Uned Adolygu Caffael Cymru - Gwasanaethau Adborth: Hysbysiad preifatrwydd

Bydd angen i Uned Adolygu Caffael Cymru gasglu rhywfaint o wybodaeth bersonol gennych os byddwch yn dewis defnyddio'r gwasanaeth adborth hwn. Llywodraeth Cymru fydd y rheolwr ar gyfer y wybodaeth hon, a byddwn yn ei phrosesu yn unol â'n tasg gyhoeddus a'r awdurdod swyddogol a roddwyd i ni.

Bydd y wybodaeth a ddarperir yn ein helpu i nodi meysydd i'w gwella ym maes caffael yn y sector cyhoeddus a sicrhau bod caffael yng Nghymru yn cydymffurfio â'r rheolau a nodir yn y ddeddfwriaeth gaffael.

Gellir rhannu data personol, lle bo angen, gyda swyddogion Llywodraeth Cymru, panel o arbenigwyr a benodir i ymchwilio i dorri rheolau cylchol, a, lle bo'n briodol, gyda'r awdurdod contractio Cymru sy'n gysylltiedig â'ch ymholiad.

Lle nad yw data personol wedi'i gael yn uniongyrchol gennych chi, efallai ei fod wedi'i ddarparu gan rywun a oedd yn ymateb i gais gan Uned Adolygu Caffael Cymru.

Os ceir gwybodaeth gan sefydliad nad yw wedi'i nodi uchod, byddwn yn gallu nodi a chadarnhau enw'r sefydliad hwnnw.

Bydd eich data personol yn cael ei gadw am gyfnod o dair blynedd o'r dyddiad y bydd eich pryder neu ymholiad wedi'i gwblhau.

Mae gennych yr hawl i ofyn am wybodaeth am sut mae eich data personol yn cael ei brosesu, ac i ofyn am gopi o'r data personol hwnnw.

Mae gennych yr hawl i ofyn am gywiro unrhyw anghywirdebau yn eich data personol heb oedi.

Mae gennych yr hawl i ofyn am gwblhau unrhyw ddata personol anghyflawn, gan gynnwys drwy ddatganiad atodol.

Mae gennych yr hawl i ofyn am ddileu eich data personol os nad oes cyfiawnhad mwyach dros eu prosesu.

Mae gennych yr hawl mewn rhai amgylchiadau (er enghraifft, lle mae cywirdeb yn cael ei herio) i ofyn am gyfyngu ar brosesu eich data personol.

Mae gennych yr hawl i wrthwynebu prosesu eich data personol lle caiff ei brosesu at ddibenion marchnata uniongyrchol.

Mae gennych yr hawl i wrthwynebu prosesu eich data personol.

Mae gennych yr hawl i ofyn am gopi o unrhyw ddata personol rydych chi wedi'i ddarparu, ac i hyn gael ei ddarparu mewn fformat strwythuredig, a ddefnyddir yn gyffredin ac y gellir ei ddarllen gan beiriant.

Am ragor o wybodaeth am y wybodaeth sydd gan Lywodraeth Cymru a'i defnydd, neu os ydych chi am arfer eich hawliau o dan y GDPR, gweler y manylion cyswllt isod: