Rhoi ar waith Mesur Diogelwch Tân Domestig (Cymru) 2011

Ym mis Chwefror 2011 pasiodd Cynulliad Cenedlaethol Cymru Fesur Diogelwch Tân Domestig (Cymru) 2011. Mae’r Mesur yn ein galluogi i gyflwyno rheoliadau fydd yn ei gwneud hi’n orfodol gosod systemau atal tân mewn tai newydd a thai wedi’u haddasu.

Beth yw’r broblem?

Mae nifer y bobl sy’n cael eu lladd neu eu hanafu mewn tanau yn eu cartrefi yn dal i fod yn rhy uchel ac rydym am leihau’r ffigur hwn.

Beth ydym ni’n ei gynnig?

Rydym yn cynnig gwneud newidiadau i Ran B o’r Rheoliadau Adeiladu a gosod y safonau technegol angenrheidiol drwy ddiwygio Rhifynnau 1 a 2 o Rhan B o’r Ddogfen Cymeradwyo Rheoliadau Adeiladu.

Mae’r ymgynghoriad hwn yn cynnwys cynigion ar gyfer y canlynol:

• rhoi’r rhan 1 o’r Mesur ar waith sef y rhan sy’n gwneud hi’n orfodol bod deiliad pob preswylfa sy’n dod o dan y rheoliad yn gosod system awtomatig ar gyfer atal tân sy’n gweithio’n effeithiol 
• gwneud newidiadau i’r Rheoliadau Adeiladu trwy gyflwyno rheoliad newydd er mwyn bodloni’r hyn y mae’r Mesur yn gofyn amdano
• gwneud newidiadau i rifynnau 1 a 2 o Ran B o’r Dogfennau sydd wedi’u Cymeradwyo.