Daeth yr ymgynghoriad i ben 27 Hydref 2025.
Adolygu ymatebion
Mae ymatebion i'r ymgynghoriad hwn yn cael ei adolygu ar hyn o bryd. Bydd manylion am y canlyniad yn cael eu cyhoeddi yma maes o law.
Ymgynghoriad gwreiddiol
Rydym yn ceisio eich barn ar newidiadau i'r cod ymarfer rhan 6 ar blant sy'n derbyn gofal a phlant sy'n cael eu lletya. Mae hyn yn cynnwys cynigion ar gyfer pennod newydd ar rianta corfforaethol o fewn y cod.
Disgrifiad o'r ymgynghoriad
Mae'r ymgynghoriad hwn yn ceisio barn ar y newidiadau arfaethedig i god ymarfer rhan 6 (plant sy’n derbyn gofal a phlant sy’n cael eu lletya) Deddf Gwasanaethau Cymdeithasol a Llesiant (Cymru) 2014.
Mae'r newidiadau yn cynnwys:
- pennod benodol ar rianta corfforaethol, a fydd yn ehangu ar y canllawiau ar rôl yr awdurdodau lleol fel rhieni corfforaethol
- cryfhau llais y plentyn yn y broses o gynllunio gofal a chymorth a hefyd mewn perthynas â lleoliadau
- argymhellion gan blant â phrofiad o fod mewn gofal ar symud lleoliadau a chyfarfodydd adolygu
- diweddaru'r derminoleg a’r ddeddfwriaeth yn y fersiwn bresennol o’r cod a gyhoeddwyd ym mis Ebrill 2018
Bydd ail gam yr adolygiad o’r cod yn cael ei gynnal ddechrau tymor y Senedd nesaf a bydd yn cynnwys diweddariadau ar dai a digartrefedd, a'r rhai sy’n gadael gofal.
Dogfennau ymgynghori
Help a chymorth
Gellir gwneud cais am fersiynau o’r ddogfen hon mewn print bras, mewn Braille neu mewn ieithoedd eraill.