Arolwg Cyflwr Tai Cymru (prif ganlyniadau): Ebrill 2017 i Mawrth 2018

Lluniwyd sampl o gyfeiriadau wedi’u codi o aelwydydd a fyddai’n gymwys i gymryd rhan yn Arolwg Cenedlaethol Cymru 2017-18. Arweiniodd hyn at archwiliad ffisegol o 2,549 o gartrefi ledled Cymru, sy’n rhoi amcangyfrifon ar lefel cenedlaethol.

Mae’r canlyniadau pennawd yn cynnwys data ar nodweddion stoc dai, cyflwr tai a’r System Mesur Iechyd a Diogelwch ar gyfer Tai.

Mae yna hefyd dangosydd canlyniadau hawdd i’w ddefnyddio os hoffech chi archwilio’r canlyniadau ar ystod o bynciau.

Prif bwyntiau

• Ers yr arolwg diwethaf yn 2008, mae cyflwr tai ar draws pob deiliadaeth yng Nghymru wedi gwella.
• Mae gan Gymru'r stoc dai hynaf yn y DU, a rhychwant o fathau tebyg o dai.
• Mae cyfran yr anheddau yn y sector rhentu preifat wedi cynyddu'n sylweddol ers 1981. Y sector rhentu preifat ar y cyfan sydd â'r stoc o dai hynaf gan gynnwys y gyfran uwch o dai o ansawdd gwael (e.e. sy'n cynnwys lleithder a pheryglon eraill).
• At ei gilydd, tai cymdeithasol sydd o ansawdd gwell na thai preifat (eiddo i berchen-feddianwyr ac eiddo sy'n cael ei rentu'n breifat); yn ogystal â thai mwy newydd.
• Mae’r band effeithlonrwydd ynni cyfartalog wedi gwella o Fand E yn 2008 i Fand D yn 2017-18.