Beth ry’ ni’n edrych am yw pobl gyda’r agwedd cywir. Pobl sy’ eisiau dysgu sy’n brwdfrydig am y pwnc am dysgu am ‘neud y gwaith.
‘Da ni ddim yn disgwyl i chi ddod i fewn gyda gwybodaeth am y pwnc ac yn gwybod beth i wneud gyda’r sgiliau i gyd. Ein swydd ni yw i ddysgu hwnna i chi
Dwi’n y Rheolwr Sgiliau a Gweithlu a dwi’n gyfrifol ar gyfer y prentisiaeth a edrych ar ôl y Prentisiaid i gyd a gwneud yn siŵr bod nhw’n cael y profiad ry’ ni eisiau eu datblygu nhw pan mae’n nhw’n dod mewn i’r Llywodraeth ac i’r proffesiwn digidol, data, technoleg yn benodol.
A ni’n gweithio yn galed o fewn yr wythnos cyntaf lle ni’n datblygu perthynas gyda’r prentisiaid i gyd i ddeall eu profiad nhw cyn dod i fewn i’r llywodraeth - i ddeall pa sgiliau sy’ gyda nhw, pa diddordebau sy’ gyda nhw
Ni’n dod i nabod y prentisiaid fel bod ni’n gallu helpu nhw a bod nhw gyda’r perthynas bod nhw’n gwybod pwy ydyn ni,
Trwy gydol y prentisiaeth wedyn felly os mae unrhyw problem neu unrhyw beth sy’n pryderu nhw bod nhw’n gallu dod ato ni
Ni’n gallu rhoi y sgiliau i chi, ni’n gallu rhoi’r gwybodaeth i chi a cael yr agwedd yna yn gywir ar dechrau sy’n bwysig i helpu gyda setlo pobl i mewn a cael nhw i mewn i'r swyddi cywir hefyd.
Mae’r gallu i siarad Cymraeg ma’ fe’n sgil arbennig a ry’ ni’n falch iawn o gael pobl sy’n gallu siarad Cymraeg
Mae lot o bobl yn anhyderus o gwmpas eu Cymraeg falle ddim wedi dim wedi defnyddio fe yn aml iawn neu heb cael lot o ymarfer yn ddiweddar, wedi gadael ysgol a symud ‘mlaen a dim wedi defnyddio fe cymaint.
Yr unig bryd ry’ ni’n mynd i brofi’ch Cymraeg yw os bod e yn dweud ar y swydd fod e’n angenrheidiol i siarad Cymraeg ar gyfer y swyddi hynny mae’n rhaid i ni profi e tamaid bach i weld bo’ chi’n gallu siarad Cymraeg.
Ond heblaw am ‘ny allwch chi dewis i wneud eich cais drwy’r Cymraeg neu Saesneg. Gallwch chi wneud eich cais yn Saesneg a dal fod yn rhugl yn y Gymraeg – dwi’n neud hynny.
Y pwynt yw i chi fod yn gyfforddus a gallu ‘neud eich gorau
Eich datblygiad chi yw e ar diwedd y dydd – ni yma i gefnogi. Ry’ ni’n edrych i gadw cymaint o bobl a ni gallu o fewn proffesiwn.
Felly bob cam o’r ffordd i ni yma i’ch helpu chi ffeindio’ch ffordd trwy hynny.
