Llwybr Coedwig Cymru: Parc Gwledig Porthceri i Goedwig Hensol

Parc Gwledig Porthceri i Goedwig Hensol.

Gan ddechrau ar hyd yr arfordir, ymgollwch yn y coetir a chrwydrwch drwy un o’r rhannau mwyaf amrywiol.

Hyd y llwybr

16.5km

Safleoedd Coedwig Genedlaethol ar hyd y llwybr hwn

• Porthceri
• Coed Whitton
• Coetiroedd Caerdydd a Bro Morgannwg (Coedwig Hensol)

Llwybr

Gan ddechrau ym Mharc Gwledig Porthceri, mae'r 2 km cyntaf o'r llwybr yn mynd â chi ochr yn ochr â choetiroedd o bwysigrwydd cenedlaethol ac i goetiroedd sy'n arddangos treftadaeth y diwydiant coedwigaeth o'r 19eg ganrif. 

Wrth i chi adael y parc, mae'r llwybr yn parhau ar droedffordd i gerddwyr ochr yn ochr â ffin planhigfa Middleton, planhigfa lydanddail gymysg a Choedwig Middleton, rhan o SoDdGA Coedydd y Barri, safle o ddiddordeb gwyddonol arbennig a nodwyd am ei goetir llydanddail lled-naturiol. Yna, mae’r llwybr yn dilyn yr hen ffordd, sy’n adnabyddus yn lleol fel lôn bum milltir, sydd ar agor i gerddwyr a beicwyr. Yna mae'n parhau ar hyd y ffin i Goed Sutton.

Arhoswch ar y llwybr hwn am 3km a byddwch yn mynd heibio i fynedfa Fferm Ymddiriedolaeth Amelia, cartref Coed Whitton ac un o safleoedd Coedwig Genedlaethol Cymru.  Fe welwch y coetir i'r gorllewin o'r llwybr trwy'r gwrych.

Wrth i’r llwybr barhau tuag at Dresimwn, fe welwch goetiroedd llydanddail i’r dwyrain ac i’r gorllewin o’r llwybr. Wrth i chi fynd i mewn i'r pentref, gallwch gael mynediad i lawer o amwynderau yma, gan gynnwys tafarndai, caffis a siop y pentref. Wrth adael y pentref, mae’r llwybr yn mynd tua’r gogledd tuag at Goedwig Hensol a heibio Fferm Coed Nadolig Ty Cerrig. Wrth i chi fynd heibio Ty Cerrig byddwch yn mynd i mewn i Goedwig Hensol.

Mae’r llwybr yn parhau am 3km trwy goetiroedd Coedwig Genedlaethol Cymru, a reolir gan Cyfoeth Naturiol Cymru.

Map o’r llwybr

Efallai na fydd y map yn hygyrch i bob defnyddiwr. Os oes angen fersiwn fwy hygyrch o’r map hon arnoch, e-bostiwch digidol@llyw.cymru.

Allwedd y map

Ni fydd eitemau sydd wedi'u marcio â seren* yn weladwy nes eu bod wedi'u chwyddo i mewn ar y map.

Llwybr Coedwig Cymru Trail

Image	Porthceri i Goedwig Hensol	Image	Coedwig Genedlaethol i Gymru
Image	Llwybr Coedwig Cymru: dechrau / diwedd adran

Teithio

Image	Maes parcio	Image	Safle Bws / Coets
Image	Gorsaf Drenau	Image	Terfynell Fferi
Image	Ardal Awyrennau

Cyfleusterau

Image	Toiled Cyhoeddus	Image	Tafarn / Bwyty*
Image	Caffi*	Image	Gwesty / Lletya / Tŷ Llety*
Image	Gwyliau / Safle Gwersylla*

Ynglŷn â safleoedd y Goedwig Genedlaethol yn yr adran hon