Addysg bellach, dysgu seiliedig ar waith a dysgu cymunedol: Awst 2021 i Orffennaf 2022

Amharodd y pandemig Coronafeirws (COVID-19) ar y ddarpariaeth addysg o fis Mawrth 2020 ymlaen ac mae’n bosibl y bydd ei effaith yn parhau i gael ei weld yn ffigurau’r datganiad hwn.

Prif bwyntiau

• Yn ystod 2021/22, roedd yna 149,350 o ddysgwyr mewn sefydliadau addysg bellach (SAB), darparwyr dysgu oedolion neu ddarparwyr dysgu seiliedig ar waith.
• Roedd 119,300 dysgwr unigryw mewn SAB, cynnydd o tua 10% o gymharu â’r flwyddyn flaenorol.
• Roedd y cynnydd hwn yn bennaf yn sgil ag adferiad yn nifer y dysgwyr rhan-amser mewn SAB (i fyny 28%).
• Roedd nifer y dysgwyr llawn-amser mewn SAB wedi gostwng 5%, ond y dysgwyr ar raglenni dysgu seiliedig ar waith mewn SAB wedi cynyddu 7%.
• Roedd 10,440 o ddysgwyr unigryw mewn Dysgu Oedolion, 88% yn uwch na’r flwyddyn flaenorol, felly roedd ar ei lefel uchaf ers 2018/19. 
• Roedd cyfanswm nifer y dysgwyr ar raglenni dysgu seiliedig ar waith (gan gynnwys y rheini a oedd gyda darparwyr hyfforddiant eraill) wedi gostwng 15% o gymharu â’r flwyddyn flaenorol. Gellir egluro hyn yn rhannol yn sgil yr hyfforddiaethau a ddaeth i ben ym mis Mawrth 2022.
• Dechreuwyd tua 3% yn llai o raglenni dysgu prentisiaethau.

Nodyn

Mae’r datganiad ystadegol cyntaf hwn yn crynhoi data ar nifer y dysgwyr mewn addysg a hyfforddiant ôl-16, heb gynnwys y rheini mewn hefydliadau addysg uwch neu ysgolion ond gan gynnwys SAB, darparwyr eraill dysgu seiliedig ar waith a darpariaeth dysgu oedolion a gasglwyd drwy Gofnod Dysgu Gydol Oes Cymru Llywodraeth Cymru.