Rhentu Cartrefi - contract enghreifftiol

Rydym am gael gwybod eich barn chi ynghylch y strwythur a gosodiad y dogfennau a’r canllawiau cysylltiedig. Bydd yr wybodaeth hon yn ein helpu ni i sicrhau bod y trefniadau Rhentu Cartrefi newydd yn gweithio mor effeithiol ag y bo modd.

Roedd y Papur Gwyn ar Rentu Cartrefi a oedd yn destun ymgynghoriad ar wahân yn 2013 yn cynnig cyflwyno fframwaith cyfreithiol mwy clir a syml yn lle'r gyfraith ddryslyd a chymhleth a geir ar hyn o bryd. Cafodd y Papur Gwyn gefnogaeth gref a bwriedir cyflwyno'r Ddeddf Rhentu Cartrefi (Cymru) i'r Cynulliad Cenedlaethol yn 2015.

Er mwyn sicrhau’r fframwaith cyfreithiol mwyaf effeithiol mae'n bwysig bod y contractau rhentu newydd yn hawdd eu deall a'u defnyddio. Bydd hyn yn helpu landlordiaid a thenantiaid i gytuno ar drefniadau o'r dechrau'n deg a hefyd yn atal anghydfodau nes ymlaen. Mae'r ymgynghoriad hwn yn egluro sut olwg fydd ar y contractau newydd ar gyfer Rhentu Cartrefi ynghyd ag enghreifftiau o'r math o ganllawiau atodol a fydd o bosibl yn ofynnol.