Llwybr Coedwig Cymru
Rhan beilot oddeutu 80km o Lwybr Coedwig Cymru gydag arwyddbyst sy’n eich cysylltu gyda rhai o’n safleoedd Coedwig Genedlaethol yn Ne Cymru.
Fe welwch yr amrywiaeth o goetiroedd a choedwigoedd, o goed llydanddail cymysg i goedwigoedd cynhyrchiol – rhywbeth i'r teulu ei fwynhau, rhywbeth i bobl sy'n hoff o natur a'r rhai sy'n chwilio am antur ar droed, ar olwynion neu garnau! ....... mae'r daith yn dechrau nawr....
Ynglŷn â'r llwybr
Y rhan beilot hon o Lwybr Coedwig Cymru yw’r cam cyntaf yn ei ddatblygiad ehangach ar draws Cymru - prosiect uchelgeisiol i ddatblygu Llwybr coedwig sy’n cysylltu ein safleoedd Coedwig Cenedlaethol ledled Cymru.
Mae'r llwybr hwn yn dilyn Rhwydweithiau Hawliau Tramwy presennol ac yn darparu amrywiaeth o olygfeydd o'n coetiroedd a'n coed, o fod o dan orchudd canopi coed i olygfeydd anhygoel o'n tirweddau coedwigaeth.
Bydd gwaith pellach yn cael ei wneud i ddatblygu'r llwybr a byddwn yn parhau i ddiweddaru'r wefan hon.
Dewch o hyd i’ch llwybr
Map o Lwybr Coedwig Cymru
Efallai na fydd y map yn hygyrch i bob defnyddiwr. Os oes angen fersiwn fwy hygyrch o’r map hon arnoch, e-bostiwch digidol@llyw.cymru.
Mae’r map cyflawn i’w weld ar MapDataCymru.
Os hoffech ffeiliau GPX o'r llwybr, i'w hychwanegu at ddyfais neu ap GPS, anfonwch e-bost at NationalForestWales@gov.wales.
Allwedd y map
Image
| Porthceri i Goedwig Hensol | Image
| Hensol i Goedwig Llantrisant |
Image
| Llantrisant i Nant y Moel | Image
| Nant y Moel i Bont Walby |
Image
| Coedwig Genedlaethol i Gymru | Image
| Llwybr Coedwig Cymru: dechrau / diwedd adran |
Mae lliw’r llwybrau ar y map yn cynrychioli pob adran wahanol o’r llwybr. Nid ydynt yn cynrychioli’r math o lwybr.