Addysg bellach, dysgu seiliedig ar waith a dysgu cymunedol: Awst 2020 i Orffennaf 2021

Yn ystod y cyfnod hwn, parhaodd pandemig y coronafeirws (COVID-19) i amharu ar y ddarpariaeth addysg.

Prif bwyntiau

• Yn ystod 2020/21, roedd yna 142,735 o ddysgwyr mewn sefydliadau addysg bellach (SAB), darparwyr dysgu oedolion neu ddarparwyr dysgu seiliedig ar Waith.
• Roedd 108,520 dysgwr unigryw mewn SAB, gostyngiad o tua 3% o gymharu â’r flwyddyn flaenorol.
• Roedd y gostyngiad hwn yn ymwneud yn llwyr â dysgwyr rhan-amser mewn SAB (i lawr 11%).
• Roedd nifer y dysgwyr llawn-amser mewn SAB wedi cynyddu 3%, a’r dysgwyr ar raglenni dysgu seiliedig ar waith mewn SAB wedi cynyddu 1%.
• Roedd 5,555 o ddysgwyr unigryw mewn dysgu oedolion. 
• Roedd cyfanswm nifer y dysgwyr ar raglenni dysgu seiliedig ar waith (gan gynnwys y rheini a oedd gyda darparwyr hyfforddiant eraill) wedi gostwng 1% o gymharu â’r flwyddyn flaenorol.
• Dechreuwyd tua 7% yn llai o raglenni dysgu prentisiaethau.

Nodyn

Mae’r datganiad ystadegol cyntaf hwn yn crynhoi data ar nifer y dysgwyr mewn addysg a hyfforddiant ôl-16, heb gynnwys y rheini mewn sefydliadau addysg uwch neu ysgolion ond gan gynnwys sefydliadau addysg bellach, darparwyr eraill dysgu seiliedig ar waith a darpariaeth dysgu oedolion a gasglwyd drwy Gofnod Dysgu Gydol Oes Cymru Llywodraeth Cymru.