Mae bod yn rhan o Goedwig Genedlaethol Cymru yn golygu bod yn rhan o rywbeth unigryw ar gyfer pobl Cymru.
Cynnwys
Beth yw Statws Coedwig Genedlaethol Cymru
Mae bod yn rhan o Goedwig Genedlaethol Cymru yn golygu bod yn rhan o rywbeth unigryw ar gyfer pobl Cymru. Bydd adeiladu rhwydwaith Coedwig Genedlaethol Cymru yn:
- gwella’r amgylchedd
- creu cyfleoedd economaidd
- helpu cymunedau i gysylltu gyda’r coetiroedd sy’n eu hamgylchynu, a’u gwerthfawrogi
Mae cael Statws Coedwig Genedlaethol Cymru yn rhoi’r canlynol i goetiroedd:
- cydnabyddiaeth fel coetir rhagorol
- cyfle i fod yn etifeddiaeth barhaus ar gyfer cenedlaethau’r dyfodol
- y cyfle i fod yn aelod o Rwydwaith Coedwig Genedlaethol Cymru
Coedwig Genedlaethol Cymru – Cynllun Statws
Ar 23 Mehefin 2023, fe wnaethom agor Cynllun Statws Coedwig Genedlaethol Cymru. Mae’r cynllun yn galluogi coetiroedd rhagorol i ymuno â rhwydwaith Coedwig Genedlaethol Cymru.
- gall unrhyw un sy'n berchen ar goetir neu'n rheoli coetir yng Nghymru wneud cais, gan gynnwys sefydliadau nid-er-elw a pherchnogion preifat.
- nid oes cyfyngiad ar nifer y coetiroedd fydd yn gallu derbyn Statws Coedwig Genedlaethol Cymru
- gallwch ymgeisio ar unrhyw adeg o’r flwyddyn, ond byddwn yn ystyried eich cais ar adegau penodol.
- rhaid ichi ddangos sut mae eich prosiect yn bodloni Canlyniadau perthnasol Coedwig Genedlaethol Cymru
- nid cyfle i gael cyllid yw'r Cynllun Statws. Mae ar gyfer safleoedd coetir sy'n barod i ymuno â Choedwig Genedlaethol Cymru
- mae cyllid ar gael drwy’r Grant Buddsoddi mewn Coetir ar gyfer:
- safleoedd sydd ddim yn bodloni’r Canlyniadau eto
- gwelliannau pellach i safleoedd sydd â Statws Coedwig Genedlaethol Cymru.
- gallwch drafod safleoedd arfaethedig gyda Swyddogion Cyswllt Coedwig Genedlaethol Cymru sydd wedi eu lleoli ar hyd a lled Cymru.
- mae Statws yn wirfoddol a bydd yr opsiwn gan safleoedd i adael Coedwig Genedlaethol Cymru ar unrhyw adeg.
Pwy all wneud cais
I fod yn gymwys i wneud cais, rhaid ichi:
- fod yn berchen ar goetir neu reoli coetir yng Nghymru,
- dangos sut mae’ch safle yn bodloni Canlyniadau Coedwig Genedlaethol Cymru
- bod â chynllun rheoli coetir yn ei le
Sut i wneud cais
Cyn cwblhau cais:
- rhaid ichi fod wedi siarad â Swyddogion Cyswllt Coedwig Genedlaethol Cymru. Gallwch gysylltu â nhw:
- drwy e-bost: StatwsCoedwigGenedlaetholCymru@cyfoethnaturiol.cymru
- ar y ffôn ar 0300 065 3000 (Llun-Gwener, 9am-5pm)
- dylech ymgyfarwyddo â Coedwig Genedlaethol Cymru - Cynllun Statws: canllawiau
- dylech ddarllen Coedwig Genedlaethol Cymru – Cynllun Statws: sut i lenwi eich ffurflen gais: canllawiau
- dylech sicrhau bod gennych ddealltwriaeth dda o ganlyniadau Coedwig Genedlaethol Cymru.
Gwneud cais am Statws Coedwig Genedlaethol Cymru.
Byddwn yn ystyried eich cais. Byddwn yn gwneud argymhellion i Weinidogion bob chwarter.
Os byddwch yn cael unrhyw broblemau wrth gwblhau neu gyflwyno eich cais, cysylltwch â ni:
- e-bost: StatwsCoedwigGenedlaetholCymru@cyfoethnaturiol.cymru
- ffôn: 0300 065 3000 (Llun-Gwener, 9am-5pm)
Anfonwch eich ceisiadau at flwch post StatwsCoedwigGenedlaetholCymru@cyfoethnaturiol.cymru, neu yn y post at:
Tîm Statws Coedwig Genedlaethol Cymru
Hwb Cwsmeriaid
Maes y Ffynnon
Penrhosgarnedd
Bangor
Gwynedd
LL57 2DW
Amserlenni a dyddiadau cau
Mae’r cynllun hwn yn gynllun treigl. Mae’r dyddiadau isod yn cynnwys blwyddyn gyntaf y cynllun.
- 23 Mehefin 2023: cynllun yn agor
- Medi 2023: dyddiad cau ar gyfer y cyfnod ymgeisio cyntaf
- Hydref 2023: cyhoeddi penderfyniad
- Rhagfyr 2023: dyddiad cau ar gyfer yr ail gyfnod ymgeisio
- Ionawr 2024: cyhoeddi penderfyniadau
- Mawrth 2024: dyddiad cau ar gyfer trydydd cyfnod ymgeisio
- Ebrill 2024: cyhoeddi penderfyniadau
- Mehefin 2024: dyddiad cau ar gyfer pedwerydd cyfnod ymgeisio
- Gorffennaf 2024: cyhoeddi penderfyniadau