Llwybr Coedwig Cymru

Rhan beilot oddeutu 80km o Lwybr Coedwig Cymru gydag arwyddbyst sy’n eich cysylltu gyda rhai o’n safleoedd Coedwig Genedlaethol yn Ne Cymru.

Fe welwch yr amrywiaeth o goetiroedd a choedwigoedd, o goed llydanddail cymysg i goedwigoedd cynhyrchiol – rhywbeth i'r teulu ei fwynhau, rhywbeth i bobl sy'n hoff o natur a'r rhai sy'n chwilio am antur ar droed, ar olwynion neu garnau! ....... mae'r daith yn dechrau nawr....

Ynglŷn â'r llwybr

Y rhan beilot hon o Lwybr Coedwig Cymru yw’r cam cyntaf yn ei ddatblygiad ehangach ar draws Cymru - prosiect uchelgeisiol i ddatblygu Llwybr coedwig sy’n cysylltu ein Safleoedd Coedwig Cenedlaethol ledled Cymru.

Mae'r llwybr hwn yn dilyn Rhwydweithiau Hawliau Tramwy presennol ac yn darparu amrywiaeth o olygfeydd o'n coetiroedd a'n coed, o fod o dan orchudd canopi coed i olygfeydd anhygoel o'n tirweddau coedwigaeth.

Bydd gwaith pellach yn cael ei wneud i ddatblygu'r llwybr a byddwn yn parhau i ddiweddaru'r wefan hon.

Ni all fideos YouTube gael eu dangos

Nid yw JavaScript yn rhedeg yn eich porwr felly ni allwch wylio’r fideo yma. Dylech alluogi JavaScript neu ddefnyddio porwr gwahanol.

Dewch o hyd i’ch llwybr

Parc Gwledig Porthceri i Goedwig Hensol

Gan ddechrau ar hyd yr arfordir, ymgollwch yn y coetir a chrwydrwch drwy un o’r rhannau mwyaf amrywiol.

Coedwig Hensol i Goedwig Llantrisant

Gallwch archwilio cymysgedd o goetiroedd gwledig a threfol, gyda phob un yn cynnig rhywbeth unigryw ar hyd y llwybr.

Coedwig Llantrisant i Nant y Moel

Darn o’r llwybr sy’n addas i feiciau gan ddilyn Rhwydwaith Beicio Cenedlaethol 4 ac 883.

Nant y Moel i Bont Walby

Mwynhewch olygfeydd panoramig eang cyn cychwyn i ardal fwyaf coediog y llwybr.

Map o Lwybr Coedwig Cymru

Efallai na fydd y map yn hygyrch i bob defnyddiwr. Os oes angen fersiwn fwy hygyrch o’r map hon arnoch, e-bostiwch digidol@llyw.cymru.

Allwedd y map

Image	Porthceri i Goedwig Hensol	Image	Hensol i Goedwig Llantrisant
Image	Llantrisant i Nant y Moel	Image	Nant y Moel i Bont Walby
Image	Coedwig Genedlaethol i Gymru	Image	Llwybr Coedwig Cymru: dechrau / diwedd adran