Cyfyngu ar werthu diodydd egni sy'n uchel mewn caffein i blant yng Nghymru – Gorfodi

Ymgynghorodd y Llywodraeth Cymru flaenorol ar gynigion i wahardd gwerthu diodydd egni sy'n uchel mewn caffein i blant o dan 16 oed yng Nghymru, a chynhaliodd Alwad am Dystiolaeth yn ddiweddarach. 

Ar ôl ystyried y dystiolaeth a'r ymatebion a ddaeth i law mae'r Llywodraeth Cymru bresennol wedi penderfynu bwrw ymlaen â'r cynigion hyn.

Roedd ymgynghoriad 2022 yn gofyn am farn ar isafswm oedran gwerthu ar gyfer diodydd egni sy'n uchel mewn caffein, y cynhyrchion a’r busnesau o fewn cwmpas gwaharddiad a’r amgylcheddau lle byddai gwaharddiad yn berthnasol, gan gynnwys peiriannau gwerthu. 

Dangosodd yr ymgynghoriad gefnogaeth gan y mwyafrif i gyfyngiadau ar werthu diodydd egni uchel mewn caffein i blant. Roedd yr Alwad am Dystiolaeth ddilynol yn darparu tystiolaeth ychwanegol a oedd yn cefnogi’r cyfeiriad polisi yn fras ond gan nodi nifer o ystyriaethau gweithredu a gorfodi.

Rydym ni bellach yn ymgynghori i geisio barn ar gynigion ynghylch gweithredu a sut i orfodi gwaharddiad, gan gynnwys asesu cydymffurfiaeth, gwirio oedran, sancsiynau a monitro.