Maes dysgu a phrofiad iechyd a lles yn y Cwricwlwm i Gymru: astudiaeth ansoddol

Mae'r gwerthusiad ffurfiannol o Gwricwlwm i Gymru yn mabwysiadu dulliau cymysg gan gynnwys arolygon o uwch arweinwyr ac ymarferwyr, arolygon o rieni/gofalwyr a dysgwyr, astudiaethau achos hydredol i ddeall teithiau gwireddu cwricwlwm ysgolion, a sawl astudiaeth ansoddol seiliedig ar bynciau sy'n archwilio elfennau penodol o Gwricwlwm i Gymru. Ei nod yw darparu darlun ansoddol a meintiol eang o sut mae'r diwygiadau'n gweithio, sut mae arfer yn newid a sut mae ymarferwyr, dysgwyr a'u teuluoedd yn profi'r newidiadau hyn.

Mae'r adroddiad hwn yn nodi canfyddiadau un o’r astudiaethau ansoddol seiliedig ar bwnc y gwerthusiad. Roedd yr ymchwil yn cynnwys gwaith maes gydag 8 ysgol (4 ysgol gynradd a 4 ysgol uwchradd), a gynhaliwyd rhwng mis Mehefin a mis Hydref 2024. Fe'i harweiniwyd gan Brifysgol Metropolitan Caerdydd a'i gefnogi gan Ymchwil Arad.

Mae'r adroddiad yn cyflwyno canfyddiadau ar:

• cyfleoedd a gynigir gan y Maes Iechyd a Lles
• cynllunio a strwythur y Maes Iechyd a Lles
• addysgeg a ddefnyddir i gefnogi addysgu a chynnydd yn y Maes Iechyd a Lles
• heriau a wynebir yn y Maes Iechyd a Lles
• sut mae lleoliadau ac ymarferwyr yn cael eu cefnogi i weithredu'r Maes Iechyd a Lles fel rhan o Gwricwlwm Cymru

Mae Llywodraeth Cymru wedi ystyried canfyddiadau’r adroddiad ac wedi cyhoeddi ymateb.