Digwyddiad Cyd-greu Penodiadau Cyhoeddus 2025: hysbysiad preifatrwydd

Mae'r Tîm Penodiadau Cyhoeddus yn Llywodraeth Cymru yn hwyluso digwyddiad cydweithredu a fydd yn cael ei gynnal ar 5 Tachwedd 2025. Fel rhan o'r paratoadau ar gyfer y digwyddiad hwn, mae'r tîm yn cyhoeddi ffurflen ar y we. Bydd y ffurflen hon yn gofyn am wybodaeth ynghylch anghenion dietegol a gofynion hygyrchedd, ynghyd â dewisiadau iaith a chaniatâd i dynnu a defnyddio lluniau. Bydd hefyd yn helpu i sicrhau bod cynrychiolaeth deg o sectorau yn bresennol yn y digwyddiad.

Wrth ichi lenwi'r ffurflen, bydd Llywodraeth Cymru yn cael gwybodaeth bersonol (enw a chyfeiriad e-bost) sy'n gysylltiedig â'ch ymatebion.

Mae Llywodraeth Cymru yn cael yr wybodaeth bersonol hon (enw, cyfeiriadau e-bost ac ymatebion) am y mynychwyr pan fyddant yn cyflwyno eu hymatebion. 

Bydd yr wybodaeth bersonol a ddarperir gennych yn cael ei chadw er mwyn sicrhau bod yr addasiadau angenrheidiol yn cael eu gwneud o ran gofynion hygyrchedd, ac i sicrhau bod opsiynau bwyd priodol yn cael eu darparu ar gyfer unrhyw anghenion dietegol, yn ogystal ag ystyried a oes gofynion cyfieithu'n codi, os bydd 10% neu fwy o'r mynychwyr yn nodi'r Gymraeg fel eu dewis iaith.   

Bydd eich manylion cyswllt yn cael eu defnyddio i anfon rhagor o wybodaeth atoch cyn y gweithdy. Ni fydd yn bosibl i Lywodraeth Cymru na chynrychiolwyr eraill weld unrhyw wybodaeth bersonol fel rhan o'r gweithdy gan y bydd gohebiaeth yn cael ei hanfon gan ddefnyddio mesurau sy'n cadw cyfeiriadau e-bost a gwybodaeth bersonol yn ddiogel.

Ni, sef Llywodraeth Cymru, fydd y rheolydd data ar gyfer y data personol y byddwch yn eu darparu. Mae hyn yn sicrhau bod yr holl fesurau'n cael eu defnyddio i ddiwallu eich gofynion hygyrchedd, eich anghenion dietegol, eich dewisiadau ynghylch ffotograffiaeth yn y digwyddiad, a'r defnydd o luniau yn y dyfodol. Yn ogystal â hyn, byddwn yn ystyried eich dewis o ran iaith.  Byddwn yn defnyddio'r data hyn wrth gynllunio ar gyfer y diwrnod, ac i sicrhau bod eich anghenion yn cael eu diwallu. 

Rydym yn gofyn am fanylion eich sefydliad er mwyn helpu i sicrhau bod cynrychiolaeth deg o sectorau yn bresennol yn y digwyddiad. Ein sail gyfreithlon ar gyfer prosesu'r wybodaeth hon yw ein buddiant cyfreithlon mewn cynnal digwyddiad cynrychiadol ac amrywiol. 

Bydd Llywodraeth Cymru yn cadw manylion cyswllt cyfranogwyr, ac unrhyw wybodaeth a anfonwyd atynt gan gyfranogwyr, nes bod y gweithdy wedi'i gwblhau.

Ni fydd yr wybodaeth yn cael ei rhannu y tu allan i Lywodraeth Cymru.

O dan y ddeddfwriaeth diogelu data, mae gennych yr hawliau canlynol: 

• gweld y data personol y mae Llywodraeth Cymru yn eu cadw amdanoch;
• ei gwneud yn ofynnol inni gywiro gwallau yn y data hynny
• gwrthwynebu neu gyfyngu ar brosesu’r data (o dan rai amgylchiadau)
• gofyn am i’ch data gael eu ‘dileu’ (o dan rai amgylchiadau)
• cyflwyno cwyn i Swyddfa’r Comisiynydd Gwybodaeth (ICO), sef ein rheoleiddiwr annibynnol ar gyfer diogelu data. 

Dyma fanylion cyswllt Swyddfa’r Comisiynydd Gwybodaeth:

Am ragor o fanylion am yr wybodaeth y mae Llywodraeth Cymru yn ei chadw a'r defnydd ohoni, neu os ydych chi'n dymuno arfer eich hawliau o dan GDPR y DU, gweler y manylion cyswllt isod: