Sut mae'r rhaglen Goedwig Genedlaethol wedi datblygu yn 2022 a'r hyn sydd ar y gweill yn 2023.
Cynnwys
Camau wedi'u cwblhau o 2022
Yn 2022 gwnaethom:
Lansio peilot Fy Nghoeden Ein Coedwig.
Rhoddodd y rhaglen beilot, sy'n cael ei redeg gyda Coed Cadw, 5,000 o goed i gartrefi ledled Cymru.
Agorwyd ail rownd o Fy Nghoeden Ein Coedwig.
Rhoddodd ail rownd Fy Nghoeden Ein Coedwig 295,000 o goed eraill am ddim. Roedd y rownd hon hefyd yn cynnwys yr opsiwn i gael coeden wedi'i phostio i bobl neu ei phlannu ar gyfer pobl.
Lansio'r prosiect coeden Eco-ysgolion.
Cynhaliwyd y prosiect coed Eco-ysgolion mewn partneriaeth â Coed Cadw, Maint Cymru a Cadwch Gymru'n Daclus. Rhoddodd gyfle i 100 o ysgolion blannu coetir bychan ar eu tiroedd.
Lansio map rhyngweithiol Map Data Cymru.
Roedd map rhyngweithiol Map Data Cymru yn galluogi pobl i ddweud wrthym ble hoffen nhw weld mwy o goed yn cael eu plannu a choetiroedd yn cael eu creu ger eu cartrefi.
Penodi chwe Swyddog Cyswllt Coetiroedd.
Bydd Swyddogion Cyswllt Coetiroedd yn gweithio gyda safleoedd coetiroedd i'w cefnogi i ennill statws Coedwig Genedlaethol.
Dechrau cyfnod o ymgysylltu â rhanddeiliaid.
Cynnal seminarau yng Ngŵyl y Gelli, digwyddiad Cymru wledig a'r Sioe Frenhinol.
Ariannu naw prosiect drwy'r cynllun peilot Grant Buddsoddi mewn Coetir (TWIG).
Cafodd prosiectau gymorth ariannol i greu coetiroedd newydd neu wella coetiroedd presennol i fodloni canlyniadau'r Goedwig Genedlaethol.
Lansiwyd a chyflwynwyd dwy rownd o'r Grant Buddsoddi mewn Coetir.
Cynhaliwyd cynllun Grant Buddsoddi Coetir gyda Chronfa Treftadaeth y Loteri Genedlaethol. Roedd grantiau yn helpu i greu, adfer a gwella coetiroedd sydd â'r potensial i fod yn rhan o'r rhwydwaith Coedwig Genedlaethol yn y dyfodol.
Sefydlu gweithgorau Gorchwyl a Gorffen.
Sefydlwyd gweithgorau i ddylunio'r model cyflenwi a chynllun statws y Goedwig Genedlaethol.
Cyhoeddi tri safle i fod yn Goedlannau Coffa.
Bydd y safleoedd yn lleoedd i gofio'r rhai a gollodd eu bywydau i COVID-19 a gwydnwch y genedl trwy gydol y pandemig.
Cynigiwyd arian i dros 40 o brosiectau ar gyfer offer.
Drwy'r Cynllun Adfer Diwydiannau Coedwigaeth (FIRS) darparwyd cyllid ar gyfer offer.
Cyflwynwyd coeden goffa i'w Fawrhydi y Brenin.
Plannwyd y goeden gan Ei Fawrhydi, ym mhresenoldeb Prif Weinidog Cymru, yn Neuadd Erddig. Roedd y goeden yn un o 5 coeden ifanc Derw Pontfadog a dyfodd gan Erddi Kew a'u rhoi'n rhodd i'r diweddar Frenhines Elizabeth.
Y camau arfaethedig ar gyfer 2023
Yn 2023 rydym yn bwriadu:
Cwblhau ymgyrch Fy Nghoeden Ein Coedwig.
Bydd rownd nesaf ymgyrch Fy Nghoeden Ein Coedwig yn gweld hybiau'n agor ym mis Chwefror tan fis Mawrth.
Ariannu mwy o brosiectau drwy'r Grant Buddsoddi Mewn Coetir.
Mae tair rownd arall o arian grant drwy'r cynllun Grant Buddsoddi Mewn Coetir wedi'u cynllunio ar gyfer 2023.
Creu mwy o Goedwigoedd Bach.
Yn 2021 cyllidwyd y 5 coedwig fechan gyntaf gyda Cadwch Gymru'n Daclus.
Cydnabod mwy o Ystâd Coetir Llywodraeth Cymru fel Coedwig Genedlaethol.
Cyhoeddwyd 14 safle cyntaf y Goedwig Genedlaethol yn hydref 2020.
Lansio'r cynllun Statws Coedwig Genedlaethol.
Bydd y cynllun wedi'i anelu at berchnogion a rheolwyr coetiroedd fyddai'n hoffi dod yn rhan o'r rhwydwaith Coedwig Genedlaethol.
Cofrestrwch i gael y newyddion diweddaraf am raglen y Goedwig Genedlaethol
Os hoffech gael eich ychwanegu at restr bostio'r Goedwig Genedlaethol i gael yr wybodaeth ddiweddaraf cysylltwch â nationalforestwales@llyw.cymru.