Cynllun gweithredu digidol i sector amgylchedd adeiledig Cymru

Cyhoeddodd Llywodraeth Cymru ei Strategaeth Ddigidol i Gymru yn 2021. Roedd y strategaeth yn rhoi ffocws o’r newydd ar flaenoriaethu’r Digidol ym mhob agwedd ar gymdeithas yng Nghymru. Yn dilyn ymarfer llwyddiannus diweddar yn y sector Amaethyddiaeth a arweiniodd at gynhyrchu Cynllun gweithredu tech-amaeth i Gymru, nodwyd bod y Sector Amgylchedd Adeiledig/Adeiladu yn sector â blaenoriaeth a fydd yn elwa’n sylweddol o fabwysiadu mwy o arloesedd a dulliau digidol.

Mae amrywiaeth eang o randdeiliaid wedi cyfrannu at gynhyrchu’r cynllun gweithredu hwn. Mae’r strategaeth yn cynnwys blaenoriaethau i’r sector sy’n ymwneud â defnyddio a mabwysiadu technoleg ddigidol, a chynlluniau posibl/arfaethedig i sicrhau newid. Pwrpas y cynllun gweithredu yw bod yn llais ar y cyd sy'n nodi blaenoriaethau clir a meysydd lle gall ymdrech ar y cyd ddatblygu’r prif faterion sy’n dylanwadu ar y sector a'r economi ddigidol ehangach.

Mae’r sector yn rhan annatod o Economi Sylfaenol Cymru ac mae’n ffactor allweddol yng Nghynllun Gweithredu Economaidd Cymru oherwydd ei gysylltiad â lle. Mae’n galluogi’r nodau llesiant a’r ffyrdd o weithio sydd yn Neddf Llesiant Cenedlaethau'r Dyfodol ac mae’n allweddol o ran arwain Cymru at economi wyrddach a sero net. 

Mae nifer o heriau’n effeithio ar y sector sy’n dylanwadu ar gynhyrchiant, ar effeithlonrwydd, ar broffidioldeb, ar ddiogelwch ac ar gynaliadwyedd. Mae'r rhain yn amrywio o'i elw isel, nodweddion tameidiog, dulliau gweithredu traddodiadol sydd wedi'u gwreiddio mewn ymddygiad cyfyngol, camau prosiect digyswllt, a lefelau amrywiol o ddealltwriaeth o dermau digidol a mabwysiadu technolegau digidol. Er mwyn gwella pethau, mae sbardunwyr Deddfwriaethol, Polisi a Diwydiant wedi arwain i gyfeiriad dyfodol sy’n fwy digidol, fel y gwelir yn y Ddeddf Diogelwch Adeiladau, Llawlyfr Adeiladu'r DU, BIM (Mandad Rheoli Gwybodaeth), y Rhaglen Gefeilliaid Digidol Genedlaethol, Strategaeth Ddiwydiannol y DU. Yn yr ecosystem fusnes, mae egwyddorion adeiladu diwydiannol sy’n cael eu harwain gan weithgynhyrchu wedi dechrau gosod y llwyfan ar gyfer safoni ac ailadrodd wrth i dechnoleg ddod yn rhan annatod o fodelau/strategaethau busnes ar y daith at drawsnewid digidol. Mae'r technolegau hyn yn newid siâp busnesau'r sector amgylchedd adeiledig/adeiladu drwy greu canlyniadau cyflymach, rhatach, mwy effeithiol a mwy diogel. 

Felly, mae gan dechnoleg ddigidol ran bwysig i'w chwarae o ran trawsnewid y sector o'r cychwyn cyntaf. Mae astudiaethau achos enghreifftiol Adeiladu Arbenigrwydd yng Nghymru yn tynnu sylw at bwysigrwydd amodau galluogi clir ac yn datgan bod caffael (rhan o ddull digidol) yn ffactor allweddol o ran pennu i ba raddau bydd cleientiaid yn elwa o gynhyrchiant, arloesedd, cydweithio, sgiliau a chadwyni cyflenwi profiadol. Mae rheoliadau, fel y Ddeddf Diogelwch Adeiladau (BSA), yn gyfle pwysig i reoli gwybodaeth yn well fel eco-system sy’n cael ei harwain gan safonau, yn cael ei chysylltu gan gydymffurfedd, ac yn cael ei gyrru gan dryloywder. Mae hi’n bosibl i dechnolegau a ddefnyddir ar draws y prosesau adeiladu wella cysylltedd, integreiddiad a chydweithrediad, prosesau a llifoedd gwaith; optimeiddio, awtomeiddio ac arwain at benderfyniadau gwell, gwella ymwybyddiaeth a thystiolaeth; monitro a meincnodi a hyfforddi ac uwchsgilio. Mae rheoli asedau ar sail data ac ar ôl meddiannu yn gallu arwain at fanteision trawsbynciol o ran sero net, diogelwch ac ail/uwchsgilio. 

Mae graddfa a dull yr effaith ddigidol yn enfawr ac mae teipoleg technolegau digidol y Sector Amgylchedd Adeiledig/Adeiladu yn amrywiol. At ddibenion cynnwys y cynllun gweithredu hwn a'r blaenoriaethau sy'n gysylltiedig â'r Economi Ddigidol yng Nghymru, mae'r ddogfen hon yn fframio bwriad a chwmpas Cynllun Gweithredu Digidol y Sector Amgylchedd Adeiledig/Adeiladu, yn unol â'r Cynllun Gweithredu Tech-Amaeth a'r Genhadaeth Economi Ddigidol ehangach yn y Strategaeth Ddigidol i Gymru lle ‘bydd y digidol yn chwarae rhan bwysig yn y broses o drawsnewid economi Cymru yn y tymor hwy’. Drwy ddigideiddio, mae'r cynllun gweithredu hwn felly'n hyrwyddo llwybrau ar gyfer trawsnewid digidol yn y sector amgylchedd adeiledig/adeiladu. Mae hyn yn cynnwys tynnu sylw at bwysigrwydd ymddygiad a diwylliant i lywio cysyniadau yn yr ecosystem ddigidol. Ysgogiadau economaidd sy’n cael yr effaith fwyaf: busnesau, prosiectau a phobl ar draws y broses adeiladu wrth i ddigideiddio symud ymlaen yn yr amgylchedd adeiledig, sy’n system ryng-gysylltiedig iawn o systemau hy systemau adeiledig, systemau naturiol, seiber-ffisegol.

Tirwedd ddigidol yng Nghymru

Mae'r diagram canlynol yn dangos y dirwedd technolegau digidol yng Nghymru.

Image

Math o dechnoleg a lefelau mabwysiadu (o leiaf i fwyaf (1 i 4))

Yn hysbysu data, dulliau digidol a rheoli gwybodaeth:

1. Gweithgynhyrchu atodol (argraffu 3D)
   1. Dulliau Arloesol
   2. Synhwyryddion
   3. Amgylcheddau Rheoledig
   4. Cofnodwyr
   5. Seilwaith Digidol Corfforol (CPI) – Dwylo Digidol
   6. Roboteg
   7. Llog Ddosbarthu
   8. Olrhain mewn Amser Real
   9. Dadansoddi Fideo
2. Technolegau Clyfar (Gwelladwy gan Deallusrwydd Artiffisial (Rhyngrwyd Pethau, Rhyngrwyd Gwasanaethau, Roboteg, Dronau Lidar, Dyfeisiau Digidol, CPI)
3. Efelychu, Ymgolli a Modelu (BIM, AR/VR/MR)
   1. Cofnodion Digidol: Pasbortiau Deunydd
   2. Rhwydweithiau Cellog (5g)
   3. Cynrychiolaeth Ddigidol a Rheoli Gwybodaeth
   4. Canfod Trosgloi
   5. System GIS
   6. Amgylcheddau Data Cyffredin
   7. Delweddu
4. Cyfrifiadura Cwmwl (gweinyddion, storfa, offer, gallu rhyngrwyd)

Dylanwad ar draws yr amgylchedd caniatáu, camau adeiladu, rheoli asedau a chyfnod ôl-symud 

• Cysylltedd, Integreiddio a Chydweithredu
• Optimeiddio, Awtomeiddio a Gwneud Penderfyniadau
• Ymwybyddiaeth a Chreu Tystiolaeth
• Hyfforddiant, Gwybodaeth a Sgiliau

Gyrrwyr budd

• Cynhyrchiant ac Effeithlonrwydd
• Diogelwch a Diogelwch, Cymhwysedd a Chydymffurfiaeth
• Cysylltu ac addasu i ddeddfwriaeth
• Llifoedd gwaith cadwyn gyflenwi a thryloywder
• Lleihau risgiau
• Cynaliadwyedd, Hinsawdd, net zero, pryderon gwerth cymdeithasol
• Arloesedd Ymchwil a Datblygu

Yn yr un modd â'r cynllun gweithredu tech-amaeth, nod y Cynllun Gweithredu Digidol i’r Sector Amgylchedd Adeiledig/Adeiladu yw cyflawni'r prif flaenoriaethau a amlinellir yn y Strategaeth Ddigidol i Gymru 2021. Yn benodol, mae'r bedwaredd genhadaeth, yr Economi Ddigidol, yn nodi blaenoriaethau cyffredinol sy'n cynnwys yr uchelgais i 'Sbarduno ffyniant economaidd a cydnerthedd drwy gynnwys a defnyddio arloesedd digidol'. Mae digidol yn y sector yn faes twf strategol i economi Cymru ac yn gyfle i wella effeithlonrwydd, cynhyrchiant a diogelwch y sector yn gyflym. Y weledigaeth yw manteisio at botensial technolegau digidol i wella effeithlonrwydd, cynhyrchiant, proffidioldeb, diogelwch a chynaliadwyedd fel y nodir yn y diagram canlynol.

Gweledigaeth a chenhadaeth cynllun gweithredu

Image

Gweledigaeth

Sector adeiladu/amgylchedd adeiledig elwog, effeithlon, cynhyrchiol, diogel ac cynaliadwy

Cenhadaeth

Manteisio ar botensial amgylchedd digidol adeiladu. 

• Rhoi gwybodaeth am yr amgylchedd yn ei alluogi
• Gyrru cyflawniad a mabwysiadu technoleg o gysyniad i gwblha
• Cefnogi ôl-feddiannaeth a rheoli asedau
• Darparu traws-tynnu: sero net, gwerth cymdeithasol a diogelwch a throsglwyddo sgiliau a gwybodaeth

Ar gyfer hyn, roedd Llywodraeth Cymru wedi comisiynu Adeiladu Arbenigrwydd yng Nghymru i wneud gwaith ymchwil a datblygu ar gyfer y Cynllun Gweithredu gan gynnwys manylebau 1-5 fel y rhestrir isod. Er nad yw'n astudiaeth gynhwysfawr, mae'n rhoi gwybodaeth sylweddol ac angenrheidiol i adeiladu sylfeini Cynllun Gweithredu Digidol y Sector Amgylchedd Adeiledig/Adeiladu.

1. Ymchwil desg i gyflwyno sbardunwyr, gofynion deddfwriaethol a rheoleiddiol fel y maent yn berthnasol i ddefnyddio a darparu technolegau digidol sy’n canolbwyntio ar y sector adeiladu fel BIM, Gefeilliaid Digidol, Seiberddiogelwch/Seibergadernid, a thechnolegau perthnasol eraill.
2. Mapio a choladu gwybodaeth sy'n ymwneud â lefelau presennol o aeddfedrwydd/mabwysiadu digidol yn y sector adeiladu yng Nghymru a chynlluniau neu weithgareddau gan y diwydiant neu randdeiliaid eraill sy'n hyrwyddo ac yn cefnogi mabwysiadu technolegau digidol yn y sector adeiladu.
3. Cyflwyno enghreifftiau o'r defnydd gorau o dechnolegau adeiladu digidol sy'n berthnasol i ddiwydiant adeiladu Cymru, neu arferion gweithio o'r fath, yn y DU ac yn rhyngwladol. Bydd hyn hefyd yn cynnwys enghreifftiau o unrhyw arbenigedd academaidd sydd gan Gymru yn y maes.
4. Cynnal a chydlynu cyfres o weithdai gyda rhanddeiliaid allweddol i archwilio ac i nodi heriau, blaenoriaethau, rhwystrau a chyfleoedd mawr o ran mabwysiadu technolegau sy'n canolbwyntio ar adeiladu a nodi blaenoriaethau cynnar i gyfrannu at sylfeini.
5. Cynhyrchu adroddiad sy'n cofnodi'r uchod i gyd ac sy'n cynnwys Cynllun Gweithredu Digidol drafft ar gyfer Adeiladu sy'n cynnwys blaenoriaethau i’r sector fel y maent yn berthnasol i ddefnyddio a mabwysiadu technolegau digidol a chynlluniau posibl/arfaethedig i sicrhau newid.  

Image

Mae’r Rhaglen Lywodraethu 2021-2026, a gyhoeddwyd ym mis Rhagfyr 2021, yn rhoi’r ymrwymiadau uchelgeisiol y bydd Llywodraeth Cymru yn eu cyflawni. Bydd creu a gweithredu Cynllun Gweithredu i’r Sector Amgylchedd Adeiledig/Adeiladu yn cyfrannu at sawl ymrwymiad sydd yn y Rhaglen Lywodraethu. Mae’r rhain yn cynnwys: 

• Darparu’r Strategaeth Ddigidol i Gymru
• Gwneud ein dinasoedd, ein trefi a’n pentrefi yn lleoedd gwell fyth i fyw a gweithio ynddynt
• Helpu meysydd allweddol o’n heconomi (a chadwyni cyflenwi) i arloesi, i dyfu, ac i leihau eu hôl troed carbon

Mae’r Genhadaeth Economaidd i Gymru, a gyhoeddwyd yn 2023, yn rhoi pedair blaenoriaeth genedlaethol y bydd y Cynllun Gweithredu yn cyfrannu atynt, gan gynnwys, ymysg rhai eraill:

• Galluogi diwydiant i ddod yn arweinydd byd-eang mewn gweithgynhyrchu carbon isel
• Datblygu cyfleoedd lleol i bobl ifanc
• Cryfhau’r economi sylfaenol
• Cefnogi arloesi a masnacheiddio, gan gynnwys i dechnolegau newydd sy’n esblygu’n gyflym, fel Deallusrwydd Artiffisial

Yn ogystal â'r Strategaeth Ddigidol i Gymru, y Rhaglen Lywodraethu a’r Genhadaeth Economaidd i Gymru, dyma'r meysydd polisi a strategaeth perthnasol y bydd y Cynllun Gweithredu i’r Sector Amgylchedd Adeiledig/Adeiladu yn cyfrannu atynt: 

• Deddf Diogelwch Adeiladau’r DU a Chymru
• Deddf Gwerth Cymdeithasol a Chaffael
• Deddf Llesiant Cenedlaethau’r Dyfodol
• Cymru Sero Net a Phontio Teg
• Economi Sylfaenol Cymru
• Economi Gylchol Cymru
• Gweithgynhyrchu i Gymru
• Strategaeth Arloesi Cymru
• Strategaeth Ddiwydiannol y DU
• Llawlyfr Adeiladu'r DU
• Safon Aur
• Tai, Ystad y Sector Cyhoeddus Datganoledig a Chartrefi Iach Iechyd Cyhoeddus Cymru
• Her Ysgolion Cynaliadwy
• Adeiladau am Oes y GIG

Mae nifer o sbardunwyr datblygiadau digidol yn y sector, ac mae eu perthnasedd yn amrywio yn ôl agendâu deddfwriaethol (ee: Diogelwch Adeiladau), pwysau yn y farchnad, camau cyflawni, parodrwydd i dderbyn risg a lefel y ffocws ar gynhyrchiant ac effeithlonrwydd (Dulliau Adeiladu Modern fel rhan o'r naratif adeiladu diwydiannol, ar y llwybr at sero net). Mae'r sbardunau a nodwyd yn cynnwys y rhestr isod, ymysg pethau eraill. Mae esboniad manylach o'r sbardunau hyn ar gael isod.

• Cynhyrchiant, Proffidioldeb ac Effeithlonrwydd
• Diogelwch, Cymhwysedd a Chydymffurfedd
• Deddfwriaeth
• Tryloywder y gadwyn gyflenwi
• Risgiau
• Cynaliadwyedd, hinsawdd, sero net, gwerth cymdeithasol 

Mae heriau a chyfleoedd amrywiol yn sail i ddarparu, i fabwysiadu ac i weithredu technolegau digidol yn llwyddiannus yn y sector. Mae’r rhain yn gallu cael eu dosbarthu fel Economaidd, Amgylcheddol a Chymdeithasol lle bydd gwelliannau ym mhob categori yn arwain at fudd i’r naill a’r llall. Dyma rai enghreifftiau:

Economaidd - Busnes, Prosiectau, Pobl:

• Cynyddu Cynhyrchiant ac Effeithlonrwydd – symud prosesau traddodiadol i Naratif Diwydiannol gydag egwyddorion safoni fel sydd yn y Safon Aur Adeiladu.
• Gwella Diogelwch, Cymhwysedd a Chydymffurfedd
• Gwella tryloywder y gadwyn gyflenwi
• Lleihau risgiau

Amgylcheddol a Chymdeithasol:

• Ymateb i bryderon am gynaliadwyedd, yr hinsawdd, sero net a gwerth cymdeithasol
• Adnoddau/Sgiliau
• Ymddygiadau
• Meddylfryd

Mae modd mynd i’r afael ag effaith y cynllun gweithredu hwn drwy heriau, sbardunwyr, cyfleoedd a rhwystrau’r sector ar sail pedwar maes allweddol:

1. Sicrhau bod yr amgylchedd galluogi yn iawn
2. Cyflawni’n well ar draws y camau cysyniad i’r cwblhau
3. Rheoli asedau ac ar ôl meddiannu yn well
4. Ffactorau trawsbynciol: Sero Net, Economi Gylchol, Llesiant Cenedlaethau'r Dyfodol, Gwerth Cymdeithasol a Diogelwch - Trosglwyddo Sgiliau a Gwybodaeth

Lle bydd defnyddio technolegau digidol yn ceisio:

• Uno'r sector, cyfiawnhau achosion busnes a gwella’r broses o wneud penderfyniadau drwy ddefnyddio canlyniadau a dulliau arferion gorau amserol sy'n seiliedig ar dystiolaeth
• Sicrhau arbedion effeithlonrwydd yn y sector ar draws oes y prosiect/adeilad gan sicrhau manteision i’r naill a’r llall
• Rheoli a chynnal a chadw asedau’r sector yn well a lleihau gwastraff
• Gwella effaith uniongyrchol y sector ar bobl ac ar y blaned drwy ddefnyddio adnoddau cyfyngedig yn effeithiol a sicrhau pontio teg at economi wyrddach 

Meysydd ac canlyniadau yn codi

1. Amgylchedd sy’n Galluogi drwy arweinyddiaeth strategol

Canlyniadau

Uno'r sector, cyfiawnhau achosion busnes a gwella'r broses o wneud penderfyniadau 

Heriau strategol

Nodweddion y Diwydiant: tameidiog ac ynysig, busnesau bach a chanolig yw’r mwyafrif gydag elw isel a buddsoddiad isel, dulliau traddodiadol ac ofn newid, dau fath o faes aeddfedrwydd digidol; y sector adeiladu a seilwaith

Blaenoriaethau a sbardunwyr

• Cydymffurfio â Deddfwriaeth – y Ddeddf Diogelwch Adeiladau (CDM, Tân) Rheoli Gwybodaeth,
• BE/C Parhaus Datganiad Polisi ar y Cyd, Diwygio Caffael,
• Sero Net, CE, SV, Strwythuro Data, Symud i adeiladu diwydiannol i alluogi Dulliau Adeiladu Modern

Cyfleoedd i fabwysiadu

• Arweinyddiaeth Gadarn, Caffael Seiliedig ar Werth, Amlygrwydd y Biblinell, Dangosyddion Perfformiad Allweddol Digidol - Nodau mesuradwy a rennir ar gyfer fframwaith digidol unedig,
• Ymwybyddiaeth sy'n seiliedig ar ganlyniadau,
• Safoni, Hyrwyddo gwerth y sector

Rhwystrau

Parodrwydd arweinwyr ac eglurder gofynion gwybodaeth, Ffocws cost isel, Safoni 

2. Cyflawni a mabwysiadu ar draws y camau

Canlyniadau

Sicrhau arbedion effeithlonrwydd yn y sector ar draws oes y prosiect/adeilad gan sicrhau manteision i’r naill a’r llall

Heriau strategol

Dull a Phrosesau Adeiladu: Aneffeithlonrwydd sydd eisoes yn bodoli yn y sector ar draws cylch bywyd prosiect/adeilad gyda buddion anodd eu deall

Blaenoriaethau a sbardunwyr 

Effeithlonrwydd a chynhyrchiant at yr Economi Werdd – llai o wastraff, dull polisi cydgysylltiedig Deddf Llesiant Cenedlaethau'r Dyfodol, llif gwaith y gadwyn gyflenwi a thryloywder

Cyfleoedd i fabwysiadu

Dull strategol cam cynnar sy’n canolbwyntio ar ganlyniadau gyda’r digidol wedi’i wreiddio, Cadwyni data, Meincnodi er cysondeb

Rhwystrau

Gallu a dealltwriaeth o gyfnewid gwybodaeth, Hyfforddiant ac uwchsgilio, Baich Risg uchel i fusnesau bach a chanolig

3. Ar ôl Cwblhau – Rheoli Asedau

Canlyniadau

Rheoli a chynnal a chadw asedau’r sector yn well a lleihau gwastraff

Heriau strategol

Llawer o aneffeithlonrwydd o ran rheoli a chynnal a chadw asedau'r sector 

Blaenoriaethau a sbardunwyr

Gwneud penderfyniadau sy'n sbarduno penderfyniadau buddsoddi gwell, Cynaliadwyedd a Sero Net

Cyfleoedd i fabwysiadu

Strwythuro data, gofynion gwybodaeth, eglurder a chymorth mabwysiadu   

Rhwystrau

Parodrwydd cleientiaid a'u gallu digidol i fonitro ac i reoli asedau 

4. Trawsbynciol: Sero Net, Economi Gylchol, Diogelwch, Gwerth Cymdeithasol

Canlyniadau

Gwella effaith uniongyrchol y sector ar bobl ac ar y blaned drwy ddefnyddio adnoddau cyfyngedig yn effeithiol a sicrhau pontio teg at economi wyrddach 

Heriau strategol

Effaith ar yr hinsawdd, adnoddau cyfyngedig, dibyniaeth ar ddeunyddiau crai yn gyrru costau, risgiau diogelwch

Blaenoriaethau a sbardunwyr

Cynaliadwyedd, Rheoli data, casglu data a rhyngweithredu data, Arloesedd Ymchwil a Datblygu

Cyfleoedd i fabwysiadu

Cynlluniau braenaru a pheilot, Cysylltiadau â’r byd academaidd ac arloesedd ymchwil 

Rhwystrau

Cysondeb meincnodau, olrhain y gadwyn gyflenwi ac eglurder gofynion

Sgiliau a Hyfforddiant: fel elfennau trawsbynciol sy'n bwydo i mewn i bob adran

Canlyniadau

Gwella effaith uniongyrchol y sector ar bobl ac ar y blaned drwy ddefnyddio adnoddau cyfyngedig yn effeithiol a sicrhau pontio teg at economi wyrddach 

Heriau strategol

Heriau o ran sgiliau a chymhwysedd gyda bylchau mawr mewn gwybodaeth a galluoedd, yn enwedig wrth fynd i'r afael â'r trawsnewid i ddulliau carbon isel

Blaenoriaethau a sbardunwyr

• Gwerth Cymdeithasol, Cynhyrchiant ac Effeithlonrwydd, Pontio Teg, Lleihau risgiau, Cynaliadwyedd, Cymhwysedd Diogelwch a Chydymffurfiaeth â deddfwriaeth

Cyfleoedd i fabwysiadu

Cysylltiadau â darparwyr, prifysgolion a busnesau sydd eisoes yn y sector    

Rhwystrau

Cymorth i fusnesau bach a chanolig yn hanfodol, Heriau ariannol i uwchsgilio, galluoedd digidol craidd ar goll a'r newid mewn ymddygiad sydd ei angen

Mae'r Sialensiau a'r Cyfleoedd i’r Sector yn cynnwys

Sicrhau bod yr amgylchedd galluogi yn iawn 

Mae nodweddion allweddol y sector adeiladu yn golygu ei bod hi’n anoddach mabwysiadu technolegau digidol a gweithio mewn ffordd effeithlon a thryloyw. Mae'r rhain yn cynnwys dulliau tameidiog, unigryw mewn modelau darparu traddodiadol, anghysondebau a byrhoedledd adnoddau ynghyd â phroses ddatganoledig sy'n symud yn araf ac y gellir ei gwreiddio mewn ymddygiadau cyfyngol, anhryloywedd hierarchaidd a biwrocrataidd a phroffiliau risg traddodiadol. Yng Nghymru, mae'r ffaith mai busnesau bach a chanolig yw’r mwyafrif yn ychwanegu rhagor o gymhlethdod, gan weithredu mewn risg isel a llai o elw. Mae gwelliannau mewn caffael, fframweithiau, amlygrwydd y biblinell a'r defnydd o gyfrifon banc prosiectau wedi cael eu nodi i sicrhau trawsnewid cadarnhaol sy'n cael ei arwain gan systemau a gosod y sector tuag at safoni fel rhan o weledigaeth tymor hirach o adeiladu diwydiannol sydd wedyn, fel enghraifft, yn caniatáu ar gyfer manteision cysylltiedig llawn Dulliau Adeiladu Modern. Fel rhan o hyn, mae’r Safon Aur Adeiladu yn rhoi fframwaith i wella arferion digidol ym maes caffael cyhoeddus yn y diwydiant adeiladu. Mae trawsnewid yr amgylchedd galluogi yn hanfodol ac yn gofyn am arweinyddiaeth gref gyda diwylliannau, sgiliau a galluoedd sy’n galluogi’n ddigidol - gan ddefnyddio ysgogiadau, fel caffael a chontractau mewn ffordd effeithiol hy eglurder gofynion, risgiau a rennir i reoli ansicrwydd sy'n cael ei sbarduno gan arloesedd, caffael sy'n seiliedig ar werth a phrosesau canolog gyda mynediad at ddata sy’n seiberddiogel. Mae angen sicrhau gwell penderfyniadau, gwybodaeth ac addysg ar werth a datblygu sgiliau lleol o ran sgiliau digidol craidd ar gyfer parodrwydd cleientiaid a gwell dealltwriaeth ar draws cadwyni cyflenwi. Er mwyn pontio'r bwlch sgiliau cynyddol, mae hi’n hanfodol dangos a hyrwyddo gwerth y sector drwy arferion gorau digidol. 

Darparu a mabwysiadu technoleg yn well o’r cysyniad i’r cwblhau

Mae hi’n hanfodol mynd i’r afael â’r dull gweithredu strategol yng nghyswllt dulliau a phrosesau adeiladu, gan gynnwys strategaethau digidol, ar y cam cynharaf. Ar lefel caffael, penderfyniadau strategol ar brosiectau/gweithredu, mae agweddau hanfodol yn cael eu colli ar gamau cynnar o’r fath sy'n effeithio ar oes gyfan y prosiect. Mae angen mynd ati’n well i sicrhau bod sicrhau bod prosesau caffael, penodiadau a gweithredu yn cynnwys strategaethau digidol er mwyn cyflawni’r ystod lawn o arbedion effeithlonrwydd a chynhyrchiant sy’n gallu lleihau costau. 

Mae’r ffordd mae gweithredu digidol yn gweithio’n gyffredinol yn y DU yn ymwneud â dau wahanol fath o aeddfedrwydd. Y sector adeiladu a'r sector seilwaith. Mae’r cyntaf yn fwy aeddfed, nid oes gan yr ail y sgiliau i dderbyn canlyniadau digidol sy’n plethu â’r angen am arweinyddiaeth gref a golwg unedig ar bob prosiect adeiladu lle mae pob un yn gweithredu’r un peth. Dylid cynnwys galluoedd lefel sylfaenol mewn tendrau fel gallu data, hygyrchedd a lefel o safoni. Mae hyn yn cynnwys gosod dangosyddion perfformiad allweddol digidol, nodi ymrwymiadau ffynhonnell agored a sicrhau bod data'n cael ei drosglwyddo'n ddidrafferth ar draws camau lle nad yw'r rhain wedi cael eu nodi'n glir o'r blaen, lle mae data'n cael ei golli neu ei reoli'n anghywir gan arwain at aneffeithlonrwydd ac ailadrodd. Mae angen meincnodi clir hefyd i sicrhau cysondeb mewn ymrwymiadau i ddangosyddion carbon isel a gwerth cymdeithasol sy'n cael eu gyrru drwy dechnolegau digidol. Mae pennu cydymffurfedd a chymhwysedd deddfwriaethol yn hollbwysig i gyflawni prosiectau, fel y Ddeddf Diogelwch Adeiladau. Mae’n faes pryder mawr i’r sector bod diffyg dealltwriaeth unedig o gydymffurfedd ymhlith sefydliadau’r diwydiant a chleientiaid sy’n gallu arwain at oedi gyda phrosiectau. Gyda system ganolog i asesu cymhwysedd gyda chymorth gan y llywodraeth a'r rhai sy'n is yn y broses o wneud penderfyniadau o'r fath, byddai modd bwydo'r system honno i gais safonol am wybodaeth i'r sector ymateb iddo wrth ddangos cydymffurfedd. Mae angen dull eco-system o gydymffurfio lle mae’r Ddeddf Diogelwch Adeiladau, CDM, risg tân yn cael eu hintegreiddio mewn porth cydymffurfio canolog. Yn y camau diweddarach, roedd yr heriau i weithredu yn amrywio o gategori'r cyflenwr, rhyngweithredu a chydnawsedd rhwng meddalwedd, perchnogaeth, atebolrwydd ac eiddo deallusol, rhannu’r arferion gorau, anghenion hyfforddi a darparu, cydweithio rhwng nifer o randdeiliaid, cymorth gan gwmnïau a chynlluniau cydgysylltiedig. Roedd yr heriau o ran lefel y defnydd yn deillio o fodelau proses cymhleth a oedd yn dibynnu ar arferion adeiladu traddodiadol mewn amgylchedd gyda nifer o randdeiliaid gyda lefelau amrywiol o ffactorau ymddygiadol ac ysgogol. Anhawster i fusnesau bach a chanolig wrth fabwysiadu technoleg, yn ogystal â phatrymau yn y diwydiant lle mae cynlluniau digidol ond yn cael eu mabwysiadu pan wneir cais amdanynt neu yn cael eu cychwyn gan reoliadau neu gleientiaid ar lefelau 'uwch' yn y gadwyn rhwydwaith. 

Rheoli asedau ac ar ôl meddiannu yn well

Mae gan gleientiaid asedau i'w rheoli lle mae digideiddio yn ddefnyddiol i gyfiawnhau achosion busnes a phenderfyniadau buddsoddi, gan ddarparu gwybodaeth amserol i arwain penderfyniadau, cyflawni ar gyfer y gost a'r effeithlonrwydd gan ganolbwyntio ar ddulliau carbon isel. Mae heriau strwythuro data yn dylanwadu'n fawr ar hyn ac yn gallu effeithio ar gynhyrchiant. Pan fydd data yn bresennol mewn modelau ond pan ddaw’n fater o drosglwyddo, mae anghysondebau mewn rheoli a thrin yn gallu arwain at oedi, gwastraff lle collir cynhyrchiant ar unwaith. Mae hi’n bwysig felly gwella gofynion gwybodaeth ac mae angen bod yn fwy rhagnodol wrth ofyn pa fformatau sydd eu hangen gan ymgynghorwyr, is-ymgynghorwyr i gyflwyno'r data hwnnw. Bydd eglurder ynghylch hyn yn helpu data i fod yn fwy strwythuredig, safonedig a chyflawni ar gynhyrchiant. Mae heriau seiberddiogelwch a hygyrchedd agored yn allweddol i wella'r gwaith o reoli asedau. Mae eiddo deallusol a pherchnogaeth arloesedd yn ffactor heriol arall sy'n gallu cyfyngu ar reoli effeithlon. Yn ogystal â hyn, mae diffyg sgiliau digidol perthnasol ar draws cylch bywyd prosiectau, sy'n rhwystr craidd i fabwysiadu ac i ddefnyddio platfformau technoleg a galluoedd digidol yn y dyfodol. Mae hyn yn arbennig o ddifrifol yn yr agwedd gofalu am asedau.

Mae'r meysydd a fydd yn elwa o ddigideiddio'r sector yn well yn cwmpasu ysgogiadau economaidd: busnesau, prosiectau a phobl:

O safbwynt busnesau - masnachol, arloesi ac ymchwil

Rhannwyd set gyffredin o nodau mesuradwy sy'n cynnwys fframwaith digidol unedig ledled Cymru ar gyfer prosiectau o bwys cenedlaethol (Seilwaith ac Adeiladau) i gyfrannu at ddulliau caffael cyson sy'n seiliedig ar werth a chontractau cydweithredol (fel Cynghreirio) gyda dangosyddion perfformiad allweddol digidol clir ar gyfer safoni, strategaethau data, rheoli gwybodaeth, hygyrchedd a diogelwch. Llwybrau rhannu risg i gydweithio ar arloesi ar y cyd â'r byd academaidd. Hyrwyddo’r manteision i’r diwydiant a’r gwerth sy'n deillio o ddigideiddio. Cydweithio â'r gadwyn gyflenwi fel rhan o gais fframwaith/sgorio cynnig i greu cadwyni cyflenwi cysylltiedig, i ddyfnhau dealltwriaeth o nodweddion sy'n benodol i sector Cymru hy cwmnïau mwy sydd ag elw uwch yn paratoi'r ffordd i fusnesau bach a chanolig sydd yn y mwyafrif i fabwysiadu technolegau digidol yn gyflym a chyllid uniongyrchol i fusnesau bach a chanolig ar gyfer arloesi a thyfu.

O safbwynt prosiectau - cyflawni cynhyrchiant

Cadarnhau bod dangosyddion perfformiad allweddol digidol yn strategaeth ddigidol cam cynnar sydd wedi'i gwreiddio fel rhan o gylch bywyd prosiectau, gan gynnwys ystyried rheoli asedau fel dull cyfannol. Data mynediad agored a chysondeb o ran cysylltedd data ar draws prosiectau a chamau. Meincnodi clir ar gyfer data amgylcheddol a gwerth cymdeithasol gyda dulliau cyson o fesur yn cael eu defnyddio ar draws y sector – iaith unedig o elfennau i'w cyflawni a gofynion cydymffurfio.

O safbwynt pobl - gallu, cymhwysedd a sgiliau

Pan fydd angen datblygu gallu a sgiliau amodau sy’n galluogi ar gyfer digideiddio, gan gynnwys ymhlith pethau eraill cymwyseddau cydymffurfio â deddfwriaeth gyfredol a deddfwriaeth sydd ar y gorwel fel y Ddeddf Diogelwch Adeiladau, gan sicrhau dull asesu cymhwysedd a rennir. Pontio'r bwlch sgiliau digidol craidd fel ffactor allweddol sydd wedi'i gynnwys fel rhan o'r darlun ehangach o ddatblygu galluoedd technoleg Cymru yn y dyfodol, gan ddod â chyrff diwydiant, cyrff prentisiaeth a sefydliadau academaidd at ei gilydd. Mae angen i weithwyr adeiladu proffesiynol y genhedlaeth hon a'r genhedlaeth nesaf fod wedi'u harfogi'n ddigonol i ddeall, i groesawu ac i wreiddio technoleg ddigidol yn y sector yn effeithiol.

O safbwynt amgylcheddol, gwerth cymdeithasol, diogelwch

Mae ymrwymiadau Llywodraeth Cymru i dargedau newid hinsawdd ac effeithiau hysbys arferion adeiladu/amgylchedd adeiledig ar yr amgylchedd a gwerth cymdeithasol yn golygu bod digideiddio'r amgylchedd adeiledig yn rhan hanfodol o'r darlun ehangach o ran gwerth cymdeithasol a thargedau amgylcheddol, monitro a newid. Mae hyn yn cynnwys dull gweithredu o fewn ecosystem o fynd i'r afael â chymhwysedd deddfwriaethol a rheoli gwybodaeth dan arweiniad cydymffurfedd sy'n ystyried system ganolog sy'n defnyddio dulliau safonol i reoli cydymffurfedd, er enghraifft Diogelwch Adeiladau, CDM, Diogelwch Tân. Mae hi’n eithriadol o bwysig bod manteision defnyddio datrysiadau priodol yn cael eu gwireddu er mwyn helpu i fynd i’r afael â heriau’r dyfodol sy’n gysylltiedig â symud i Sero Net Cymru, sy’n cynnwys pontio teg. 

Dull gweithredu:

Yn yr un modd â’r cynllun gweithredu tech-amaeth, ystyrir dull gweithredu sy’n canolbwyntio ar genhadaeth i gael effaith fesuradwy. Gallai'r nod o wella cymwysterau amgylcheddol a chymdeithasol drwy well cynhyrchiant helpu i ysgogi buddsoddiad cyhoeddus a phreifat yn nhechnoleg y sector amgylchedd adeiledig/adeiladu a dod â gweithgarwch tameidiog at ei gilydd o dan amcanion cyffredin. Bydd dull gweithredu sy'n canolbwyntio ar genhadaeth yn galluogi'r sector i ganolbwyntio ar y sbardunau, yr heriau, y cyfleoedd a'r risgiau craidd a datblygu sector cynhyrchiol cynaliadwy a all hefyd gefnogi'r her i liniaru yn erbyn newid hinsawdd a symud ymlaen ar uchelgeisiau Sero Net.

Bydd cyfuniad o bolisïau gwthio a thynnu yn cael eu defnyddio a fydd yn ceisio hybu cydweithrediad, defnyddio a mabwysiadu technolegau i wireddu potensial. Bydd y rhain yn cael eu datblygu yn unol â'r blaenoriaethau a nodwyd a'r cynlluniau arfaethedig yn cael eu dadansoddi yn ôl eu dibyniaethau a'r awydd i fwrw ymlaen. Edrychwch ar y Matrics Dibyniaethau a roddir i gefnogi’r ddogfen hon gyda’r gyfres lawn. Yn dilyn hyn, gellir defnyddio grŵp gorchwyl a gorffen mewnol i aeddfedu syniadau a datblygiad y cynllun. Bydd yn cynnwys rhanddeiliaid dethol o ddiwydiant a’r llywodraeth.

O dan y weledigaeth gyffredinol o fanteisio ar botensial Digidol yn y Sector Amgylchedd Adeiledig/Adeiladu yng Nghymru, mae'r pedair blaenoriaeth ganlynol wedi cael eu nodi:

1. Cyfrannu at yr Amgylchedd sy’n Galluogi - Uno’r sector, cyfiawnhau achosion busnes a gwella’r broses o wneud penderfyniadau drwy ddefnyddio technoleg ddigidol

Dull Arwain a Galluoedd Technoleg

• Cefnogi parodrwydd cleientiaid a gwella gofynion gwybodaeth sy'n cael eu gyrru gan ddulliau safonol
• Defnyddio ysgogiadau fel caffael, fframweithiau, contractau a phiblinellau, ffactorau cydymffurfio deddfwriaethol (ee y Ddeddf Diogelwch Adeiladau, CDM, Diogelwch Tân) i sbarduno canlyniadau digidol
• Gosod gwaelodlinau clir, nodau cyffredin ac archwilio posibilrwydd fframwaith digidol unedig
• Hyrwyddo arloesedd gydag enghreifftiau o arferion gorau lle mae technoleg ddigidol wedi gwella canlyniadau ar draws proffidioldeb, cynhyrchiant, effeithlonrwydd, diogelwch a chynaliadwyedd.
• Meithrin galluoedd technoleg amgylchedd adeiledig/adeiladu cynhenid Cymru drwy gymorth busnes, datblygu clystyrau a chatapwlt, trosglwyddo gwybodaeth, mewnfuddsoddi a chyllid i alluogi prawf o gysyniad a thyfu i faint masnachol

2. Darparu a mabwysiadu technoleg o’r cysyniad i’r cwblhau - Sicrhau arbedion effeithlonrwydd sydd wedi’u galluogi’n ddigidol ar draws oes bywyd prosiect/adeilad a chyflawni manteision i’r naill a’r llall

Mabwysiadu/Darparu ar draws camau adeiladu

• Cefnogi'r gwaith o fabwysiadu technolegau digidol sy'n cael eu harwain gan ganlyniadau yn gynnar drwy ddull gweithredu strategol digidol
• Defnyddio cynlluniau braenaru a phrosiectau peilot ar gyfer y digidol ar draws teipolegau
• Cefnogi gofynion deddfwriaethol sy'n cael eu cyflwyno
• Annog busnesau i fabwysiadu seiberddiogelwch
• Hyrwyddo’r arferion gorau ac astudiaethau achos ar gyfer dull gweithredu gwersi a ddysgwyd

3. Cefnogi Rheoli Asedau ac ar ôl meddiannu - Er mwyn gwreiddio rheolaeth sy’n cael ei arwain gan ddata a chynnal a chadw asedau sy’n gwneud gwelliannau ac yn lleihau gwastraff

Rheoli Asedau

• Datblygu dull gweithredu digidol strategol i reoli asedau sy'n cynnwys y potensial ar gyfer gofyniad gefell digidol
• Hybu mabwysiadu digidol mewn rheoli asedau drwy’r arferion gorau/gwersi a ddysgwyd
• Cefnogi'r gwaith o strwythuro data'n effeithiol gan ddefnyddio meincnodau

4. Cyflawni Gwaith trawsbynciol – Gwella'r effaith fesuradwy ar bobl ac ar y blaned, codi ymwybyddiaeth a symud at economi wyrddach sydd wedi'i galluogi'n ddigidol

Sero Net, Economi Gylchol, Llesiant Cenedlaethau'r Dyfodol, Gwerth Cymdeithasol a Diogelwch

• Cefnogi cynlluniau braenaru/ peilot ar fonitro amgylcheddol, gwerth cymdeithasol a llesiant
• Cefnogi technolegau sy'n pwysleisio manteision diogelwch
• Archwilio meincnodau ar gyfer dull safonol o gasglu data, rheoli data a rhyngweithredu data
• Cefnogi technolegau digidol traws-sector sy'n gyrru canlyniadau'r amgylchedd adeiledig
• Adeiladu marchnad deunyddiau lleol yng Nghymru drwy olrhain cynnyrch ar sail ddigidol

Trosglwyddo Sgiliau a Gwybodaeth

• Cefnogi hyfforddiant sgiliau digidol craidd sy'n seiliedig ar ganlyniadau a chysylltu â darparwyr presennol
• Datblygu ymchwil a datblygu digidol mewn partneriaeth â’r byd academaidd
• Codi ymwybyddiaeth o’r cyllid presennol ar gyfer cymwyseddau digidol i fusnesau bach a chanolig

Mae cyfraniad a mewnbwn gan nifer o randdeiliaid wedi arwain at ystod gynhwysfawr ac ategol o gynlluniau arfaethedig y cytunwyd arnynt gan y Gweithgor a'r Grŵp Cynghori Digidol ar yr Amgylchedd Adeiledig/Adeiladu. Wrth ddatblygu’r cynllun hwn defnyddiwyd cyfres o adroddiadau, papurau ac amcanion polisi sy’n cefnogi’r rhain. 

Cynllun Arfaethedig

1. Sicrhau cyllideb ar gyfer ymgyrch codi ymwybyddiaeth cleientiaid sy’n cyflwyno cyfres o weminarau/hyfforddiant/digwyddiadau ar gyfer gofynion strategol digidol
2. Ceisio sicrhau cyllideb ar gyfer Canolfan Wybodaeth sy'n cynnwys dogfennau canllaw digidol sydd eisoes yn bodoli, polisïau, mandadau, deddfwriaeth, grantiau ymchwil a datblygu, llyfrgell o arferion gorau ac astudiaethau achos o'r datrysiadau sydd ar gael
3. Cynhyrchu dull gweithredu digidol i Gymru sy'n cynnwys safon sylfaenol o ofynion gwybodaeth a rheoli asedau sy'n bwydo i mewn i fersiwn Gymraeg o Lawlyfr Adeiladu’r DU
4. Edrych ar ddatblygu System/Porth Cydymffurfio Ganolog i Gymru gyfan sy’n gysylltiedig ag awdurdodau sector cyhoeddus
5. Edrych ar opsiwn buddsoddiad sector yn y Mentrau sy’n cael eu cynnig ar hyn o bryd gan Fanc Datblygu Cymru i gefnogi busnesau technoleg adeiladu newydd, rhai cam cynnar a rhai sydd wedi hen ennill eu plwyf yng Nghymru
6. Sicrhau cyllideb am ymgyrch ymwybyddiaeth sy’n cyflwyno cyfres o weithdai, gweminarau a digwyddiadau ar fanteision technolegau digidol i brosiectau. (Yn gysylltiedig â phwynt 1)
7. Hyrwyddo Cyber Essentials Plus
8. Ceisio ailadrodd gofynion o ddeddfwriaeth sy'n cael ei chyflwyno ar gyfer adeiladau uchel iawn ar draws pob adeilad trefol arall
9. Hyrwyddo Ysgol Cynaliadwyedd y Gadwyn Gyflenwi a sicrhau bod ei darpariaeth sgiliau digidol yn addas i'r diben
10. Chwilio am gyllid ar gyfer cynlluniau peilot sy'n tarfu a chynlluniau braenaru ar gyfer technolegau newydd
11. Hyrwyddo defnyddio llyfrgell o arferion gorau ac astudiaethau achos (gellir gwneud hyn drwy ddatblygu cynllun arfaethedig 2.)
12. Mabwysiadu ymgyrch o fersiwn Cymru o’r llawlyfr digidol (gellir gwneud hyn drwy ddatblygu cynllun arfaethedig 3)
13. Ymgyrch yn gysylltiedig â llyfrgell o arferion gorau a chanolfan wybodaeth ar gyfer safonau sydd eisoes yn bodoli a rhyngweithredu data (gellir gwneud hyn drwy ddatblygu menter arfaethedig 2)
14. Edrych ar botensial gefell digidol i bob ased sector cyhoeddus
15. Creu set safonol o fetrigau ESG wedi'u galluogi'n ddigidol i'w defnyddio ym mhob prosiect sector cyhoeddus
16. Defnyddio prosiectau braenaru gan ddefnyddio technolegau peilot (platfformau IoT ar gyfer monitro gwerth amgylcheddol a chymdeithasol), cael meincnodau digidol ac atgynhyrchu safoni fel y gwelir yn Null Gweithredu Patrwm Tai Cymdeithasol Cymru ar gyfer pob teipoleg o adeiladau cyhoeddus. (gellir gwneud hyn drwy ddatblygu cynllun arfaethedig 3).
17. Codi proffil y datrysiadau digidol sectoraidd a thraws-sectoraidd sydd ar gael sy’n gyrru deddfwriaeth a pholisïau sydd eisoes yn bodoli a galluogi canlyniadau amgylchedd adeiledig. (Gellir gwneud hyn drwy ddatblygu pwynt 2).
18. Ceisio cyllid i efelychu a darparu enghreifftiau o lwyddiant (ee SPECIFIC) i gyflawni sero net drwy’r digidol
19. Cefnogi marchnad deunyddiau lleol Cymru i fabwysiadu technolegau sy’n rhoi tystiolaeth o’r gallu i olrhain cynnyrch

Trosglwyddo Sgiliau a Gwybodaeth

20. Cysylltu a dylanwadu ar gyllid presennol gyda CITB ac Ysgolion y Gadwyn Gyflenwi Cynaliadwyedd ar gyfer hyfforddiant cymwyseddau digidol craidd. (Trowch at bwynt 9.)
21. Dealltwriaeth well a chodi ymwybyddiaeth o gyllid i fusnesau bach a chanolig ac i unigolion sy’n uwchsgilio. (Gellir gwneud hyn drwy ddatblygu pwynt 2)
22. Gweithio'n agos gyda darparwyr presennol i ehangu ar sgiliau digidol craidd yn y Gyfres o Gymwysterau Addysg Uwch a’r llwybrau prentisiaeth

O ystyried natur amrywiol y cynlluniau arfaethedig a’r strategaethau/polisïau maent i fod i'w bodloni, bydd angen datblygu cyfres o fetrigau addas i'r diben. Bydd hyn yn golygu bod modd mesur effeithiau pob cam gweithredu unigol a'u cyfraniad ar y cyd at amcanion. Cytunir ar fetrigau gyda llinellau adrodd clir sy'n bodloni amcanion strategol. Gyda nifer o’r cynlluniau yn y cynllun gweithredu hwn yn ceisio adeiladu ar, neu ganolbwyntio ar wybodaeth, mecanweithiau a cherbydau sydd eisoes yn bodoli, bydd hi’n hawdd mabwysiadu metrigau gwireddu manteision sydd wedi ennill eu plwyf.

Mae sawl dibyniaeth ar draws y gyfres o gynlluniau arfaethedig, mae'r rhain yn cynnwys cytundeb gan arweinwyr gwleidyddol, adnoddau dynol Llywodraeth Cymru, adnoddau ariannol a chefnogaeth a chyfraniad rhanddeiliaid mewn gwahanol ffurfiau.  Mewn llawer o achosion, mae'r gwaith paratoi a wnaed i ddatblygu'r cynllun gweithredu hwn eisoes wedi llwyddo i sicrhau ymrwymiad cadarnhaol i nifer o'r dibyniaethau y mae cynlluniau unigol yn dibynnu arnynt. Bydd mabwysiadu’r cynllun yn ffurfiol ond yn lleihau unrhyw ddibyniaethau sydd ar ôl eto i gael sylw.

Sbardunwyr Technolegau Digidol yn y Sector Amgylchedd Adeiledig/Adeiladu

Mae cryn gefnogaeth y tu ôl i’r newid i’r digidol ar gyfer yr amgylchedd adeiledig ar sail y darlun byd-eang ehangach, Cyd-destun y DU ac economi Cymru. Mae'r ymdrech i gyrraedd Sero Net (Allyriadau, Rheoli Asedau), Economi Gylchol, yn ogystal â mwy o ffocws ar gaffael yn well a chydymffurfio'n well â diogelwch (Deddf Diogelwch Adeiladau) ynghyd â'r angen i adeiladu rhagor o gartrefi ar yr un pryd â sicrhau twf glân (ynni, trafnidiaeth, seilwaith) wedi creu tirwedd ddiddorol. Roedd yr Hyb Arloesedd Adeiladu wedi nodi bod cydosod/gweithgynhyrchu oddi ar y safle, dulliau adeiladu modern a diogelwch adeiladu yn cyflymu gwerth technoleg ddigidol yn y sector a’r newid cyffredinol i naratif adeiladu diwydiannol drwy strategaeth a datganiad polisi’r sector sy’n cysylltu’r cyfan. 

Cynyddu Cynhyrchiant ac Effeithlonrwydd 

Gyda chyllidebau tynn a marchnadoedd cystadleuol, mae gwella cynhyrchiant drwy ddefnyddio adnoddau’n effeithlon yn sbardun pwysig i drawsnewid ac yn un lle mae’r digidol yn alluogwr allweddol.  Mae technolegau digidol yn safoni ac yn creu hyblygrwydd a dulliau platfform. Mae'n hwyluso ymatebion ystwyth i amodau sy'n newid, yn lleihau gwastraff, yn mesur ac yn monitro dangosyddion perfformiad allweddol yn well ac yn helpu i wneud penderfyniadau tryloyw er mwyn cael effaith ar systemau. 

Gwella Diogelwch, Cymhwysedd a Chydymffurfedd  

Mae technoleg ddigidol yn gwella'r broses o reoli gwybodaeth sy'n creu 'llinyn aur' ar gyfer rhyngweithredu di-dor ac yn meithrin tryloywder a chydweithio mewn prosiectau a phrosesau. Mae’n creu llwybrau i gydymffurfio â Deddf Diogelwch Adeiladau’r DU a Chymru. 

Cysylltu ac addasu i ddeddfwriaeth 

Mae Deddf Llesiant Cenedlaethau'r Dyfodol yn galw am feddwl mewn ffordd gydgysylltiedig ac mae technoleg ddigidol yn galluogi hynny. Mae hefyd yn gallu cyflawni’n well yn erbyn tirwedd ddeddfwriaethol ddatblygol yr amgylchedd adeiledig fel y diweddariadau diweddar i’r Ddeddf Diogelwch Adeiladu (Llinyn Aur), y Ddeddf Partneriaeth Gymdeithasol a Chaffael Cyhoeddus, y Strategaeth Bren (dulliau adeiladu modern) a’r Patrwm Tai Cymdeithasol. 

Gwella tryloywder y gadwyn gyflenwi 

Cysylltu cadwyn gyflenwi dameidiog, sy’n amrywio o fusnesau mawr i fusnesau micro, drwy allu gwell i olrhain, a thryloywder ac atebolrwydd gwell gan ddangos tirwedd ddynamig a datblygol y sector. 

Lleihau risgiau 

Mae’n gwella’r gallu i ragweld ac mae’n lleihau’r risgiau drwy roi data wrth galon popeth.  

Ymateb i bryderon am gynaliadwyedd, yr hinsawdd, sero net a gwerth cymdeithasol 

Mae’n lliniaru’r her i ymwybyddiaeth oherwydd prosesau cymhleth, yn adeiladu gwydnwch tymor hir, yn casglu data’n well ac yn helpu meincnodi ar garbon, gwastraff, effeithlonrwydd ar yr un pryd â hyrwyddo’r hyn sy’n cael ei ddysgu.