Defnyddiwch y map hwn i ddod o hyd i domenni glo segur a'u categoreiddio diogelwch.
Cynnwys
Map
Dengys y map hwn leoliad a ffiniau tomenni glo nas defnyddir o BOB sgôr categori yng Nghymru.
Mae'n dwyn ynghyd y ddwy fersiwn flaenorol o'r data lle roedd tomenni categori C a D a thomenni categori R, A a B yn cael eu dangos ar wahân.
Fe'i cyhoeddwyd fel bod aelodau o'r cyhoedd yn gwybod ble mae tomenni glo nas defnyddir a'r gwaith y mae Llywodraeth Cymru a'n partneriaid yn ei wneud mewn perthynas â diogelwch tomenni glo.
Allwedd
Categorïau Tomenni Glo Segur
Categori D
Categori C
Categori B
Categori A
Categori R
Mae'r Map o Leoliadau Tomenni Glo nas Defnyddir yn adlewyrchu'r wybodaeth sydd ar gael ym mis Mai 2025. Caiff y map ei ddiweddaru er mwyn adlewyrchu canfyddiadau'r rhaglen barhaus o archwiliadau ac asesiadau. Mae dyddiad wedi'i ychwanegu at bob tomen lo sy'n adlewyrchu pryd yr archwiliwyd y domen ddiwethaf.
Mae pob tomen lo wedi cael rhif adnabod unigryw (UID) er hwylustod. Mae tomenni wedi'u lliwio neu eu patrymu'n wahanol yn ôl sgôr categori'r domen (gweler yr allwedd o dan y map).
Mae ffiniau tomenni i'w gweld hyd at raddfa o 1:25,000. Ystyrir mai hon yw'r raddfa fwyaf priodol er mwyn dangos lleoliadau tomenni yng nghyd-destun eu hardal leol o fewn cyfyngiadau hawlfraint presennol.
Crëwyd graddau'r tomenni o sawl ffynhonnell gan gynnwys mapio uchder, awyrluniau a mapiau hanesyddol.
Mae'r data hyn yn cynnwys gwybodaeth sydd o dan hawlfraint ac sydd at ddefnydd personol yn unig. Ni ellir eu defnyddio at ddibenion masnachol.
Llywio
Cliciwch a llusgwch o fewn ffrâm y map i symud y map o gwmpas.
Defnyddiwch y botymau +- i chwyddo i mewn ac allan.
Cliciwch o fewn ardal tomen i weld manylion y domen honno, gan gynnwys ei rhif adnabod unigryw (UID), ei sgôr categori, yr awdurdod lleol perthnasol a'r dyddiad yr archwiliwyd y domen ddiwethaf gan yr Awdurdod Adfer Safleoedd Mwyngloddio.
Mae swyddogaeth chwilio ar gael yn yr adran dde uchaf o'r Map. Gellir defnyddio'r bwlch chwilio hwn i ddod o hyd i ardal o ddiddordeb (e.e. tref, pentref neu ardal) a gellir ei ddefnyddio hefyd i gofnodi cyfeirnod grid er mwyn symud y map i'r lleoliad hwnnw.
Datrys Problemau
Disgwylir i'n mapiau gwe digidol ar-lein o'r tomenni glo nas defnyddir fod ar gael 24 awr y dydd, saith diwrnod yr wythnos. Os nad yw'r map yn gweithio, efallai y byddwch am wirio eich cysylltiad â’r rhyngrwyd a/neu ddefnyddio porwr rhyngrwyd gwahanol. Os bydd y problemau yn parhau, gallai hynny ddigwydd am fod toriad annisgwyl yn y gwasanaeth neu am fod llawer o bobl yn defnyddio'r wefan ar yr un pryd, felly gallech roi cynnig arall arni yn nes ymlaen. Os bydd y problemau yn parhau, cysylltwch â ni.