Trawsgydymffurfio: cyfyngiadau ar ddefnyddio cynhyrchion amddiffyn planhigion (SMR 10) (2026)

Amcan y gofynion hyn yw sicrhau bod cynnyrch amddiffyn planhigion (plaladdwyr) yn cael eu defnyddio’n gywir a gofalu, o’u defnyddio,  nad ydyn nhw’n peryglu pobl, bywyd gwyllt na’r amgylchedd. Rhaid i bawb sy’n eu defnyddio ar eu tir gadw at y gofynion hyn.

Mae plaladdwyr, neu ‘cynhyrchion amddiffyn planhigion’ fel y’u gelwir hefyd, yn cael eu defnyddio i reoli plâu, chwyn a chlefydau. Mae enghreifftiau’n cynnwys pryfladdwyr, ffwngladdwyr, chwynladdwyr, gwenwyn lladd malwod a rheolwyr tyfiant planhigion.

Mae ffurfiau amrywiol ohonynt yn bod e.e. gronynnau solet, powdr neu hylif ac maent wedi’u gwneud ag un neu fwy o sylweddau actif wedi’u cymysgu â deunyddiau eraill.

• rhaid bod gan y Cynhyrchion Amddiffyn Planhigion gymeradwyaeth ddilys a rhaid i’r defnyddiwr fod wedi cael hyfforddiant a meddu ar dystysgrif benodol.
• rhaid bodloni’r amodau a’r rheolau ar label y cynnyrch, y gymeradwyaeth, y drwydded neu’r estyniad ar gyfer ei ddefnyddio
• dilynwch yr arferion gorau wrth amddiffyn planhigion gan gynnwys Cod Ymarfer ar gyfer defnyddio Cynnyrch Amddiffyn Planhigion (fel y’i diwygiwyd)
• cadwch gofnod pan fyddwch yn defnyddio Cynhyrchion Amddiffyn Planhigion. Mae hyn yn ofyn hefyd o dan SMR4. Dylai gynnwys manylion:
  • pryd – dyddiad ac amser trin
  • ble – lleoliad a maint y darn tir sy’n cael ei drin
  • pa gnwd sy’n cael ei drin
  • pam – rheswm dros drin
  • pa gynnyrch a ddefnyddiwyd – gan gynnwys rhif MAPP neu MAFF
  • faint sydd wedi’i ddefnyddio
  • y tywydd adeg rhoi’r driniaeth
  • unrhyw wybodaeth berthnasol

• i ofalu bod y Cynhyrchion Amddiffyn Planhigion yn cael eu defnyddio at eu pwrpas ac yn unol â’r label
• enghreifftiau o’r hyn y mae’r gofynion neu’r amodau yn ymwneud â nhw:
  • bod y cynnyrch cywir wedi’i ddefnyddio ar y cnydau priodol ac o dan yr amgylchiadau cywir
  • nad yw mwy na’r dôs mwyaf a ganiateir wedi’i roi
  • nad yw’r plaladdwr wedi’i roi yn amlach na’r hyn a ganiateir
  • bod y cynnyrch wedi’i roi ar yr adeg cywir
  • bod dillad amddiffyn wedi’u defnyddio
  • bod y cnwd wedi’i gadw o’r gadwyn fwyd am y cyfnod gofynnol
  • bod y plaladdwr wedi’i storio’n ddiogel (allan o afael plant, yn y cynhwysydd gwreiddiol ac wedi’i ddiogelu rhag rhew a rhag niweidio’r amgylchedd ac ati)
  • bod y cynnyrch yn cael ei daflu’n ddiogel (rinsio’r cynhwysydd deirgwaith; ychwanegu golchion at y chwistrellydd wrth ei lenwi ac ati

Yn ogystal â’r gofynion uchod sy’n ymwneud â Thrawsgydymffurfio, er mwyn cadw at y gyfraith, rhaid ateb y gofynion canlynol:

• os yw’ch gwaith yn ymwneud â Chynnyrch Amddiffyn Planhigion, rhaid ichi gydymffurfio â Rheoliadau Rheolaethau Swyddogol (Cynnyrch Amddiffyn Planhigion) 2020. Bydd hyn yn cynnwys cofrestru gydag awdurdod cymwys. Bydd Defra’n casglu’r wybodaeth ar ran Llywodraethau Cymru a’r Alban. Gallwch gofrestru yma: Professional plant protection products (PPPs): register as a user (ar gov.uk)
• bydd yn rhaid i unrhyw un sy’n gwasgaru Cynnyrch Amddiffyn Planhigion proffesiynol gwblhau hyfforddiant a meddu ar dystysgrif benodol. Mae hyn yn cynnwys contractwyr rydych yn eu cyflogi i weithio ar eich fferm
• mae’n rhaid profi offer gwasgaru Cynnyrch Amddiffyn Planhigion, fel chwistrellwyr bŵm a ‘weed wipers’, o dan y Cynllun Cenedlaethol Profi Chwistrellwyr (NSTS) cyn eu bod yn 5 oed. Ar ôl 5 mlynedd, dylid cynnal profion yn rheolaidd, naill ai bob 3 neu 6 blynedd, yn dibynnu ar y math o offer. Rhaid gwirio sachau cefn, chwistrellwyr llaw ac offer cerdded gyda llai na 3 olwyn yn rheolaidd hefyd. Cofiwch gadw cofnodion cyfredol o arolygiadau, gwiriadau ac atgyweiriadau.
• dylech chwistrellu ond pan mae’r tywydd yn addas i leihau’r perygl o’r sgeintiad yn drifftio. Mae’r gyfraith yn pennu bod rhaid cadw at yr ardal darged wrth chwistrellu plaladdwyr

• gweler Sylfaen reoleiddio’r SFS: cysylltiadau defnyddiol (2026)
• cewch fwy o wybodaeth am gynnyrch sydd wedi’u caniatáu a’u hawdurdodi ar hse.gov.uk
• cewch fwy o wybodaeth am storio plaladdwyr ar daflen wybodaeth yr HSE ‘Guidance on storing pesticides for farmers and other professional users’ (ar hse.gov.uk)
• gweler 'Code of Practice for using Plant Protection Products’ (ar hse.gov.uk)
• ceir enghraifft o’r daflen ‘Cofnod defnyddio plaladdwyr’ ar ein wefan
• mae manylion y gofynion ar gyfer archwilio offer defnyddwyr plaladdwyr i'w cael ar ein wefan