Lefelau’r Dreth Gyngor: Ebrill 2022 i Fawrth 2023

Pwyntiau allweddol

• Treth cyngor band D i Gymru ar gyfer 2022-23 yw £1,777 ar gyfartaledd.  Mae hyn yn cynnwys £1,433 ar gyfer cynghorau sir, £304 ar gyfer awdurdodau’r heddlu a £40 ar gyfer cynghorau cymuned. Mae ffigurau Band D ar gyfer awdurdodau bilio, gan gynnwys yr heddlu a chynghorau cymunedol, yn amrywio o £1,573 yng Nghaerffili i £2,099 ym Mlaenau Gwent.
• Codiadau cynghorau sir ym mand D y dreth gyngor ar gyfer 2022-23 yw £32 ar gyfartaledd, neu 2.2% yn uwch na’r flwyddyn flaenorol. Codiadau’r heddlu yw £15 ar gyfartaledd, neu 4.8%. Mae’r codiadau hyn yn cyfuno i greu codiad band D o £46 ar gyfartaledd, neu 2.7%.
• Sir Benfro sydd â’r codiad canrannol band D uchaf o 5.0%. Pen-y-bont ar Ogwr sydd â’r codiad canrannol band D isaf o 0.7%.
• Heddlu Gwent sydd â’r cynnydd mwyaf ym mand D o 5.5%. Heddlu Gogledd Cymru sydd â’r  cynnydd lleiaf ym mand D o 3.7%.
• Yn Lloegr, amcangyfrifir mai codiad cyfartalog Band D yw 3.5%.
• Ar gyfartaledd, mae’r dreth gyngor band D yng Nghymru tua 90% o’r ffigur diweddaraf o £1,965 a amcangyfrifir ar gyfer Lloegr.