Gwaith ymchwil i sefydlu llinell sylfaen o ran y system Anghenion Addysgol Arbennig yng Nghymru

Roedd y gwaith ymchwil yn canolbwyntio ar weithwyr proffesiynol. Roedd yn cynnwys e-arolwg o weithwyr proffesiynol ynghylch agweddau penodol o'r system bresennol ac ymchwil ansoddol trylwyr ar draws 4 Awdurdod Lleol. Roedd pob astudiaeth achos wedi'i seilio ar gyfweliadau ag ymarferwyr sy'n gweithio mewn ysgolion, Unedau Cyfeirio Disgyblion, Sefydliadau Addysg Bellach, Awdurdodau Lleol a Byrddau Iechyd Lleol.

Y canfyddiadau allweddol

• Yn gyffredinol, roedd cytundeb barn fod y prosesau ac arferion presennol o fewn y system AAA yn effeithiol. 
• Roedd teimlad fod angen mynd i'r afael â rhai agweddau ar y system (ee cyflymder prosesau, pa un a oedd offer asesu ar gael yn y Gymraeg) a bod amrywiaeth o ran ansawdd. 
• Roedd y mwyafrif o'r rhai a gymerodd ran  o ysgolion a cholegau, yn cytuno bod y prosesau asesu ac adolygu, ac o gyflenwi darpariaeth addysgol arbennig i ddysgwyr yn effeithiol. 
• Mae ysgolion a sefydliadau eraill yn paratoi i weithredu'r newidiadau sy'n gysylltiedig â'r Ddeddf. Disgrifiwyd y newidiadau sydd ar y gorwel fel rhai diwylliannol gan lawer o'r rhai a gymerodd ran. Roedd y newid diwylliant yn cynnwys pwysigrwydd cael gwahanol safbwyntiau ynghylch addysg.
• Mae rhai ysgolion yn ystyried y gall rhai o'r newidiadau hyn fod yn feichus, gan bryderu am oblygiadau amser rhai agweddau ar y gwaith diwygio.