Ystadegau'r Dreth Gwarediadau Tirlenwi: Ebrill i Mehefin 2018

Mae’r datganiad ystadegol hwn yn cyflwyno ystadegau swyddogol ar gyfer y Dreth Gwarediadau Tirlenwi.

Mae’r amcangyfrifon cychwynnol hyn yn rhai dros dro. Byddwn yn diwygio’r amcangyfrifon hyn pan fyddwn yn cyhoeddi’r ystadegau nesaf. 

Pwyntiau allweddol yn codi o'r datganiad ystadegol hwn

O ran deunydd a waredwyd fel gwastraff i safleoedd tirlenwi rhwng mis Ebrill a mis Mehefin:

• bu 407 mil o dunelli o warediadau awdurdodedig, ac o'r rhain trethwyd 127 mil o dunelli ar y gyfradd safonol; 154 mil o dunelli ar y gyfradd is; a’r gweddill wedi derbyn rhyddhad neu ddisgownt
• roedd y gwarediadau hyn yn golygu bod £11.7m o dreth yn daladwy, £11.3m o warediadau ar y gyfradd safonol a £0.4m ar y gyfradd is
• gwaredwyd 126 mil o dunelli o ddeunydd a dderbyniodd ryddhad neu ddisgownt, gan olygu rhyddhad treth o £0.3m

Yn ystod y cyfnod a gwmpesir gan y datganiad hwn, roedd 17 o weithredwyr safleoedd tirlenwi awdurdodedig yn cwmpasu 23 safle.