RPW Ar-lein: canllaw i gwsmeriaid: sut i ddefnyddio eich hafan

Hafan

Ar ol i chi gadarnhau eich bod wedi darllen ac wedi derbyn y Telerau ac Amodau, gosodwch eich Meysydd Busnes. Rydych chi nawr wedi mewngofnodi i'ch Cyfrif RPW Ar-lein. Y dudalen gyntaf y byddwch chi'n ei gweld yw eich tudalen gartref.

Bydd y faner groeso yn ymddangos:

Ar y gornel chwith uchaf:

• Enw'r person sydd wedi mewngofnodi; neu
• Cyfeirnod Cwsmer (CRN)
• Teitl Masnachu'r busnes

Ar y gornel dde uchaf:

• Eich proffil
  a)    Cyrchu neu greu CRN
  b)    Newid manylion mewngofnodi
   
• Iaith (Bydd y dudalen yn ymddangos yn yr iaith a nodwyd gennych wrth gofrestru.) Fodd bynnag, mae gennych yr opsiwn yma i newid rhwng ieithoedd wrth ddefnyddio RPW Ar-lein. 
  Noder: Os ydych chi'n newid yr iaith yma, ni fydd yn newid yr iaith a ffefrir gennych chi a nodwyd wrth gofrestru, ond os ydych chi'n nodi tudalen neu'n ychwanegu'r dudalen at ffefrynnau eich porwr, bydd y dudalen yn ymddangos yn yr iaith yr oeddech chi'n ei defnyddio ar yr adeg y gwnaethoch gadw'r dudalen)
• Gadael

Bydd gan eich Bar Dewislen Gwyrdd opsiynau i chi i'w dewis o gwymplen fel y gallwch weld neu wneud newidiadau i'ch manylion. 
Sylwch: fod yr opsiynau a ddangosir a'r gallu i ddiwygio ardaloedd yn y bar hwn yn dibynnu ar lefel y mynediad a roddir i chi gan weinyddwr y CRN.

1. Cartref – 
   a.    Bydd y Dudalen Gartref yn ymddangos.
2. Manylion fy CRN
   a.    Manylion y Cwsmer
   i.    Manylion Cyffredinol – Gweld a Diwygio Manylion Busnes.
   ii.    Cyfeiriadau – Gweld a Diwygio Cyfeiriadau sy'n ymwneud â'r Busnes.
   iii.    Meysydd Busnes – Gweld a diwygio Meysydd Busnes.
   b.    Rheoli Unigolion
   i.    Diwygio a gweld manylion yr holl unigolion sy'n gysylltiedig â'r busnes.
   c.    Hawliau – Rheoli a Gweld Hawliau o dan Gynllun y Taliad Sylfaenol sy'n ymwneud â'r busnes.
   i.    Gwybodaeth Ariannol - Gweld Manylion Banc sy'n ymwneud â'r busnes.
   ii.    Dewisiadau Ar-lein - Gweld a diwygio sut rydych chi'n derbyn hysbysiad am negeseuon newydd.
   d.    Rheoli Asiantwyr/ Undebau Ffermio – Gweld a diwygio Trydydd Partïon sy'n gallu gweithredu ar ran y busnes.
3. Tir
   a.    Mapiau sy'n ymwneud â rheoli tir, rheoli CPH a rheoli unrhyw hawliadau a wneir.
4. Gohebiaeth
   a.    Dogfennau – Gweld unrhyw ddogfennau sydd wedi'u lanlwytho neu eu lawrlwytho.
   b.    Negeseuon – Gweld unrhyw negeseuon a anfonwyd neu a dderbyniwyd.
5. Ffurflenni
   a.    Gweld, llenwi a chyflwyno ffurflenni yn electronig.
6. Contractau a Grantiau Bach
   a.    Contractau – Adolygu, cwblhau a chyflwyno contractau.
   b.    Grantiau Bach – Cwblhau datganiadau o ddiddordeb ar gyfer hawliadau Grantiau Bach.
   c.    Lanlwytho Dogfennau – Lanlwythwch ffotograffau wedi'u geo-dagio i gefnogi a hawlio grantiau neu gontractau.
7. Cynlluniau Coetir – Gweld a rheoli eich Cynlluniau Coetir.

Bydd eich tudalen Cartref hefyd yn dangos ardal Hysbysu mewn Glas i roi'r wybodaeth ddiweddaraf i chi.

Ar frig y 'Tudalen Gartref' byddwch yn gallu gweld y dogfennau diweddaraf a anfonwyd atoch (Dogfennau RPW) a'r dogfennau diweddaraf rydych chi wedi'u cyflwyno i RPW (Eich Dogfennau).

O dan yr adran hon mae'r gallu i Gofrestru gyda Cyswllt Ffermio (mae cael mynediad i'r adran hon yn dibynnu ar eich rôl o fewn y busnes).

Mae cornel chwith isaf y sgrin yn cynnwys adran gyda dolenni i'r ffurflenni mwyaf poblogaidd.

Mae gwaelod y sgrin ar y chwith yn cynnwys adran gyda dolenni i wasanaethau eraill sydd ar gael. Gweler crynodeb o'r rhestr gwefannau hyn isod:

1. BCMS - https://secure.services.defra.gov.uk/wps/portal/ctso
2. Gwybodaeth am ffermio a chynlluniau - https://www.llyw.cymru/grantiau-a-thaliadau-gwledig
3. TB mewn gwartheg - TB gwartheg | LLYW.CYMRU
4. Symudiadau ac adnabod anifeiliaid fferm - Cadw anifeiliaid
5. Cyswllt Ffermio - https://businesswales.gov.wales/farmingconnect/cy
6. Swyddfeydd Llywodraeth Cymru - https://www.llyw.cymru/swyddfeydd-llywodraeth-cymru
7. Grantiau'r Môr a Physgodfeydd - https://www.llyw.cymru/grantiaur-mor-a-physgodfeydd
8. EID Cymru - https://www.eidcymru.org/cy