Beth rydym yn ei wneud
Trwy Ddeddf yr Amgylchedd 2016, cafodd Gweinidogion Cymru y pŵer i ddiddymu Pwyllgor Rheoli Perygl Llifogydd Cymru a sefydlu Pwyllgor newydd sef y Pwyllgor Llifogydd ac Erydu Arfordirol.
Cynnwys
Mae’r Pwyllgor Llifogydd ac Erydu Arfordirol yn cynghori ar bob agwedd o waith rheoli perygl llifogydd ac erydu arfordirol yng Nghymru, ac yn cefnogi Gweinidogion Cymru a’r holl awdurdodau rheoli perygl Cymru.
Cefndir i’r pwyllgor
Trwy Ddeddf yr Amgylchedd 2016, cafodd Gweinidogion Cymru y pŵer i ddiddymu Pwyllgor Rheoli Perygl Llifogydd Cymru a sefydlu pwyllgor newydd sef y Pwyllgor Llifogydd ac Erydu Arfordirol.
Crëwyd Pwyllgor Llifogydd ac Erydu Arfordirol ar 14 Gorffennaf 2017.
Swyddogaeth y Pwyllgor
Mae'r Pwyllgor yn helpu cyfathrebu rhwng sector rheoli perygl llifogydd ac erydu arfordirol yng Nghymru a Gweinidogion Cymru. Mae cysylltiadau’r pwyllgor â'r holl sefydliadau perthnasol yn ei alluogi i brosesu data, gwybodaeth a ffeithiau a throi'r rhain yn gyngor effeithiol i Weinidogion Cymru.
Aelodaeth
Mae Martin Buckle yn Gadeirydd y Pwyllgor Rheoli Perygl Llifogydd ac Erydu Arfordirol. Mae'r 14 aelod arall yn cynrychioli nifer o sectorau a sefydliadau, gan gynnwys Cyfoeth Naturiol Cymru, prifysgolion, awdurdodau lleol, y diwydiant dŵr a busnesau sy'n meddu ar arbenigedd technegol. Bydd yr aelodau yn y swydd rhwng 1 Ebrill 2019 a 31 Mawrth 2022. Rhagor o wybodaeth am benodiadau cyhoeddus.
| Enw | Sefydliad | Sector |
|---|---|---|
| Jeremy Parr | Cyfoeth Naturiol Cymru | Cyfoeth Naturiol Cymru |
| Darren Thomas | Cyngor Sir Penfro | Awdurdod Llifogydd Lleol Arweiniol – y De-orllewin |
| Geraint Edwards | Cyngor Bwrdeistref Sirol Conwy | Awdurdod Llifogydd Lleol Arweiniol – y Gogledd |
| Andrew Stone | Cyngor Bwrdeistref Sirol Rhondda Cynon Taf | Awdurdod Llifogydd Lleol Arweiniol – y De-ddwyrain |
| Jean-Francois Dulong | Cymdeithas Llywodraeth Leol Cymru | Cymdeithas Llywodraeth Leol Cymru |
| Dominic Scott | Dŵr Cymru | Dŵr |
| Lorna Davis | Undeb Cenedlaethol yr Amaethwyr | Amaethyddiaeth |
| Catherine Wilson | Prifysgol Caerdydd | Prifysgolion |
| Karen Potter | Y Brifysgol Agored | Prifysgolion |
| Paul Blackman | Wallingford Hydro | Sefydliadau |
| Mike Wellington | WSP Consultancy | Sefydliadau |
| David Harris | Ymgynghorydd, cyn-aelod o Awdurdod Llifogydd Lleol Arweiniol | Gweithiwr proffesiynol rheoli perygl llifogydd ac erydu arfordirol |
| Natalie Haines | Mott McDonald | Gweithiwr proffesiynol rheoli perygl llifogydd ac erydu arfordirol |
| Anne-Marie Moon | JBA Consulting | Gweithiwr proffesiynol rheoli perygl llifogydd ac erydu arfordirol |