Cofrestru llety ymwelwyr: canllawiau technegol - Marwolaeth, analluedd ac ansolfedd
Canllawiau manwl ar sut i gofrestru llety ymwelwyr i ddarparwyr llety ymwelwyr sy'n gweithredu yng Nghymru.
Ar y dudalen hon
Cynnal busnes perthnasol person arall
Caiff person (Person A) gynnal busnes perthnasol person arall (Person B), os bydd Person B:
- yn marw
- yn dod yn analluog
- yn dod yn destun gweithdrefnau ansolfedd, er enghraifft diddymiad, dod yn fethdalwr, neu fynd i ddwylo gweinyddwr
Ystyr busnes perthnasol yw busnes, neu ran ohono, lle mae person yn darparu, neu'n cynnig darparu, eiddo llety ymwelwyr yng Nghymru a’r person yw meddiannydd yr eiddo dan sylw.
Pan fydd person A yn cynnal busnes person B, rhaid iddynt hysbysu ACC o fewn 30 diwrnod ar ôl iddynt ddechrau cynnal y busnes i ddweud:
- bod person A yn cynnal y busnes
- y rheswm gwirioneddol fod person A yn cynnal y busnes
- dyddiad y digwyddiad a arweiniodd atynt yn cynnal y busnes, megis dyddiad marwolaeth person B
Ar ôl i ACC gael eu hysbysu, byddwn yn cyhoeddi hysbysiad i berson A, ac i berson B os yw'n briodol, yn cydnabod y bydd person A yn cael ei drin fel pebai’n berson B.
Newid amgylchiadau
Rhaid i Berson A roi rhybudd pellach i ACC pan:
- nad yw person B bellach yn analluog neu pan fo gweithdrefnau ansolfedd yn dod i ben, neu
- pan fo person A yn rhoi'r gorau i gynnal busnes person B
Bydd angen i'r hysbysiad gael ei roi o fewn 30 diwrnod i'r newid mewn amgylchiadau, a bydd rhaid iddo gynnwys gwybodaeth am y dyddiad y digwyddodd y newid mewn amgylchiadau.
Pan fo ACC yn fodlon bod newid wedi bod mewn amgylchiadau, ni fydd ACC bellach yn trin person A fel petai hwy yw person B. Bydd ACC yn cyhoeddi hysbysiad o'u penderfyniad i berson A, ac i berson B os yw'n briodol.