Gwerthuso’r Cynnig Gofal Plant i Gymru: blwyddyn 1

Mae’r canfyddiadau’n gadarnhaol ar y cyfan. Ceir arwyddion cadarnhaol wrth i rieni sôn am fwy o hyblygrwydd yn y mathau o swyddi y maent yn eu gwneud, yr oriau y maent yn eu gweithio, a’u hincwm gwario. Gan mai gwerthusiad o’r flwyddyn gyntaf yw hwn, ychydig iawn o dystiolaeth sydd ar gael i farnu’r effaith ar hyn o bryd.

Mae’r gwerthuswyr wedi argymell bod Llywodraeth Cymru yn rhoi ystyriaeth bellach i:

• wneud y broses ymgeisio/profi cymhwysedd yn haws ac yn fwy cyson i bob rhiant sy’n gweithio
• gwella ac efallai ganoli’r dulliau cyfathrebu
• darparu mwy o wybodaeth, a honno’n gliriach, i helpu rhieni i gyfrifo costau gofal plant, gan ystyried credyd treth plant
• cysondeb rhwng darparu gofal plant a chyflenwi Darpariaeth Feithrin y Cyfnod Sylfaen mewn perthynas â mynediad i rieni a threfniadau cyllido
• y berthynas waith rhwng yr ysgolion sy’n cyflenwi’r Ddarpariaeth Feithrin a darparwyr gofal plant
• elfennau o’r cyflenwi, gan gynnwys codi am oriau ychwanegol gan ddarparwyr a’r defnydd o’r gyllideb AAA gan yr awdurdodau sy’n rhoi’r cynllun ar waith yn gynnar a’r darparwyr sy’n cyflenwi’r cynnig
• rhagor o ymchwil i ddarparu tystiolaeth bendant o effaith y Cynnig Gofal Plant ar gyfer Cymru.

Dylai gwerthusiad blwyddyn 2 a’r gwaith yn gysylltiedig â chofnodion gweinyddol y llywodraeth roi tystiolaeth fwy pendant ynglŷn â’r effaith (os bydd un) yn y dyfodol.