Ymgynghoriad Cymru ar Is-ddeddfwriaeth Caffael Cyhoeddus Cymdeithasol Gyfrifol o dan Ddeddf Partneriaeth Gymdeithasol a Chaffael Cyhoeddus (Cymru) 2023

Mae Llywodraeth Cymru yn ymgynghori ar yr is-ddeddfwriaeth ddrafft sy'n ofynnol i weithredu Rhan 3 o Ddeddf Partneriaeth Gymdeithasol a Chaffael Cyhoeddus (Cymru) 2023 (a elwir wedi hyn yn y Ddeddf SPPP), Caffael Cyhoeddus Cymdeithasol Gyfrifol. Mae'r ymgynghoriad hwn yn cyfeirio at feysydd o'r Ddeddf sy'n cyfeirio at ddisgrifiadau o gontractau  ac adrodd.  Mae'n ymdrin â'r meysydd canlynol:

1. Contractau rhagnodedig
2. Diwygiad i Adran 27(4) o Ddeddf SPPP
3. Contractau cofrestradwy
4. Gwybodaeth sy'n ofynnol mewn Adroddiadau caffael blynyddol cymdeithasol gyfrifol
5. Y Gymraeg

Mae’r ddogfen ymgynghori hon yn nodi’r cyd-destun a’r bwriad polisi i bob un o’r rheoliadau drafft. Mae’n rhaid darllen y rheoliadau drafft (y cyfeirir ato hefyd fel Offeryn Statudol drafft) ar y cyd â’r ddogfen hon er mwyn gallu ymateb i’r cwestiynau isod.

Mae’r cwestiynau’n ceisio deall a yw manylion technegol y fersiwn ddrafft yn gywir ac yn briodol a byddant yn defnyddio graddfeydd o ‘Cytuno’n gryf’ i ‘Anghytuno’n gryf’.

Mae’r Deddf SPPP yn ei gwneud yn ofynnol i bob corff cyhoeddus a restrir yn Atodlen 1 (awdurdodau contractio) gaffael yn gyhoeddus mewn ffordd sy'n sicrhau llesiant cymdeithasol, amgylcheddol, economaidd a diwylliannol. Yn ogystal â chyhoeddi amcanion caffael cymdeithasol gyfrifol a strategaethau caffael a chydymffurfio â dyletswyddau rheoli contractau mewn prosesau caffael gwasanaethau adeiladu a chontractau allanol mawr, gan gynnwys proses hysbysu, mae'r Ddeddf hon yn cynnwys dyletswyddau tryloywder, sy'n canolbwyntio ar gyhoeddi adroddiad caffael cymdeithasol gyfrifol blynyddol, a chofrestr contractau.

Bwriad cyffredinol y rheoliadau hyn yw cyflwyno'r manylion angenrheidiol i alluogi Rhan 3 o'r Ddeddf hon i weithredu.

Mae Adran 24(8) o Ddeddf Partneriaeth Gymdeithasol a Chaffael Cyhoeddus (Cymru) 2023 yn diffinio 'contract rhagnodedig' fel

1. contract adeiladu mawr (gweler adran 25),
2. contract allanoli gwasanaethau (gweler adran 26), a hefyd
3. unrhyw gontract cyhoeddus arall o ddisgrifiad a ragnodir gan Weinidogion Cymru drwy reoliadau.

Mae’r Ddeddf SPPP yn ei gwneud yn ofynnol i awdurdodau contractio gaffael yn gyhoeddus mewn ffordd gymdeithasol gyfrifol. Gallant ddangos hyn drwy gyfrannu at gyflawni'r nodau llesiant. Er mwyn sicrhau bod camau o'r fath yn cael eu cymryd mewn ffordd gymesur, mae’r rheoliadau drafft yn y disgrifiad 'contractau rhagnodedig' yn cynnwys 'contractau cyhoeddus' (fel y'u diffinnir yn y adran 21 y Ddeddf Deddf Partneriaeth Gymdeithasol a Chaffael Cyhoeddus) sydd â gwerth amcangyfrifedig nad yw'n llai na'r swm trothwy a nodir yn Atodlen 1 i Ddeddf Caffael 2023, neu nad yw'n gontract eithriedig o dan Atodlen 2 o'r Ddeddf honno. Mae'r symiau trothwy yn Atodlen 1 Deddf Gaffael 2023 yn gysylltiedig â'r trothwyon ariannol a osodir gan Sefydliad Masnach y Byd (WTO) yn ei Gytundeb ar Gaffael Llywodraeth (GPA) ac yn cael eu diweddaru bob dwy flynedd.

Cwestiwn

1a: I ba raddau ydych chi'n cytuno neu'n anghytuno bod y diffiniad o 'gontract rhagnodedig' yn y rheoliadau yn sicrhau bod y gofynion o dan adran 24 o'r Ddeddf yn cael eu gweithredu mewn ffordd gymesur?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

1b: Os gwnaethoch chi ateb anghytuno neu anghytuno’n gryf i Gwestiwn 1a, eglurwch pam nad ydych yn credu bod hyn yn cyflawni’r bwriad polisi.

Mae'r rheoliadau drafft yn cynnig newid y geiriau 'pobl ag anableddau' yn Nhabl 1 (Adran 27) i 'bobl anabl', er mwyn cysoni hyn â'r iaith sy'n briodol i'r model cymdeithasol o anabledd. Nodwyd hyn gan aelodau'r Tasglu Anabledd yn fuan ar ôl i'r Ddeddf gael Cydsyniad Brenhinol ac yn y Cynllun Hawliau Pobl Anabl drafft. Mae Llywodraeth Cymru wedi tanysgrifio i'r model cymdeithasol o anabledd ac wedi ymrwymo i ddefnyddio iaith sy'n gyson ag ef.

Cwestiwn

2a: I ba raddau ydych chi'n cytuno neu'n anghytuno bod diwygio'r tabl yn adran 27 o'r Ddeddf i ddisodli'r geiriau “pobl ag anableddau” gyda “phobl anabl” yn bodloni'r gofyniad i ddefnyddio iaith sy'n gyson â'r model cymdeithasol o anabledd?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

2b: Os gwnaethoch chi ateb anghytuno neu anghytuno’n gryf i Gwestiwn 2a, eglurwch pam nad ydych yn credu bod hyn yn cyflawni’r bwriad polisi.

Mae'r rheoliadau drafft yn disgrifio "contract cofrestradwy" fel contract cyhoeddus (fel y'i diffinnir yn adran 21 o Ddeddf SPPP) sydd â gwerth nad yw'n llai na gwerth "hysbysadwy o dan y trothwy" fel y'i diffinnir yn adran 87(4) o Ddeddf Caffael 2023 ac nad yw'n gontract esempt at ddibenion Atodlen 2 i'r Ddeddf honno neu gontract consesiwn neu gyfleustodau. Mae contractau hysbysadwy islaw'r trothwy yn cael eu rheoleiddio o dan gontractau trothwy sydd wedi'u gosod ar hyn o bryd ar dros £30,000 (neu £12,000 mewn rhai amgylchiadau) y mae angen Hysbysiad Manylion y Contract ar eu cyfer. Bydd angen i'r "contractau cofrestradwy" hyn gael eu cynnwys yn y gofrestr contractau sy'n ofynnol o dan adran 40 o Ddeddf SPPP. Pwrpas y ddyletswydd hon yw cynorthwyo tryloywder i ddarpar gyflenwyr a rhanddeiliaid. Pwrpas y ddyletswydd hon yw helpu i sicrhau tryloywder i ddarpar gyflenwyr a rhanddeiliaid. Mae'r trothwy wedi cael ei ddylunio i gyd-fynd â gofynion yr Hysbysiad Manylion Contract o dan y Ddeddf Caffael.

Mae gan Lwyfan Digidol Cymru (GwerthwchiGymru) swyddogaeth Cofrestr Gontractau sy'n tynnu data'n awtomatig o'r Hysbysiad Manylion Contract i'w fwydo i'r Gofrestr Gontractau pan fydd Awdurdod Contractio Cymru yn rhoi'r swyddogaeth ar waith.

Cwestiwn

3a: I ba raddau ydych chi'n cytuno neu'n anghytuno bod y diffiniad o “gontract cofrestradwy” yn helpu tryloywder i ddarpar gyflenwyr a rhanddeiliaid mewn ffordd gymesur ac felly'n bodloni bwriad y polisi?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

3b: Os gwnaethoch chi ateb anghytuno neu anghytuno’n gryf i Gwestiwn 3, eglurwch pam nad ydych yn credu bod hyn yn cyflawni’r bwriad polisi.

Mae'r Ddeddf SPPP yn ei gwneud yn ofynnol i awdurdod contractio sydd wedi dyfarnu unrhyw gontractau rhagnodedig yn ystod blwyddyn ariannol baratoi a chyhoeddi adroddiad blynyddol ar ei gaffael cyhoeddus. Mae’n rhaid i hyn gael ei wneud cyn gynted ag y bo'n rhesymol ymarferol ar ôl diwedd y flwyddyn honno.

Mae'r rheoliadau drafft yn diffinio'r wybodaeth ychwanegol sydd i'w chynnwys yn yr adroddiad y mae Gweinidogion Cymru o'r farn bod ei hangen arnynt i asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant.

Dyma'r wybodaeth sy'n ofynnol yn yr adroddiad:

• yn ymwneud â “chontractau adroddadwy” sef contractau cofrestradwy (gweler rheoliad 4) a ddyfernir yn y flwyddyn ariannol honno nad ydynt yn gytundebau fframwaith
• rhaid ei fynegi fel canran o amcangyfrif gwerth yr holl “gontractau adroddadwy” a ddyfarnwyd yn y flwyddyn ariannol honno
• yn ymwneud â gwerth amcangyfrifedig “contractau adroddadwy” a ddyfernir i gontractwyr sy'n bodloni'r amod fel y'i nodir ym mharagraffau 2 i 14 o'r Atodlen (a elwir hefyd yn fetrigau)

Bydd angen i awdurdodau contractio gasglu gwybodaeth ynghylch a yw contractwyr yn bodloni pob amod ai peidio er mwyn adrodd yn ei erbyn. Bydd Llywodraeth Cymru yn darparu Holiadur Penodol Caffael Cymru wedi'i ddiweddaru i gynnwys cwestiynau dewisol ar yr amodau hyn, os bydd awdurdodau contractio yn dymuno defnyddio hwn fel ffordd o gasglu'r wybodaeth hon. Mae Llywodraeth Cymru hefyd yn ymchwilio i ddulliau posibl eraill o gasglu. Ceisir y wybodaeth fel y gall Gweinidogion Cymru asesu i ba raddau y mae caffael awdurdod contractio, yn gyffredinol, yn cyfrannu at gyflawni nodau llesiant.

Amod 1: Cyfleoedd i weithwyr ddefnyddio, dysgu neu wella eu sgiliau Cymraeg (wedi'u cynnwys yn rheoliad 5(2)(a) yr offeryn statudol drafft)

Hyrwyddo a defnyddio'r Gymraeg yw un o'r agweddau pwysicaf ar lesiant diwylliannol yng Nghymru. Gallai pob contractwr, ni waeth lle maent wedi'u lleoli, fodloni'r gofynion hyn, drwy sicrhau bod cyfleoedd i ddefnyddio, dysgu neu wella sgiliau Cymraeg yn cael eu darparu yn ystod oriau gwaith. Mae gwybodaeth am yr amod hwn wedi'i gynllunio i gyfrannu at 'Nod Cymru â Diwylliant Bywiog lle mae'r Gymraeg yn Ffynnu.'

Mae'r ganran i'w chyfrifo fel a ganlyn:

(Cyfanswm gwerth contractau cofrestradwy a ddyfarnwyd i gontractwyr sy'n rhoi cyfleoedd i weithwyr ddefnyddio, dysgu neu wella eu sgiliau Cymraeg / cyfanswm gwerth contractau cofrestradwy a ddyfarnwyd) x 100

Cwestiwn

4a: I ba raddau ydych chi’n cytuno neu’n anghytuno bod amod 1 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

4b: Os gwnaethoch chi ateb anghytuno neu anghytuno’n gryf i Gwestiwn 4a, eglurwch pam nad ydych yn credu bod angen yr wybodaeth hon?

Amod 2: Contractwyr yng Nghymru (wedi'u cynnwys yn rheoliad 5(2)(b) yr offeryn statudol drafft)

Caiff contractwyr o Gymru eu diffinio (ar gyfer unigolyn) lle mae cyfeiriad post cyswllt y contractwr yng Nghymru, a lle nad yw'r contractwr yn unigolyn, lle mae cyfeiriad y swyddfa gofrestredig neu'r brif swyddfa yng Nghymru. Mae'r amod hwn wedi'i ddylunio i gyfrannu at nod llesiant 'Cymru lewyrchus'.

Mae'r ganran i'w chyfrifo fel a ganlyn:

(Cyfanswm gwerth y contractau cofrestradwy a ddyfarnwyd i gontractwyr yng Nghymru / cyfanswm gwerth y contractau cofrestradwy a ddyfarnwyd) x 100

Cwestiwn

5a: I ba raddau ydych chi’n cytuno neu’n anghytuno bod amod 2 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

5b: Os gwnaethoch chi ateb anghytuno neu anghytuno’n gryf i Gwestiwn 5a, eglurwch pam nad ydych yn credu bod angen yr wybodaeth hon?

Amod 3: Contractwyr bach a chanolig (wedi'u cynnwys yn rheoliad 5(2)(c) yr offeryn statudol drafft)

Mae contractio gyda chontractwyr bach a chanolig yn gysylltiedig â gwella llesiant economaidd. Mae'r amod hwn wedi'i ddylunio i gyfrannu, yn bennaf at nod llesiant 'Cymru lewyrchus'.

Mae'r ganran i'w chyfrifo fel a ganlyn:

(Cyfanswm gwerth y contractau cofrestradwy a ddyfarnwyd i gontractwyr bach a chanolig / cyfanswm gwerth y contractau cofrestradwy a ddyfarnwyd) x 100

Cwestiwn

6a: I ba raddau ydych chi’n cytuno neu’n anghytuno bod amod 3 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

6b: Os gwnaethoch chi ateb anghytuno neu anghytuno’n gryf i Gwestiwn 6a, eglurwch pam nad ydych yn credu bod angen yr wybodaeth hon?

Amod 4: Contractwyr sy’n cael eu gyrru gan werth (wedi'u cynnwys ym mharagraff 5(2)(d) yr Atodlen i'r offeryn statudol drafft)

Mae contractio gyda chontractwyr sy'n sefydliad anllywodraethol sy'n cael ei yrru gan werth ac sy'n ailfuddsoddi arian dros ben yn bennaf i hybu amcanion cymdeithasol, amgylcheddol neu ddiwylliannol yn gysylltiedig â gwella llesiant economaidd a chymdeithasol. Mae'r metrig hwn wedi'i gynllunio i gyfrannu'n bennaf at nodau llesiant 'Cymru o gymunedau cydlynus' a 'Cymru sy'n fwy cyfartal' a gallai gyfrannu at eraill.

Mae'r ganran i'w chyfrifo fel a ganlyn:

(Cyfanswm gwerth y contractau cofrestradwy a ddyfarnwyd i gontractwyr sy’n cael eu gyrru gan werth / cyfanswm gwerth y contractau cofrestradwy a ddyfarnwyd) x 100

Cwestiwn

7a: I ba raddau ydych chi’n cytuno neu’n anghytuno bod amod 4 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

7b: Os gwnaethoch chi ateb anghytuno neu anghytuno’n gryf i Gwestiwn 7a, eglurwch pam nad ydych yn credu bod angen yr wybodaeth hon?

Amod 5: Cynlluniau lleihau carbon (wedi'u cynnwys ym mharagraff 5(2)(e) yr Atodlen i'r offeryn statudol drafft)

Gall pob sefydliad gynhyrchu a chyhoeddi Cynllun Lleihau Carbon, yn unol â Nodyn Polisi Caffael Cymru 006, ac mae adnoddau ar gael i helpu sefydliadau yng Nghymru i wneud hyn. Mae'r amod hwn wedi'i ddylunio i gyfrannu'n bennaf at 'Gymru Gydnerth' a gall hefyd gyfrannu at nodau eraill, gan gynnwys 'Cymru sy'n Gyfrifol ar Lefel Fyd-eang' a 'Cymru Lewyrchus'.

Mae'r ganran i'w chyfrifo fel a ganlyn:

(Cyfanswm gwerth y contractau cofrestradwy a ddyfarnwyd i gontractwyr sydd â chynllun lleihau carbon ar gael i'r cyhoedd/ cyfanswm gwerth y contractau cofrestradwy a ddyfarnwyd) x 100

Cwestiwn

8a: I ba raddau ydych chi’n cytuno neu’n anghytuno bod amod 5 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

8b: Os gwnaethoch chi ateb anghytuno neu anghytuno’n gryf i Gwestiwn 8a, eglurwch pam nad ydych yn credu bod angen yr wybodaeth hon?

Amod 6: Gwybodaeth am allyriadau (wedi'i chynnwys yn rheoliad 5(2)(f) yr offeryn statudol drafft)

Mae angen i gyrff cyhoeddus allu cynnwys yr allyriadau sy'n gysylltiedig â'u nwyddau, eu gwaith a'u gwasanaethau caffael yn eu hadroddiadau carbon. Bydd contractio gyda chontractwyr sy'n darparu'r wybodaeth hon yn helpu i alluogi hyn. Mae'r amod hwn wedi'i ddylunio i gyfrannu, yn bennaf at nod llesiant “Cymru gydnerth” a gall gyfrannu at nodau eraill.

Mae'r ganran i'w chyfrifo fel a ganlyn:

(Cyfanswm gwerth contractau cofrestradwy a ddyfarnwyd i gontractwyr sy'n gallu rhoi gwybodaeth am yr allyriadau a gynhyrchir gan y nwyddau, y gwaith a'r gwasanaethau y mae'n eu darparu/cyfanswm gwerth y contractau cofrestradwy a ddyfarnwyd) x 100

Cwestiwn

9a: I ba raddau ydych chi’n cytuno neu’n anghytuno bod amod 6 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

9b: Os gwnaethoch chi ateb anghytuno neu anghytuno’n gryf i Gwestiwn 9a, eglurwch pam nad ydych yn credu bod angen yr wybodaeth hon?

Amod 7: Datganiad polisi amgylcheddol (wedi'i gynnwys yn rheoliad 5(2)(g) yr offeryn statudol drafft)

Mae 'datganiad polisi amgylcheddol' yn golygu datganiad sy'n nodi nodau'r contractwr o ran rheoli effeithiau amgylcheddol ac agweddau ar ei weithrediadau, ac sy'n ymrwymo i raglen o wella. Mae'r amod hwn wedi'i ddylunio i gyfrannu'n bennaf at “Gymru Gydnerth”, “Cymru sy'n Gyfrifol ar Lefel Fyd-eang” a hefyd “Cymru Lewyrchus”.

Mae'r ganran i'w chyfrifo fel a ganlyn:

(Cyfanswm gwerth y contractau cofrestradwy a ddyfarnwyd i gontractwyr sydd â datganiad polisi amgylcheddol / cyfanswm gwerth y contractau cofrestradwy a ddyfarnwyd) x 100

Cwestiwn

10a: I ba raddau ydych chi’n cytuno neu’n anghytuno bod amod 7 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

10b: Os gwnaethoch chi ateb anghytuno neu anghytuno’n gryf i Gwestiwn 10a, eglurwch pam nad ydych yn credu bod angen yr wybodaeth hon?

Amod 8: Cyflog Byw (wedi'i gynnwys yn rheoliad 5(2)(h) yr offeryn statudol drafft)

Mae Llywodraeth Cymru wedi ymrwymo i hyrwyddo achrediad Cyflog Byw Gwirioneddol. Mae'r metrig hwn wedi'i ddylunio i gyfrannu, yn bennaf at nodau llesiant 'Cymru lewyrchus’ a Cymru sy’n fwy cyfartal.

Mae'r ganran i'w chyfrifo fel a ganlyn:

(Cyfanswm gwerth y contractau cofrestradwy a ddyfarnwyd i gontractwyr sy'n Gyflogwyr Cyflog Byw Achrededig*/ cyfanswm gwerth y contractau cofrestradwy a ddyfarnwyd) x 100

*Fel yr ardystiwyd gan y Sefydliad Cyflog Byw (cynllun gan Citizens UK(1)

Cwestiwn

11a: I ba raddau ydych chi’n cytuno neu’n anghytuno bod amod 8 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

11b: Os gwnaethoch chi ateb anghytuno neu anghytuno’n gryf i Gwestiwn 11a, eglurwch pam nad ydych yn credu bod angen yr wybodaeth hon?

Amod 9: Undeb Llafur sy’n cael ei gydnabod (wedi'i gynnwys yn rheoliad 5(2)(i) yr offeryn statudol drafft)

Mae Llywodraeth Cymru wedi ymrwymo i hyrwyddo cydnabyddiaeth undebau llafur ac aelodaeth o'r undebau. Mae cydnabyddiaeth undeb llafur yn golygu cydnabyddiaeth yr undeb gan gyflogwr, neu ddau neu fwy o gyflogwyr cysylltiedig, i unrhyw raddau, at ddibenion bargeinio ar y cyd. Mae'r amod hwn wedi'i gynllunio i gyfrannu'n bennaf at nodau lles "Cymru Ffyniannus" a "Cymru Fwy Cyfartal".

Mae'r ganran i'w chyfrifo fel a ganlyn:

(Cyfanswm gwerth y contractau cofrestradwy a ddyfarnwyd i gontractwyr sy’n cydnabod undebau llafur / cyfanswm gwerth y contractau cofrestradwy a ddyfarnwyd) x 100

Cwestiwn

12a: I ba raddau ydych chi’n cytuno neu’n anghytuno bod amod 9 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

12b: Os gwnaethoch chi ateb anghytuno neu anghytuno’n gryf i Gwestiwn 12a, eglurwch pam nad ydych yn credu bod angen yr wybodaeth hon?

Amod 10: Cydfargeinio (wedi'i gynnwys yn rheoliad 5(2)(j) yr offeryn statudol drafft)

Mae Llywodraeth Cymru wedi ymrwymo i hyrwyddo bod telerau ac amodau cyflogaeth yn cael eu gosod drwy gydfargeinio. Mae'r amod hwn wedi'i ddylunio i gyfrannu, yn bennaf at nodau llesiant 'Cymru lewyrchus’ a Cymru sy’n fwy cyfartal.

Mae'r ganran i'w chyfrifo fel a ganlyn:

(Cyfanswm gwerth contractau cofrestradwy a ddyfarnwyd i gontractwyr sy'n gosod telerau ac amodau cyflogaeth i weithwyr drwy gydfargeinio / cyfanswm gwerth contractau cofrestradwy a ddyfarnwyd) x 100

Cwestiwn

13a: I ba raddau ydych chi’n cytuno neu’n anghytuno bod amod 10 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

13b: Os gwnaethoch chi ateb anghytuno neu anghytuno’n gryf i Gwestiwn 13a, eglurwch pam nad ydych yn credu bod angen yr wybodaeth hon?

Amod 11: Contractau dim oriau (wedi'u cynnwys yn rheoliad 5(2)(k) yr offeryn statudol drafft)

Mae Llywodraeth Cymru wedi ymrwymo i hyrwyddo Gwaith Teg, sy'n cynnwys sicrwydd swyddi. Mae sicrhau bod pob gweithiwr yn cael yr opsiwn o ystyried a yw'n dymuno bod ar gontract oriau heb eu gwarantu (contract dim oriau) yn rhan bwysig o hyn. Mae'r amod hwn wedi'i ddylunio i gyfrannu, yn bennaf at nodau llesiant 'Cymru lewyrchus’ a Cymru sy’n fwy cyfartal.

Mae'r ganran i'w chyfrifo fel a ganlyn:

(Cyfanswm gwerth contractau cofrestradwy a ddyfarnwyd i gontractwyr heb weithwyr ar gontractau dim oriau neu sydd â gweithwyr ar gontractau dim oriau ond sy'n adolygu priodoldeb y trefniadau hyn gyda'r gweithwyr hynny neu undeb llafur cydnabyddedig o leiaf unwaith bob tri mis / cyfanswm gwerth y contractau cofrestradwy a ddyfarnwyd) x 100

Cwestiwn

14a: I ba raddau ydych chi’n cytuno neu’n anghytuno bod amod 11 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

14b: Os gwnaethoch chi ateb anghytuno neu anghytuno’n gryf i Gwestiwn 14a, eglurwch pam nad ydych yn credu bod angen yr wybodaeth hon?

Amod 12: Polisi cydraddoldeb, amrywiaeth a chynhwysiant (wedi'u cynnwys yn rheoliad 5(2)(h) yr offeryn statudol drafft)

Mae Llywodraeth Cymru wedi ymrwymo i hyrwyddo Gwaith Teg, sy'n cynnwys cydraddoldeb, amrywiaeth a chynhwysiant yn y gweithle. Mae'r amod hwn wedi'i ddylunio i gyfrannu, yn bennaf at nodau llesiant 'Cymru lewyrchus’ a Cymru sy’n fwy cyfartal.

Mae'r ganran i'w chyfrifo fel a ganlyn:

(Cyfanswm gwerth contractau cofrestradwy a ddyfarnwyd i gontractwyr sydd â pholisi cydraddoldeb, amrywiaeth a chynhwysiant sy’n ymwneud â’i arferion recriwtio a chyflogaeth / cyfanswm gwerth contractau cofrestradwy a ddyfarnwyd) x 100

Cwestiwn

15a: I ba raddau ydych chi’n cytuno neu’n anghytuno bod amod 12 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

15b: Os gwnaethoch chi ateb anghytuno neu anghytuno’n gryf i Gwestiwn 15a, eglurwch pam nad ydych yn credu bod angen yr wybodaeth hon?

Amod 13: Cod ymarfer ar gyflogaeth foesegol mewn cadwyni cyflenwi (wedi'i gynnwys yn rheoliad 5(2)(m) yr offeryn statudol drafft)

Mae mynd i'r afael â risgiau o gaethwasiaeth a cham-drin hawliau dynol mewn cadwyni cyflenwi yn flaenoriaeth polisi i Lywodraeth Cymru. Mae'r Cod Ymarfer wedi bod ar waith ers 2017 a bydd yn cael ei adnewyddu yn nes ymlaen yn 2025. Mae'r amod hwn wedi'i ddylunio i gyfrannu, yn bennaf at nodau llesiant “Cymru sy'n gyfrifol ar lefel fyd-eang”, "Cymru Lewyrchus" a hefyd “Cymru sy’n fwy cyfartal”

Mae'r ganran i'w chyfrifo fel a ganlyn:

(Cyfanswm gwerth contractau cofrestradwy a ddyfarnwyd i gontractwyr sydd wedi ymrwymo i'r Cod Ymarfer ar Gyflogaeth Foesegol mewn Cadwyni Cyflenwi / cyfanswm gwerth contractau cofrestradwy a ddyfarnwyd) x 100

Cwestiwn

16a: I ba raddau ydych chi’n cytuno neu’n anghytuno bod amod 13 yn wybodaeth y mae’n ofynnol i Weinidogion Cymru asesu i ba raddau y mae amcanion caffael cymdeithasol gyfrifol awdurdodau contractio a chaffael cyhoeddus yn cyfrannu'n gyffredinol at gyflawni'r nodau llesiant?

• Cytuno’n gryf
• Cytuno
• Ddim yn cytuno nac yn anghytuno
• Anghytuno
• Anghytuno’n gryf

16b: Os gwnaethoch chi ateb anghytuno neu anghytuno’n gryf i Gwestiwn 16a, eglurwch pam nad ydych yn credu bod angen yr wybodaeth hon?

Mae gan Lywodraeth Cymru ddyletswydd statudol wrth ymgynghori i geisio eich barn am effeithiau ein penderfyniadau polisi ar y Gymraeg, a hynny’n unol â Safonau Llunio Polisïau.

Cwestiwn

17: Yn eich barn chi, beth fyddai effeithiau tebygol yr is-ddeddfwriaeth ar yr iaith Gymraeg? Mae gennym ddiddordeb arbennig mewn unrhyw effeithiau tebygol ar gyfleoedd i ddefnyddio’r Gymraeg ac ar beidio â thrin y Gymraeg yn llai ffafriol na’r Saesneg.

Ydych chi’n credu bod cyfleoedd i hyrwyddo unrhyw effeithiau cadarnhaol?

Ydych chi’n credu bod cyfleoedd i liniaru unrhyw effeithiau negyddol?

18: Yn eich barn chi, a ellid llunio neu newid yr is-ddeddfwriaeth er mwyn gwneud y canlynol:

• cael effeithiau cadarnhaol neu effeithiau mwy cadarnhaol o ran defnyddio’r Gymraeg ac ar beidio â thrin y Gymraeg yn llai ffafriol na’r Saesneg; neu
• liniaru unrhyw effeithiau negyddol ar ddefnyddio’r Gymraeg ac ar beidio â thrin y Gymraeg yn llai ffafriol na’r Saesneg?

19: Rydym wedi gofyn nifer o gwestiynau penodol. Os oes gennych chi unrhyw faterion cysylltiedig sydd heb gael eu trafod yn benodol, mae croeso i chi ddefnyddio’r lle hwn i'w nodi:

Cyflwynwch eich sylwadau erbyn 14 Hydref 2025, yn unrhyw un o'r ffyrdd canlynol:

• cwblhewch ein ffurflen ar-lein
• llwythwch i lawr, cwblhewch ein ffurflen ymateb ac e-bostiwch at: YmgynghoriadCaffaelCymdeithasolGyfrifolCyhoeddus@llyw.cymru
• llwythwch i lawr, cwblhewch ein ffurflen ymateb a'i phostio at:

Grŵp Gwasanaethau Corfforaethol ac Arolygiaethau
Yr Is-adran Caffael Masnachol
Tîm Deddfwriaeth Gaffael
Llywodraeth Cymru
Parc Cathays
Caerdydd
CF10 3NQ

O dan y ddeddfwriaeth diogelu data, mae gennych hawl i’r canlynol:

• cael gwybod am y data personol sy’n cael eu cadw amdanoch chi, ac i gael gweld y data hynny
• mynnu ein bod yn cywiro gwallau yn y data hynny
• gwrthwynebu neu atal prosesu (mewn amgylchiadau penodol)
• i’ch data gael eu ‘dileu’ (mewn amgylchiadau penodol)
• cludo data (mewn amgylchiadau penodol)
• cyflwyno cwyn i Swyddfa'r Comisiynydd Gwybodaeth (ICO), sef ein rheoleiddiwr annibynnol ar gyfer diogelu data

I gael rhagor o fanylion am yr wybodaeth y mae Llywodraeth Cymru yn ei chadw a’r ffordd mae'r wybodaeth yn cael ei defnyddio, neu os ydych chi am arfer eich hawliau o dan reoliad GDPR y DU, defnyddiwch y manylion cyswllt isod:

Rheoliad Cyffredinol y DU ar Ddiogelu Data (GDPR y DU)

Llywodraeth Cymru fydd y rheolydd data i ymgynghoriadau Llywodraeth Cymru ac i unrhyw ddata personol a ddarperir gennych fel rhan o'ch ymateb i'r ymgynghoriad. 

Mae gan Weinidogion Cymru bwerau statudol y byddant yn dibynnu arnynt i brosesu'r data personol hwn a fydd yn eu galluogi i wneud penderfyniadau ar sail gwybodaeth ynghylch sut maent yn arfer eu swyddogaethau cyhoeddus. Y sail gyfreithlon dros brosesu gwybodaeth yn yr ymarfer casglu data hwn yw ein tasg gyhoeddus; hynny yw, arfer ein hawdurdod swyddogol i ymgymryd â rôl a swyddogaethau craidd Llywodraeth Cymru. (Erthygl 6(1)(e)) 

Bydd unrhyw ymateb a anfonwch atom yn cael ei weld yn llawn gan staff Llywodraeth Cymru sy'n delio â'r materion y mae'r ymgynghoriad hwn yn ymwneud â nhw neu sy'n cynllunio ymgynghoriadau ar gyfer y dyfodol. Yn achos ymgynghoriadau ar y cyd, gall hyn hefyd gynnwys awdurdodau cyhoeddus eraill. Pan fydd Llywodraeth Cymru yn cynnal dadansoddiad pellach o'r ymatebion i'r ymgynghoriad, efallai y bydd trydydd parti achrededig (ee sefydliad ymchwil neu gwmni ymgynghori) yn cael ei gomisiynu i wneud y gwaith hwn. Dim ond o dan gontract y gwneir unrhyw waith o’r fath. Mae telerau ac amodau safonol Llywodraeth Cymru ar gyfer contractau o’r fath yn pennu gofynion llym ar gyfer prosesu data personol a’i gadw’n ddiogel.

I ddangos bod yr ymgynghoriad wedi cael ei gynnal yn briodol, mae Llywodraeth Cymru yn bwriadu cyhoeddi crynodeb o'r ymatebion i'r ddogfen hon. Mae'n bosibl hefyd y byddwn yn cyhoeddi'r ymatebion yn llawn. Fel arfer, bydd enw a chyfeiriad (neu ran o gyfeiriad) yr unigolyn neu’r sefydliad a anfonodd yr ymateb yn cael eu cyhoeddi gyda’r ymateb. Os nad ydych yn dymuno i’ch enw na’ch cyfeiriad gael eu cyhoeddi, rhowch wybod i ni yn ysgrifenedig wrth anfon eich ymateb. Byddwn wedyn yn eu golygu cyn eu cyhoeddi.

Dylech hefyd fod yn ymwybodol o’n cyfrifoldebau o dan ddeddfwriaeth Rhyddid Gwybodaeth ac y gallai Llywodraeth Cymru fod o dan rwymedigaeth gyfreithiol i ddatgelu rhywfaint o wybodaeth.

Os caiff eich manylion eu cyhoeddi fel rhan o’r ymateb i'r ymgynghoriad, caiff yr adroddiadau hyn a gyhoeddir eu cadw am gyfnod amhenodol. Bydd unrhyw ddata sydd gan Lywodraeth Cymru amdanoch fel arall yn cael eu cadw am dair blynedd fan bellaf.

Rhif WG: WG52328

Gallwch weld y ddogfen hon mewn ieithoedd amgen. Os ydych am gael y ddogfen mewn fformat gwahanol, cysylltwch â ni.