Beth yw Coedwig Genedlaethol Cymru

Dechreuodd rhaglen y Goedwig Genedlaethol yn 2020. Cyhoeddodd y Prif Weinidog ein hymrwymiad i greu rhwydwaith o goetiroedd ledled Cymru. 

Bydd y rhwydwaith yn:

• darparu lleoedd ar gyfer hamdden a natur
• helpu i ddal a storio carbon
• darparu pren - adnodd cynaliadwy ar gyfer adeiladu

Mae creu Coedwig Genedlaethol yng Nghymru yn ymrwymiad hirdymor, sy'n ymestyn dros ddegawdau lawer. 

Mae Coedwig Genedlaethol Cymru yn cynnwys coetiroedd sy'n dangos y canlyniadau canlynol: 

• coetiroedd gwydn o ansawdd da sydd wedi’u cynllunio a’u rheoli’n dda (hanfodol) 
• coetiroedd sy'n hygyrch i bobl 
• y gymuned yn cyfrannu at y coetiroedd 
• coetiroedd cysylltiedig 
• coetiroedd a choed deinamig, amlbwrpas 
• coetiroedd sy'n dangos dysgu, ymchwil ac arloesi

Gyda'n gilydd gallwn greu etifeddiaeth genedlaethol ar gyfer cenedlaethau'r dyfodol. 

Os dewch yn rhan o'r Goedwig Genedlaethol, byddwch yn derbyn

• cefnogaeth barhaus gan swyddog cyswllt rhanbarthol penodol
• pecyn croeso
• arwyddion y Goedwig Genedlaethol
• mynediad at rwydwaith Coedwig Genedlaethol Cymru.
  • mynediad at ddysgu ac arbenigedd 
  • ymweliadau â safleoedd y Goedwig Genedlaethol ledled Cymru i rwydweithio a rhannu gwybodaeth 
  • gweminarau rheolaidd ar-lein gyda safleoedd eraill y Goedwig Genedlaethol i rannu dysgu a chydweithio
• hyrwyddo eich coetir, er enghraifft drwy llyw.cymru a Croeso Cymru
• mynediad at luniau a fideos proffesiynol o'r Goedwig Genedlaethol 
• cymorth i wella cysylltedd coetiroedd, bioamrywiaeth a choridorau natur 
• y cyfle i fod yn rhan o Lwybr Coedwig Genedlaethol Cymru (os yn addas i chi a'ch safle)

Mae'r Goedwig Genedlaethol yn croesawu unrhyw un sy'n berchen ar goetir neu sy'n rheoli coetir yng Nghymru. Mae hyn yn cynnwys sefydliadau dielw a pherchnogion preifat. 

I fod yn gymwys i wneud cais, rhaid i chi ddangos sut mae eich safle yn bodloni canlyniadau Coedwig Genedlaethol Cymru.

Gallwch wneud cais drwy gynllun Statws Coedwig Genedlaethol Cymru. Siaradwch ag un o'n Swyddogion Cyswllt y Goedwig Cenedlaethol cyn i chi wneud cais.

Mae Coedwig Genedlaethol Cymru yn cynyddu. Mae'n cynnwys coetiroedd amrywiol o wahanol oedrannau, maint, lleoliadau a buddion.

Mae pob safle y Goedwig Genedlaethol yn mynd i'r afael â'r argyfyngau natur a hinsawdd ac yn cynnig coetir i Gymru am gyfnod maith. 

Erbyn hyn, mae'r rhwydwaith yn cynnwys dros 100 o goetiroedd. Mae hyn yn cynnwys 26 o flociau Ystad Goetir Llywodraeth Cymru (gyda dros 70 o safleoedd unigol) a 28 o goetiroedd nad ydynt yn berchen i'r Llywodraeth.  

Y safleoedd diweddaraf i ymuno â'r Goedwig Genedlaethol:

• Castle Copse
• Coedwig Cwm George a Casehill
• Castell y Waun
• Warren Wood
• Coed Rhyal
• Coedydd Dyffryn Penllergare

Darganfyddwch holl safloedd Coedwig Genedlaethol Cymru.