai cyfranogwyr yn dod o hyd i waith roedd: bod o gymuned ethnig leiafrifol; bod â chyflwr iechyd/anabledd sy’n cyfyngu ar y gallu i weithio; bod yn rhiant sengl; bod rhwng 16 a 25 oed; bod allan o waith am fwy na phum mlynedd.

Costau'r rhaglen a gwerth am arian

• Ar y cyfan, mae’r gost ddisgwyliedig fesul cyfranogwr wedi bod fymryn yn uwch na’r disgwyl, a’r gost fesul deilliant swydd wedi bod yn is na’r meincnodau diwygiedig hyd at fis Medi 2021